Etiketë: Adriana Abdullahu

Përkujtohet aktorja Adriana Abdullahu, Kurti: Padrejtësia e vrasjes së saj la jehonë të pazëvendësueshme

Posted on by Kult Plus

Sot, Teatri Kombëtar i Kosovës përkujtoi aktoren Adriana Abdullahu, e cila u vra nga forcat serbe 25 vjet më parë, përcjell KultPlus.

I pranishëm në këtë ceremoni ishte edhe kryeministri i Kosovës Albin Kurti, i cili pas ceremonisë shkroi në profilin e tij në Instagram se padrejtësia e vrasjes së Adrianës la jehonë të pazëvendësueshme.

Në vijim, KultPlus ua sjell postimin e kryeministrit Kurti:

Sot u mblodhëm për 25-vjetorin e vrasjes së aktores Adriana Abdullahu nga të shtëna të forcave serbe.

Padrejtësia e vrasjes së Adrianës la jehonë të
pazëvendësueshme. Humbja e saj fizike asnjëherë nuk do të ngadhënjejë mbi fuqinë e saj pozitive shpirtërore. Këtë e dëshmon edhe Teatri i Ferizajt ku zhvillohen gjeneratat e reja artistësh nën ombrellën e emrit Teatri “Adriana”.

Ne kujtojmë jetën dhe kontributin e saj në art dhe kulturë, duke përkujtuar ngjarjet dhe vlerat që ajo përfaqësonte. E ajo na rikujton që arti dhe kultura ndonëse zhvillohen në kohë, nuk varen prej kohës, dhe se arti dhe kultura janë thelbi i rezistencës së popujve të shtypur, që duan dhe arrijnë lirinë.

Mbi krahët e lirisë së Republikës sonë, atë po e bartin dhe jetësojnë brezat e rinj të aktrimit, bashkë me shembullin e dashurisë për teatrin, artin, të bukurën.

Lavdi jetës dhe veprës së Adriana Abdullahut!
I përjetshëm e përherë i ri qoftë kujtimi për të!/KultPlus.com

23 vjet nga vrasja e aktores Adriana Abdullahu nga forcat serbe

Posted on by Kult Plus

Sot shënohet 23 vjetori i vrasjes makabre të aktores Adriana Abdullahu, e cila u vra në mars të vitit 1999 nga sulmi i forcave serbe në një kafiteri në Prishtinë, pak para fillimit të bombardimeve të NATO-s, shkruan KultPlus.

Adriana ishte një aktore e talentuar, plot jetë e e dashur për të gjithë. Kishte fatin të shëtiste botën dhe kjo e kishte kultivuar edhe më shumë personalitetin e saj kulturorë e social.

Me rastin e përvjetorit të vdekjes së Adrianës, teatri i qytetit të Ferizajt që njëkohësisht mban emrin e aktores, e ka kujtuar atë përmes një postimi në facebook ku shprehin krenarinë e tyre që teatri mban emrin e aktores.

“PER ADRIANËN #23
Përvjetori i 23-të i vrasjes së Adriana Abdullahut nga forcat serbe në Prishtinë.
Sot, me krenari, Teatri në Ferizaj bart emrin e aktores së talentuar; koleges së dashur e plot dashuri; vajzës energjike e moderne – Adriana Abdullahut.
Adrianës tash e 23 vite më parë, iu shuan ëndrrat e një artisteje që në ato kohë të vështira krejt çfarë kishte mbetur ishin ëndrrat”. / KultPlus.com

22 vjet nga vrasja e aktores Adriana Abdullahu nga forcat serbe

Posted on by Kult Plus

Sot shënohet 22 vjetori i vrasjes makabre të aktores Adriana Abdullahu, e cila u vra në mars të vitit 1999 nga sulmi i forcave serbe në një kafiteri në Prishtinë, pak para fillimit të bombardimeve të NATO-s, shkruan KultPlus.

Adriana ishte një aktore e talentuar, plot jetë e e dashur për të gjithë. Kishte fatin të shëtiste botën dhe kjo e kishte kultivuar edhe më shumë personalitetin e saj kulturorë e social.

Me rastin e përvjetorit të vdekjes së Adrians, teatri i qytetit të Ferizajt që njëkohësisht mban emrin e aktores, e ka kujtuar atë përmes një postimi në facebook ku shprehin krenarinë e tyre që teatri mban emrin e aktores.

“Prindërit e kolegët e saj e përshkruajnë si një vajzë të hareshme e me dell humori të rrallë. Buzëqeshja dhe perspektiva e aj u ndërprenë dhunshëm nga një sulm i papritur i forcave serbe në një lokal ku Adriana dhe miqtë e saj takoheshin mbrëmjeve, kështu duke shuar një shpirt artisteje, e një vajzë që ishte shembull emancipimi e progresi shoqëror. Sot, teatri i Ferizajt, mban me krenari emrin “Teatri Adriana” dhe në vazhdimësi mëton të kujtoj e të afirmoj vlerat e saja  njerëzore e artistike”. / KultPlus.com