Përvojë fantastike e blerjes, JYSK rihapet në Albi Mall me konceptin e ri 3.0

Me rastin e rihapjes së kësaj pike, JYSK gjithashtu do të sjell për të gjithë konsumatorët e vet edhe ofertën me zbritje në produkte të ndryshme, duke filluar nga data 19 qershor e deri më 2 korrik.

Përveç mënyrës më efikase të ekspozimit të produkteve, theksi është edhe në ndriçimin më të mirë, dyshemetë prej druri dhe qartësi më të madhe të dyqanit.

Atmosfera e re skandinave ju jep një eksperiencë frymëzuese të blerjes me dizajn minimalist dhe elegant të dyqanit.

JYSK ju fton ta vizitoni dyqanin në Albi Mall dhe të përfitoni nga zbritjet e shumta!

Për më shume klikoni në ofertë : https://viewer.ipaper.io/scan-color-jysk/ks/fletushka/qershor/02/#/

(Shkrim i sponsorisuar nga JYSK)

Albi Mall e sjellë botën më afër jush me shtatë brende të njohura botërore

Gili Hoxhaj

Albi Mall sot bëri përurimin e pjesës shtesë, aty ku kanë zënë vend brendet më të njohura botërore, e dyqanet qysh në ditën e parë ishin të mbushura plot me konsumatorë, shkruan KultPlus.

Zara, Massimo dutti, Bershka, Stradivarius, Zara home, Oysho, Pull and Bear janë më afër se kurrë. Ato mund t’i gjeni tashmë në katin e parë dhe të dytë të Albi-Mall, ndërsa brenda tyre do të mund të gjeni shumëllojshmërinë e produkteve që u përgjigjen të gjitha kërkesave të konsumatorëve.

Shqipdona Geci është në mesin e shumë konsumatorëve që ka ardhur për të blerë produktet e brendeve të njohura botërore. Ajo aty ka gjetur produkte për të gjithë familjarët. Shqipdona Geci shprehet e lumtur që tashmë nuk do t’i duhet të udhëtojë botën për të pasur produktet e këtyre brendeve.

“Jam shumë e kënaqur me produktet dhe shërbimin, janë gjëra që i kemi pritur që shumë kohë. Të gjitha produktet që i gjeta këtu janë me standardin e njëjtë që i kam hasur edhe në Gjermani dhe Zvicër”, u shpreh ajo për KultPlus.

Noria Humolli tha se zgjerimi i Albi Mall ka ndikuar edhe në uljen e papunësisë ndërsa në anën tjetër kanë realizuar synimin që qytetarët e Kosovës, tashmë të mund të dalin jashtë kufijve vetëm për t’u relaksuar pasi që këto produkte mund t’i gjejnë të gjitha në një hapësirë të vetme.

“Hapësira e qendrës ka arritur hapësirën mbi 100 mijë metra katror dhe janë punësuar rreth 2 mijë e 500 punëtorë, kjo do të thotë se ndikon në zvogëlimin e papunësisë dhe gjithashtu u kemi sjellë konsumatorëve vende ku mund të bëjnë blerjen e brendeve më të njohura botërore, pa pasur nevojë të kalojnë kufijtë. Me këtë zgjerim, ne jemi duke e sjellë botën me afër jush dhe Albi Mall mbetet vendi i familjes suaj”, u shpreh Humolli në konferencën e mbajtur për media.

Drejtori për zhvillim të biznesit në Albi Group, Betim Humolli u shpreh për KultPlus se është një lajm i mirë që më në fund edhe brendet e Inditex Group janë prezentë dhe të hapura në Albi Mall dhe kjo tregon jo vetëm për një fuqizim të aspektit të zhvillimit ekonomik por edhe një integrim ekonomik i Kosovës në tregun evropian. Humolli tutje tha se kjo tregon që konsumatorët dhe qytetarët e Kosovës do të jenë shumë më të integruar jo vetëm në kuptimin e stilit të tyre të veshjes por edhe më gjerë.

“Para hapjes, para lëshimit të këtij aneksi të ri, të këtij projekti të ri të zgjerimit të vitit 2018 , në Albi Mall kanë qenë të punësuar rreth 1 mijë e 300 persona ndërsa tani me këtë zgjerim janë shtuar edhe 1 mijë e 200 punonjës të rinj. Kjo ndikon në zhvillimin ekonomik të Prishtinës dhe jo vetëm pasi që kemi të punësuar edhe nga komuna të ndryshme që punojnë për një numër të madh të trendëve botërore”, u shpreh Humolli.

