Këngëtarja me prejardhje nga Kosova, tashmë me famë botërore, Dua Lipa pas performancës së shkëlqyer në ‘Evropa Plus’ në Rusi, dhe shpërblimit me ‘pllakën e artë’ atje, siç duket është bërë edhe më e njohur dhe më e ndjekur në rrjetet sociale, shkruan KultPlus.

Dua Lipa ka arritur 2 milionë ndjekës në llogarinë e saj në rrjetin social Instagram. Gëzimin për këtë sukses ajo e ka shprehur edhe përmes një postimi në Instagram.

‘Faleminderit për 2 milionë ndjekës në Instagram! Woweee sa shumë njerëz (ndoshta edhe disa robota) !!!’ ka shkruar Dua Lipa poshtë fotografisë ku shihet ajo dhe ekipa e saj në Disneyland.
Dua Lipa një muaj më parë publikoi këngën ‘New Rules’, e cili deri më tani ka marrë më shumë se 637 milionë klikime në YouTube. /KultPlus.com