Dua Lipa së shpejti lanson ‘podcast’, interviston disa nga emrat më të njohur të modës, muzikës e letërsisë

4 Shkurt, 2022 - 10:30 pm

Këngëtarja kosovare me famë botërore, Dua Lipa, duket se nuk ka të ndalur në punën e saj drejt sukseseve, shkruan KultPlus.

Lipa së fundmi ka bërë të ditur se më 11 shkurt do të lansojë shërbimin e saj të ‘podcastit’ të titulluar “Dua Lipa në shërbimin tuaj”.

Lajmin e ka bërë të ditur ajo vetë në llogaritë e saj në rrjetet sociale, duke shprehur entuziazmin e saj.

Podcasti ynë i shërbimit95 po lansohet më 11 shkurt dhe jam shumë e emocionuar që të gjithë të bashkoheni me mua në këtë udhëtim ku intervistoj disa nga emrat më të jashtëzakonshëm të modës, muzikës, letërsisë, aktivizmit global e shumë të tjera. Abonohuni në podcast dhe dëgjoni trilerin në shumicën e shërbimeve të transmetimit ose kudo që merrni podcastet tuaja”, ka shkruar Lipa. / KultPlus.com

Të fundit

Të ngjajshme