Në garën e zbulimit të talentëve “The Voice of Albania” ku pat marr pjesë edhe Albina Kelmendi, përgjatë garës ajo kishte përzgjedhë për trajnere këngëtaren e famshme Elsa Lila, shkruan KultPlus.

Në “The Voice of Albania”, Albina Kelmendi ishte shquar për një zë të fuqishëm dhe për një stil prej rokereje, po pas kësaj gare, Kelmendi ka ndryshuar zhanrin e muzikës dhe është e kërkuar shumë nëpër dasmat e Kosovës.

Dhe në garën e fundit të edicionit të 61-të të Festivalit të RTSH-së, pikërisht Albina Kelmendi fitoi garën për të përfaqësuar Shqipërinë në Eurovizion, e trajnerja e atëhershme Elsa Lila u shpërblye me vendin e parë nga juria profesionale./ KultPlus.com