Daniel Craig për rolin e Bondit: Për çudi, tani ju besoj njerëzve shumë më shumë

Aktori i njohur britanik, Daniel Craig, ka thënë se portretizimi i rolit të agjentit të famshëm James Bond e ka bërë “të ketë besim më të madh” te të tjerët.

Aktori 53-vjeçar e ka luajtur rolin e 007-shit për herën e pestë dhe të fundit në filmin e ri “No Time To Die” dhe ka pranuar se portretizimi i agjentit ikonik për 15 vjet radhazi e ka ndryshuar shumë si person.

Craig ka thënë për revistën “SiriusXM” se ka reflektuar shumë për këtë gjë kohëve të fundit.

“Vërtet mund ta vëresh se sa shumë më ka ndryshuar. Një person duhet të ndryshojë, një person duhet ta ekzaminojë jetën e tjetrit dhe kur punoni e shihni veten në një vend tjetër. Por dikur kam pasur vështirësi shumë me autoritetin”, ka thënë ai. “Tani jam person që gjithmonë shikoj se çfarë ka qosheve. Nuk jam i sigurt, jam tepër dyshues, por tani nuk jam edhe aq shumë. Kam kaluar nëpër tërë këtë proces. Jam shumë më i hapur. Për çudi, ju besoj njerëzve shumë më shumë”.

Ylli i filmit “Knives Out” gjithashtu ka rikujtuar se sa vlerë ka pasur për të këshilla e regjisorit Mike Nichols, me të cilin kishte punuar në “Betrayal”.

“Ai më tha: ‘Daniel, mos puno me budallenj’. Dhe unë e pranova se kishte të drejtë. Sa më shumë që vitet po kalojnë po e kuptoj se ka pasur shumë të drejtë. Mos puno me budallenj. Nëse keni mundësi dhe mund t’iu shmangeni budallenjve, atëherë do të mund ta shfaqni më të mirën para të tjerëve e edhe të tjerët do të mund t’ju përgjigjen njësoj”, ka theksuar ai.

Filmi i fundit që e sjell aktorin Craig në rolin e agjentit i ka arkëtuar gjithsej 56 milionë dollarë në javën e parë të shfaqjes nëpër kinematë e Shteteve të Bashkuara të Amerikës dhe Kanadasë.

Pas 18 muajsh vonese në lansim, si pasojë e pandemisë, “No Time to Die” ka debutuar në arkat filmike të Amerikës Veriore.

Dhe projekti në të cilin aktori britanik e portretizon për herë të fundit agjentin 007 arriti që t’i fitojë gjithsej 56 milionë dollarë nga shitja e biletave brenda një jave të vetme.

Kështu, “No Time To Die” me lehtësi ka arritur që të pozicionohet në vendin e parë të arkave filmike./ KultPlus.com

Filmi i ri i James Bond premierë në Royal Albert Hall

Premiera botërore e filmit të James Bond “No Time To Die” do të prezantohet më 28 shtator në Royal Albert Hall, në Londër.

Shfaqja përfundimtare e Daniel Craig si 007 është vonuar në mënyrë të përsëritur për shkak të pandemisë së COVID-19.

Një mesazh në llogarinë zyrtare të filmit në Tëitter tha se Craig do të bashkohet me producentët Michael G Wilson dhe Barbara Broccoli, si edhe regjisorin Cary Joji Fukunaga në tapetin e kuq.

Premiera do të jetë dy ditë para se filmi të dalë në kinema më 30 shtator.

Një numër premierash të Bond janë zhvilluar në qytetin e famshëm të Londrës, përfshirë “Spectre” 2015, ku ishin të pranishëm edhe Duka dhe Dukesha e Kembrixhit, si dhe duka e Suseksit.

“No Time To Die” ishte filmi i parë i madh që ra viktimë e pandemisë, kur dalja e tij në prill 2020 u shty në nëntor, pasi virusi përfshiu globin.

Më pas, ai u vonua disa herë, ndërsa kinematë në të gjithë botën mbetën të mbyllura.

