“Amantia”, krijimi artistik i Agron Penit mes tingujve të kitarës dhe bukurive natryrore

Krijimtaria më e re artistike e Agron Penit mban emrin “Amantia”, shkruan KultPlus.

Në videon e publikuar në kanalin e tij në YouTube, na shfaqet Peni duke sjellur tinguj të magjishëm me kitarën e tij, të kombinuara me pamjet mbreslënëse të Kosovës. Ujëvara, gurë, kala, bjeshkë e male shfaqen në video për të na bindur përmes “Amantia” se e bukura është arti dhe e tillë është vet natyra.

Ky emërtim rrjedh nga qyteti antik ilir në Epirin e Veriut apo Ilirinë e Jugut. Sot ky vend identifikohet me fshatin Ploç, në qarkun e Vlorës në Shqipëri.

Krijimi i fundit artistik i Agron Penit është realizuar në studion e Shpetasound, teksa xhirimet janë kryer nga Bleri Malushi dhe Komuna e Prishtinës ka qenë mbështetëse. / KultPlus.com

Agron Peni publikon albumin “Home”

Agron Peni sapo ka publikuar në të gjitha adresa online albumin e tij “Home”, ka thënë këngëtari për KultPlus.

[Përmes një statusi në Facebook, Agron Peni, ka falënderuar të gjithë ata që kanë kontribuar për realizmimin e këtij albumi.

“Uroj t’ju pëlqej albumi duke dëshiruar për Ju shëndet të mirë dhe tejkalim të lehtë të kësaj situate”, ka shkruar ndër të tjera Agron Peni.

Këtu keni statusin e tij të plotë:

“Albumi “ Home” sapo u publikua në të gjitha adresat online fale kompanisë Spanjolle “Publimaster” e cila promovon muzikën time ndërkombetarisht. “Home” është një album solo gitarë i sapo realizuar në këtë periudhë izolimi që përmban 10 pjesë instrumentale, përpunime dhe krijime origjinale.

Për të qene sa më afër jush, sidomos në këtë periudhë, albumi është realizuar bashkë me video në shtëpinë time të cilat do të shpërndahen ditëve në vijim në kanalin tim “Youtube” si dhe në rrjetet sociale, ndërsa blerja e tij njëher për njëher mund të bëhet vetem online në adresat e shitjes.

Falenderoj shumë; Pëllumb Ballata për audio inçezimin Ertan Iliyaz për videot e realizuara në bashkëpunim me montazherin e videove Ersin Samli si dhe dizajneren e kopertines së albumit, Arlinda Morina. Uroj t’ju pëlqej albumi duke dëshiruar për Ju shëndet të mirë dhe tejkalim të lehtë të kësaj situate”.

Agron Peni po prezantohet me koncert në Poloni

Kitaristi i njohur kosovar është duke qëndruar në Poloni, ku po prezanton muzikën e tij bashkë me Endrit Xërxa, kitarë, Adorel Haxhiaj, violonçelë dhe Tomorr Shkoza, bateri, shkruan KultPlus.

Peni ka njoftuar për KultPlus se është duke u prezantuar në Poloni në Festivalin e Kitarës Klasike, përkatësisht në edicionin e dymbëdhjetë, ku Peni bashkë me bashkëpunëtorët e tij po merr pjesë në dy koncerte të mëdha.

“Ftesa më ka ardhë nga kitaristi me famë botërore Lukasz Kuropaczeëski. Jam paraqitë si gjithmonë me muzikën (krijimtarinë) time si Duo dhe mandej Quartet bashkë me grupin tim Endrit Xërxa, kitarë, Adorel Haxhiaj, violonçelë dhe Tomorr Shkoza, bateri”, ka thëë Peni.

Ai ka shtuar se në mbrëmjen e së premtes ka prezantuar koncertin e parë i cili u mbajt në Jarocin të Polonisë dhe pati një sukses të jashtëzakonshëm ku e gjithë salla, sipas tij ishte ngritur në këmbë. “Na kanë kthyer në skenë për tre herë me radhë, ishte një mbrëmje shumë e mirë”, ka thënë Peni, i cili ka shtuar se koncerti i radhës do të mbahet në mbrëmjen e së dielës në Poznan.  “Jam i lumtur tej mase që muzika ime dëgjohet me kaq pasion edhe jashtë shtetit, ajo gjithmonë po e arrin kulmin e saj”, ka përfunduar Peni./KultPlus.com

Agron Peni sonte me koncert në Norvegji

Sonte në Drammen të Norvegjisë, kitaristi kosovar Agron Peni mbanë koncert bashkë me Lindita Otarsson, shkruan KultPlus.

