Rita Ora tregon se kush qëndron prapa suksesit të saj

19 Qershor, 2022 - 9:30 pm

Këngëtarja e njohur kosovare me famë botërore, Rita Ora, ka rrëfyer se arma e saj sekrete e suksesit në industrinë muzikore është motra e saj 33-vjeçare, Elena, e cila po udhëheq drejtimin krijues të albumit të saj.

Bota e menaxhimit të showbizit është e dominuar nga burrat, por Rita është mirënjohëse pasi e di se fuqia që qëndron pas suksesit të saj do të qëndrojë gjithmonë e njëjtë, sepse është motra e saj e madhe, raportoi “The Mirror” të shtunën.

Rita ka pasur Elenën 33-vjeçare pranë saj që kur ajo fitoi famë në vitin 2012 dhe dyshja pranojnë se kur bëhet fjalë për suksesin e Ritës, ata e shohin atë si një gjë që duhet festuar bashkë, edhe pse shumica e njerëzve nuk e kanë idenë se Elena është ajo që e ndihmon.

“Unë jam po aq krenare për suksesin sa Rita. Por mendoj se publiku e sheh vetëm reagimin e saj. E ndiejmë si një gjë ekipore. Është e qartë se publiku thjesht e sheh Ritën, por për ne kështu është”, ka thënë Elena.

Krijuesja i hitit “Hot Right Now” ka thënë se Elena ia del mirë ta mbrojë atë pasi e njeh mirë industrinë.

Motrat Ora kanë negociuar marrëveshje filmash, partneritete markash me shtëpi të modës si Prada dhe gjithashtu kanë negociuar një sërë kontratash fitimprurëse televizive./koha/ KultPlus.com

Të fundit

Të ngjajshme