Dy poezi nga Afrim Demiri

1.Vetëtimthi

Një vetëtimë shfaqi
befasisht portretin tand
kroki në qiell

Të gjitha lutjet tona si flutura
t’ prarueme u nisën
vetëtimthi drejt teje

Kush më thotë
ç’ kanë të përbashkët
andrrat dhe vetëtimat

2. Fetusi plak

Kur m’ kaplon
malli Nanë
nisi e  marr
trajtën e fetusit

Malli shkon
e bahet top
në zemër
e trupi m’ lidhet
kamb e duarsh
dhe gishtat bahen grusht

Rri ashtu
Gogluq
Unë
Fetusi plak
derisa k’thiza
m’ del e m’ kthen
te ti

Dikur oh dikur
kur malli
m’ lshon ngadal
dal nga fryma
jote
dhe filloj të eci
prej s’pari./KultPlus.com