Era Istrefi në Moskë flet edhe për golat që shënuan Xhaka dhe Shaqiri

13 Korrik, 2018 - 2:59 pm

Era Istrefi së bashku me Will Smith dhe Nicky Jam kanë mbajtur konferencën për media para performancës së tyre, në finalen e Kampionatit Botëror, shkruan KultPlus.

“Ndjehem e privilegjuar të jem në kampionat, në një ngjarje që ndodh një herë në katër vite. Për të ndarë kaq shumë emocione së bashku dhe për të bashkuar vendet përmes lojës por edh epërmes muzikës”, është shprehur aj duke theksuar se kjo është hera e parë e saj në Rusi.

Po ashtu e pyetur se cili ka qene momenti më i rëndësishëm gjatë kampionatit ajo është përgjigjur se loja e Zvicrës kundër Serbisë, ku edhe kanë shënuar dy shqiptarë. Tutje ajo ka biseduar edhe për lojtarin e saj të preferuar.

“Momenti më i rëndësishëm është kur ka luajtur Zvicra. Dy lojtarë kanë shënuar dhe që të dy ishin shqiptarë”, është shprehu ajo.

“Më pëlqen Cristiano Ronaldo dhe mënyra sesi ai shënoi dy gola gjatë lojës me Spanjën më pëlqen pasioni i tij dhe përkushtimi që ka ndaj futbollit”, është përgjigjur Era Istrefi kur është pyetur se cili është lojtari i saj i preferuar.

Tutje ajo ka vazhduar” Mirëpo mendoj që puna që bënë Lionel Messi së bashku me Cristiano Ronaldo, është mbresëlënëse pasi që të dy luajnë më shumë pasion”.

Era Istrefi është pjesë e këngëtarëve të këngës zyrtare të këtij kampionati – ‘Live it up’, bashkë me Will Smith dhe Nicky Jam./ KultPlus.com

Të fundit

Të ngjajshme