Në këtë koncert Peni fillimisht do të prezantohet si solist me pesë vepra ndërsa pastaj do të bashkohet edhe Lindita Otarssonme të cilën do të promovojnë albumin “Udhë”, album ky i realizuar nga dyshja vitin e kaluar.

“I gjithë koncerti do të përmbajë vepra shqipe, një rast shumë i mirë ky për ta promovuar në mënyrë shumë profesionale muzikën shqipe te publiku norvegjez”, tha për KultPlus, Agron Peni.

Koncerti mbahet sonte më 20 qershor me fillim nga ora 19:00 dhe është mbështetur nga Komuna e Drammenit./ KultPlus.com

Agron Peni u prezantua edhe me vepra shqiptare në Festivalin Ndërkombëtar të Kitarës Klasike në Bullgari

Në edicionin e 22-të të Festivalit Ndërkombëtar të Kitarës Klasike që po mbahet në Bullgari është prezantuar edhe kitaristi kosovar Agron Peni, shkruan KultPlus.

“Kam qenë i ftuar në këtë festival dhe jam prezantuar me një koncert recital që ka zgjatë për 40 minuta” ka thënë Agron Peni për KultPlus.

Ai ka thënë se performanca e tij është pritur jashtëzakonisht mirë, dhe ai në këtë koncert është prezantuar edhe me këngë shqipe.

“Jam prezantuar edhe me këngë shqipe të aranzhuara për kitarë klasike, sikurse që kam prezantuar dy komponime për herë të parë, vepra këto që u pritën mirë edhe nga kritika por edhe nga publiku” ka thënë Peni, i cili ka bërë të ditur se ky koncert është mbajtur në mbëmjen e së enjetes./KultPlus.com

“Kur më vjen burri nga stani” shkrihet mrekullueshëm në zërin e Lindita Ottarson dhe kitarën e Agron Penit (VIDEO)

Sopranoja Lindita Ottarson dhe kitaristi Agron Peni para disa ditësh kanë publikuar albumin “Udhë”, album që përfshinë gjashtë këngë, shkruan KultPlus.

Peni pati njoftuar për KultPlus se albumi është lansuar në formë virtuale në shumë linçe, duke shpjeguar që tash mund të dëgjohet në iTunes, Spotify, Amazon.com, Google Play, Microsoft.com. Peni poashtu pati treguar se albumi do të dali edhe në kanalin zyrtar të tij në YouTube, dhe kjo ka ndodhur, duke publikuar këngën e parë të këtij albumi.

“Kur më vjen burri nga stani”, është kënga që është publikuar në Yotube, e që vjen nga sopranoja Lindita Ottarson dhe kitaristi Agron Peni. Një interpretim i mrekullueshëm vjen përmes dy artistëve, ndërsa albumi “Udhë”, përfshinë edhe këngë të tjera të vjetra shqipe si: Asaman trëndafili çelës, O kujt ti qahem (Pranvera filloj me ardhë, Kur më vjen burri nga stani, Lulio luleza ime dhe Fluturës./ KultPlus.com

Publikohet albumi “Udhë” nga Lindita Ottarson dhe Agron Peni (VIDEO)

Sopranoja Lindita Ottarson dhe kitaristi Agron Peni sot kanë publikuar albumin “Udhë”, album që përfshinë gjashtë këngë, shkruan KultPlus.

Peni ka njoftuar për KultPlus se ky album sot është lansuar në formë virtuale në shumë linçe, duke shpjeguar se ky album tash mund të dëgjohet në iTunes, Spotify, Amazon.com, Google Play, Microsoft.com, dhe sipas Penit, së shpejti do të hapet edhe kanali zyrtar në YouTube, po për këtë album.

Ky album përfshinë këngë të vjetra shqipe si: Asaman trëndafili çelës, O kujt ti qahem (Pranvera filloj me ardhë, Kur më vjen burri nga stani, Lulio luleza ime dhe Fluturës.

