Rita Ora në Holandë e kujton me emocione artistin Avicii (VIDEO)

29 Prill, 2018 - 10:42 am

Këngëtarja shqiptare Rita Ora e ka kujtuar në një mënyrë të veçantë kolegun e saj, Avicii, i cili javën e kaluar ndërroi jetë.

Rita e cila ka bashkëpunuar me artistin suedez në disa projekte, e ka kujtuar Aviciin në një festival në Holandë derisa ka kërkuar nga publiku 1 minut heshtje.

“Është e vështirë ta këndoj këtë këngë pasi nuk e kam kënduar asnjëherë që nga vdekja e Avicii, dhe dua të gjithë të këndoni bashkë me mua” ka thënë Rita Ora derisa ka kënduar “Lonely Together” në skenë.

“Ky djalë ma ka ndryshuar jetën. Ai ka qenë një shok i mirë për mua” ka thënë Rita për Tim Bergling, artisti 28 vjeçar i cili ndërroi jetë javën e kaluar.

538Koningsdag Festival e mirëpriti artisten shqiptare në një performancë të zjarrtë. / KultPlus.com

Të fundit

Të ngjajshme