Në “No Time To Die” luajnë gjithashtu Lea Seydoux, Rami Malek, Lashana Lynch dhe Ana De Armas dhe drejtohet nga Fukunaga, me një skenar të bashkëshkruar nga krijuesja e “Fleabag”, Phoebe Waller-Bridge.

“No Time To Die” zbulon se Bond ka lënë shërbimin aktiv dhe po shijon një jetë të qetë në Xhamajka, kur shoku i tij i vjetër nga CIA, Felix Leiter, i luajtur nga Jeffrey Wright, i kërkon ndihmë. / KultPlus.com

Del në ankand pistoleta e përdorur në filmin e parë “007”

Pistoleta “Walther PP” e përdorur nga Sean Connery në filmin e parë të James Bond-it do të dalë në ankand muajin tjetër në Los Anxhelos, me një çmim bazë midis 150 000 dhe 200 000 dollarë.

Aktori i madh skocez, i cili ndërroi jetë muajin e kaluar në moshën 90-vjeçare, në shtëpinë e tij në Bahamas, e përdori këtë pistoletë në filmin e vitit 1962 “Dr.Jo”, që nisi sagën shumë të suksesshme të agjentit sekret britanik.

“Silueta e agjentit 007, i cili mban këtë armë, u bë imazhi më ikonik në ekskluzivitetin e James Bond dhe një nga referencat më të njohura të kulturës pop të të gjitha kohërave”, tha Martin Nolan, drejtori ekzekutiv i shtëpisë së ankandeve Julien.

Në filmin “Dr. Jo”, krerët e Shërbimit Sekret Britanik e urdhërojnë Bondin ngurrues që të ndërrojë pistoletën e tij të vjetër “Beretta” me një “Walther”.

Variantet e “Walther” do të mbeten arma e zjarrit e 007 për gati 25 filma./atsh/ KultPlus.com

epa04979562 A handout photo provided by ‘Madame Tussauds London’ on 16 October 2015 of the wax figures of all six ‘James Bond’ actors, with five completely new wax 007s joining the existing figure of Daniel Craig (3-L). To coincide with the release of the latest 007 movie ‘Spectre’, the line up of (L-R) Roger Moore, Timothy Dalton, Daniel Craig, Sean Connery, George Lazenby, and Pierce Brosnan will appear at the Legendary London attraction for six weeks only, before embarking on a tour of Madame Tussauds locations worldwide on 01 December. EPA/JONATHAN HORDLE/MADAME TUSSAUDS/HANDOUT HANDOUT EDITORIAL USE ONLY/NO SALES

Billie Eilish, zëri i kolonës zanore të 007

Vazhdon periudha magjike e Billie Eilish. Pasi hyri në historinë e çmimeve “Grammy”, si fituesja më e re e kohërave, tani 18 vjeçarja ka vënë një këmbë edhe në kinema, e kjo falë James Bondit.

Natën e shkuar është prezantuar No Time To Die, kënga kryesore e filmit të 25 dedikuar agjentit 007, që del në kinema më 9 prill, e prodhuar nga vetë Billie Eilish në bashkëpunim me të vëllain Finneas dhe muzikantin Stephen Lipson.

Të jesh pjesë e këtij projekti është çmenduri. Për mua është një nder i madh për të bashkëpunuar për kolonën zanore të filmit. James Bond është seria më e bukur e kohërave dhe unë jam akoma nën shok, ka thënë Eilish. E ky është edhe një tjetër rekord për këngëtaren që me “No Time to Die”, bëhet edhe artistja më e re e kohërave që ka firmosur temën kryesore të një filmi Bond.

Filmi do të arrijë nëpër kinema në prill, por “No time to die”, ka zbuluar tashmë disa sekrete. Në pritje të trajlerit të parë, që do të prezantohet shumë shpejt, janë shpërndarë postera të protagonistëve.

Sigurisht Daniel Kreig është në petkën e James Bond, por edhe Rami Malek, që vesh ato të të keqit të radhës. Më pas pjesë e kastit janë edhe Lashana Lynch, Lea Seydoux, Ana de Armas dhe Ben Whishaw./bw/ KultPlus.com