Bebe Rexha me mesazh mbështetës për Monika Kryemadhin

23 Dhjetor, 2017 - 5:54 pm

Ditëve të fundit në politikën e Shqipërisë janë duke ndodhur disa zhvillime jo aq të mira. Ka shumë akuza e kundër akuza ndaj politikanëve mes veti, e sidomos rasti i kryetares së partisë LSI, Monika Kryemadhi me kryeministrin e Shqipërisë, Edi Rama.

Për këtë rast, kryetarja e LSI-së ka mbështetje nga shumica e njerëzve. Po ashtu, Kryemadhin është duke e mbështetur edhe e afërmja e saj këngëtarja e njohur me origjinë shqiptare, Bebe Rexha.

“Ka miliona gra të shtypura në mbarë botën dhe po gratë e tilla janë ato që po bëjnë ndryshime. Kjo grua është e fortë. Ajo është nënë. Ajo është grua. Ajo është motër. Ajo është liderja e parë femër e një partie politike në Shqipëri. Ajo ka thyer tabutë dhe u ka dhënë guxim jo vetëm grave të Shqipërisë, por grave anembanë botës për të shkuar pas ëndrrave të mia. Duke u rritur më është thënë të flas vetëm kur duhet të flasë, tani unë flas kur kam për të thënë diçka. Faleminderit Monika Kryemadhi që je renegate”, ishte mesazhi mbështetës i Bebe Rexhës për Monika Kryemadhin.

Të ngjajshme