Është ndarë nga jeta në moshën 68-vjeçare muzikanti i njohur amerikan, Edward C. “Ed” King.

Rokeri klasik ishte i njohur më shumë si kitaristi i grupit të njohur Lynyrd Skynyrd, dhe bashkë-autor i këngës së famshme “Sweet Home Alabama”.

Artisti ndërroi jetë në Nashville, si pasojë e vuajtjeve nga kanceri në mushkëri.

Ed King nuk ishte me grupin në vitin 1977 kur Van Zant dhe anëtarët e tjerë vdiqën në një aksident avioni.

Ai gjithashtu është një ndër bashkë-themeluesit e ” Strawberry Alarm Clock”, grup i formuar në Los Anxhelos në mes të viteve 1960.

Ai u fut në “Hall of Fame Rock and Roll” në vitin 2006 bashkë me të gjithë anëtarët e tjerë të Skynyrd.

Lajmi për vdekjen e tij u konfirmua nga faqja e Ed King në Facebook.

“Është një trishtim të madh që ne të ju njoftojmë për humbjen e Ed King, i cili vdiq në shtëpinë e tij në Nashville, Tennessee më 22 gusht 2018. Falënderojmë shumë miq e tifozë për dashurinë dhe mbështetjen e tyre ndaj Edit gjatë jetës dhe karrierës së tij”, thuhet në njoftim. /KultPlus.com