Etiketë: 17 Maji

Në Ditën Ndërkombëtare kundër Homofobisë, pjestarë të komunitetit LGBTI vendosin grafite në disa qytete të Kosovës (FOTO)

Posted on by Kult Plus

Sot, në ditën Ndërkombëtare kundër Homofobisë, Bifobisë, Interfobisë dhe Transfobisë (IDAHOBIT), aktviste dhe aktivistë të rinjë të komuniteti LGBTQ+ kanë vendosur mbishkrime në qytete të ndryshme të Kosovës.

17 maji shënon Ditën Ndërkombëtare kundër Homofobisë, Bifobisë, Interfobisë dhe Transfobisë (IDAHOBIT). Ditë kjo që vë theksin në orientimet seksuale, identitetet gjinore dhe karakteristikat e seksit.

Ndryshe nga vitet e kaluara të rinjë të komunitetit LGBTI kanë vendosur mbishkrime në Prizren, Gjilan dhe Malishevë për të treguar prezencën e tyre.

“Me kon gej osht okej”, ‘Queer knej, queer anej, queer n’tona ant”, “Dashnia nuk mshefet”, “Gratë nuk i dojnë veç burrat, gratë i dojnë edhe gratë”, janë disa nga mbishkrimet të cilat i kanë shoqëruar edhe me vizatime.

Demokracia.com ka publikuar disa nga këto grafite. / KultPlus.com

May be an image of outdoors
May be an image of nature
No photo description available.
May be an image of outdoors and brick wall

17 Maji, Dita Botërore kundër Homofobisë

Posted on by Kult Plus

Dita Ndërkombëtare Kundër Homofobisë, Transfobisë dhe Bifobisë shënohet më 17 maj dhe synon të koordinojë ngjarjet ndërkombëtare që rrisin ndërgjegjësimin për shkeljet e të drejtave të komunitetit LGBTI.

Në vitin 2013, kur u shënua përvjetori i 9-të i kësaj dite, u zhvilluan ngjarje në pothuajse 120 vende, në të gjitha rajonet botërore.

Themeluesit e Ditës Ndërkombëtare Kundër Homofobisë, siç njihej fillimisht, krijuan Komitetin IDAHO për të koordinuar veprimtaritë bazë në vende të ndryshme, për të promovuar ditën dhe për të lobuar për njohjen zyrtare më 17 maj.

Kjo datë u zgjodh për të përkujtuar vendimi për heqjen e homoseksualitetit nga klasifikimi ndërkombëtar i sëmundjeve të Organizatës Botërore të Shëndetësisë (OBSH) në vitin 1990. / KultPlus.com