Peni ka njoftuar se këtë album fillimisht e kanë lansuar në këtë formë, kurse kopjet fizike do ti shpërndajnë për adhuruesit, përgjatë koncerteve që do ti mbajnë bashkë më Lindita Ottarson. Më poshtë i keni linqet ku edhe mund të dëgjoni këtë album/KultPlus.com
https://www.amazon.com/gp/product/B076J3V8N6
https://www.microsoft.com/en-gb/store/music/album/lindita-ottarsson-agron-peni/udh%C3%AB/8d6kgwxlgjbw
https://itunes.apple.com/us/album/udh%C3%AB-ep/id1297807325?app=itunes&ign-mpt=uo%3D4

Lindita Ottarson: Albumi “Udhë”, një album me plot dashni

Lindita Ottarson, një soprano shqiptare që jeton në Norvegji kishte dëgjuar rastësisht tingujt e Agron Penit, dhe loja e tij në kitarë ka reflektuar si një thirrje që Lindita duhet të bashkëpunoj me artistin kosovar. Dhe tashmë një album i titulluar “Udhë”, është bashkëpunim i këtyre dy artistëve, album që tashmë është incizuar në Prishtinë. Në një intervistë për KultPlus, ajo ka thënë se arsyeja se pse ka vendosur që të bëjë një album me këngë shqipe është një thirrje për kthimin e saj tek rrënjët. Ajo poashtu ka thënë se kur dëgjon këngët popullore shqipe, e ndjen vetën nën këmbët e tyre.

Ardianë Pajaziti

KultPlus: Një bashkëpunim që ka nisë nga një artiste shqiptare që jeton në Norvegji dhe të një artisti që jeton në Kosovë, tashmë ka filluar të merr formë. Bëhet fjalë për albumin “Udhë”, që tashmë edhe i keni regjistruar këngët për këtë album, si erdhët deri te bashkëpunimi, duke pasë parasysh se njëri jeton në Norvegji e tjetri në Kosovë?
Lindita Ottarson:
Po, ne kemi incizuar 6 këngë shqiptare, disa popullore e disa të përpunuara. Ideja ishte e imja pasi dëgjova albumet e Agron Penit në spotify. Mu duk një kitarist i mrekullueshëm. U lidha me të përgjatë muajit maj, dhe është ndërtuar programi me arritjen time në Prishtinë, program që u realizua bashkë me Penin.

KultPlus: Tashmë është realizuar incizimi i këngëve?
Lindita Ottarson:
Po, dhe jemi në fazën e shtypjes së albumit?

KultPlus: Ndërkohë, ju e thatë se në albumin “Udhë”, përfshihen këngë shqipe, më saktë, për cilat këngë bëhet fjalë?
Lindita Ottarson:
Po në këtë album kemi përfshirë këngë të vjetra shqipe, sikurse janë: Asaman trëndafili çelës, (Heaven’s rose of watersprings), O kujt ti qahem (Whom should I complain to) Pranvera filloj me ardhë (Spring is about to come) Kur më vjen burri nga stani, (When my man comes from the hut) Lulio luleza ime (arbëreshe) (Flower my little bud” Fluturës (To the butterfly). Dhe nga këto gjashtë këngë, tre këngët e para janë popullore (qytetare), kurse kënga e katërt e kënduar nga T. T. Koço (e përpunuar), kënga arbëreshe e njohur dhe Fluturës është këngë e kënduar nga Rudolf Stambolla dhe Anita Take.

KultPlus: Pse vendosët që të realizoni vetëm gjashtë këngë?
Lindita Ottarson:
Bëmë vetëm gjashtë këngë, për shkak të punës së madhe për ti përgatitur. Pak dhe saktë.

KultPlus: Keni menduar se kur do të bëni promovimin e këtij albumi?
Lindita Ottarson:
Njëherë presim të dalin nga shtypi. Unë nuk mund të rrija më gjatë në Prishtinë, kështu që promovimi do bëhet më vonë. Ideja e parë është një koncert në Berat, besoj që një të njëjtë do ta realizojmë edhe në Prishtinë. Kurse sa i përket albumit, do të provoj që albumi të prezantohet në Kosovë e në diasporë.

KultPlus: Megjithatë do të duhej të ishte një pikënisje për nxjerrjen e këtij albumi, si ndodhi?
Lindita Ottarson:
Është një kthimi im tek rrënjët. Ka patur një thirrje të fortë brenda vetes përsa i përket vlerave të muzikës shqiptare dhe sidomos asaj popullore. Kur isha e re nuk i duroja dot. Më pëlqente vetëm muzika klasike. Por ka disa vjet që kur dëgjoj këngë popullore nga ato të bukurat, të kënduara nga burime të pastra e ndjej veten nën këmbët e tyre. Dhe diçka tjetër. Mua kënga popullore më bën të dal jashtë zonës së komfortit, më bën të ndjehem lakuriq. Mua më pëlqen ta sfidoj veten në të gjitha mënyrat. Kur dëgjova tingullin e Agronit duke luajtur këngë popullore mendova se nuk jam vetëm. Ka dhe të tjerë që ndjejnë si unë. Ky album është dashni./KultPlus.com