Vendi i ëndrrave

13 Nëntor, 2022 - 10:30 am

Sot shënohen gjithsej 172 vite nga lindja e novelistit, eseistit, poetit dhe shkrimtarit skocez, Robert Louis Stevenson, shkruan KultPlus.

Më poshtë KultPlus ua sjell poezinë ‘Vendi i ëndrrave’ nga Robert Louis Stevenson.

Ha mëngjezin dhe gjithë ditën
Brenda në shtëpi rri, me miqtë:
Por nisem, sapo bëhet natë
Për te vend i ëndrrave, larg.

Dhe vetëm fare, fillikat,
S’më rrëfen kush, poshtë, a lart,
Vetëm ndër përrej të furishëm,
A shkrepa malesh të magjishëm.

Ç’më pret andej, asgjë nuk di,
Çfarë do të shoh, ç’do ha, ç’do pi,
Sa herë gjaku do t’më ngrijë,
Në atë vend, gjersa të gdhijë.

Dhe të mundohem sa të dua,
S’shkoj dot andej pasi jam zgjuar,
S’më vjen ndër mend asnjë nga këngët
Që më mrekullonin në ëndërr.

Përktheu: Maksim Rakipaj / KultPlus.com

Të fundit

Të ngjajshme