Albani në një intervistë për KultPlus, shpalosi detaje rreth brendit të tij, që nga ai vlerësohet shumë unik.
Sarandë Selimi
Pasioni ndaj modës për të ka filluar qysh në moshën e adoleshencës. Këtë pasion ai e ndoqi dhe kështu pas studimeve ai tash është një dizajner mode, ku ka krijuar një brend të veçantë në vend.
Është Alban Mitati, dizajneri kosovar i cili me brendin e tij “Alban Mitati Handmade Suits”, ka hyrë në treg së fundmi duke sjellë kostume jashtëzakonisht të bukura për meshkujt që duan të duken bukur dhe elegant.
Albani në një intervistë për KultPlus, shpalosi detaje rreth brendit të tij, që nga ai vlerësohet shumë unik.
“Gjithmonë më ka pëlqyer moda. Dëshira ime që të jem një dizajner mode më ka shtyre që të merrem me këtë profesion dhe të krijoj brendin tim. Veçantia e kostumeve të brendit tonë, është të krijojmë diçka unike dhe të paimitueshme. Një bashkim i detajeve më të mëdha të tilla si pëlhura dhe zgjedhjet e ngjyrave të kostumit, kombinimi i tyre, e bëjnë që kostumi të duket jo i zakonshëm”, tha fillimisht dizajneri, i cili poashtu tregoi edhe për materialet që i përdor në kostumet që ai krijon.
“Me materiale furnizohemi nga vendet e rajonit dhe nga Evropa. Kemi lloje të ndryshme të materialeve në veçanti si Altinyildiz Scabal, Holand &Sherry”, u shpreh ai.
Tek brendi “Alban Mitati Handemade Suits”, mund ta gjejë vetën secili që ka dëshirë që në dollapin e tij të shtoj një kostum të veçantë. Brendi i përshtatet shumë kërkesave të klientëve edhe pse kërkesat më të mëdha siç tregoi Albani për KultPlus, janë nga moshat madhore që ndjekin trendët e fundit të modës.
Alban Mitati, për KultPlus, tha se ende nuk kanë pasur ndonjë sfilatë sepse janë ende të ri në treg por në një të ardhme të afërt do të sjellë një sfilatë me kostumet që ai krijon.
Krejt në fund, për të gjithë ata që duan të veshën nga “Alban Mitati Handemade Suits”, drejtuesi i këtij brendi tregoi se ku mund ta gjejnë.
“Ata të cilët janë të interesuar për kostumet e brendit tonë mund të në gjejnë në rrjetet sociale si Facebook në Alban Mitati Handmade dhe në Instagram , poashtu për një kohë të shkurtë klientët do të jenë të informuar edhe për lokacionin e ri të atelies”, përfundoi kështu dizajneri Alban Mitati./ KultPlus.com