Vjosa Osmani e uron Dua Lipën pas çmimeve të fituara

12 Maj, 2021 - 10:42 am

Këngëtarja shqiptare, Dua Lipa ka dominuar natën e mbrëmshme në ‘Brit Awards’ duke fituar dy çmime të rëndësishme.

Dua u shpërblye fillimisht për çmimin ‘Artistja më e mirë solo e vitit’, e që më pas fitoi edhe një nga çmimet më të rëndësishme të mbrëmjes, ‘Albumin më të mirë të vitit”.

E lumtur për këtë arritje të 24-vjeçares u shpreh edhe Presidentja e Kosovës, Vjosa Osmani – Sadriu, e cila uroi këngëtaren përmes një postimi në rrjetin social “Twitter”.

“Urime yllit tonë për dominimin në Brits 2021 natën e kaluar! Albumi i saj i fundit erdhi në një kohë të vështirë për shumë njerëz dhe ajo meriton mirënjohje për gëzimin që muzika e saj ka sjellë në të gjithë botën. Me dashuri nga Kosova”, ka shkruar Vjosa Osmani në Twitter.

Brits Award njihet si mbrëmja më e madhe muzikore e ndarjes së çmimeve në Mbretërinë e Bashkuar. / KultPlus.com

https://twitter.com/VjosaOsmaniPRKS/status/1392368119939805187?ref_src=twsrc%5Etfw%7Ctwcamp%5Etweetembed%7Ctwterm%5E1392368119939805187%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fvjosa-osmani-ka-disa-fjale-per-dua-lipen-pas-cmimeve-te-fituara%2F

Të fundit

Të ngjajshme