Albi Mall i cili tanimë numëron rreth 200 dyqane, së shpejti do t’i shtohen edhe disa brende të tjerë të njohura botërisht si Burger king, New yorker, Boss, Armani Exchange, Ted bakwr./ KultPlus.com

Porsche Kosova në Qendrën Tregtare “Albi Mall”, ka prezantuar VW ARTEON dhe VW POLO

Mbrëmë në ALBI Mall u prezantuan dy modele të reja nga Porsche Kosova, gjenerata e re e VW POLO si dhe modeli i ri nga VW ARTEON.

Drejtori i shitjes së Porsche Kosova pranë mysafirëve të apasionuar me VW, prezantoi veturat duke theksuar cilësitë që kjo gjeneratë e veturave posedon të cilat nuk mund t’i gjejmë te veturat tjera.

z. Abdullahu theksoi se VW Polo tani vjen me hapësirë të brendshme më të madhe duke sfiduar kështu edhe kategoritë tjera, e duke e përfshirë këtu edhe vëllaun e madh VW GOLF.

Sot, VW Polo përveç ndryshimeve të mëdha që ka bërë ofron edhe hapësirë shumë më të gjerë për vozitësin dhe bashkëvozitësin si dhe një rritje të ndjeshme të bagazhit, nga 280 në 351 Litra.

Ndërsa për veturën Arteon, Abdullahu u shpreh se është model i Volkswagen, i cili synon të jetë pjesë e kategorisë Premium, për shkak se ofron dizajn dinamik dhe teknologji të lartë.

VW Arteon është një model i ri I VW, që nuk e keni dëgjuar më herët dhe ky është një vendim I VW për ta sfiduar vetën në kategorinë e veturave premium. z. Abdullahu me bindje potencoi se janë të sigurt që ky model I VW do të pozicionohet shumë mire në kategorinë premium pasi që ofron cilësi dhe teknologji të avancuar që nuk e keni parë te veturat tjera.

Arteon i ri ofron sistemin më të fundit “Driver Assistance” të cilat në të kaluarën kanë qenë të rezervuara vetëm për veturat e klasit më të lartë.

VW ARTEON dhe VW POLO gjenerata e re do të jenë të ekspozuara në Albi Mall deri më datën 14 Nëntor, ku të gjithë adhuruesit e këtyre veturave do të mund të informohen më shumë për së afërmi.
Për më shumë informata: fb.com/PorscheKosova

Cineplexx sjellë eventin special “Horror Night”

Kinemaja austriake Cineplexx ka paralajmëruar organizimin e eventit special “Horror Night – IT” më 7 shtator, përcjellë KultPlus.

Me 7 shtator, Cineplexx do të jetë një destinacion i shkëlqyer për të gjithë fansat e filmave horror. Këtë të enjte, prej orës 20:00 do të jetë premiera e filmit IT, film i bazuar nga storja e Stephen King me kllaunin e famshëm “Pennywise”.

Për ta bërë këtë event edhe më të veçantë, Cineplexx së bashku me TEB Bank kanë prezantuar ofertën 1+1, ku të gjithë ata që paguajnë biletë me kartelë të TEB (debit dhe credit), fitojnë edhe një tjetër biletë falas.

Për të ju përshtatur natyrës së filmit, Cineplexx për “Horror Night” do të sjellë një atmosferë horrori me dekorime të frikshme. Filmi do të shfaqet në së paku 7 termine gjatë ditës, si dhe do të ketë aktivitete të shumta dhe pije falas për të gjithë të pranishmit.

Ngjarja e filmit zhvillohet në Derry, Maine, në verën e vitit 1989. Një grup i fëmijëve të njohur si “The Losers Club” luftojnë kundër një entiteti të pavdekshëm, që ndryshon formën e tij dhe është përgjegjës për zhdukjen e shumë fëmijëve në qytetin e tyre. Gjatë procesit, ata detyrohen të përballen me djajtë e tyre personalë.

Interesimi për këtë event është shumë i madh. Deri tani, kemi mësuar se janë shitur mbi 300 bileta për premierë. Biletat mund t’i blini çdo ditë pas orës 15:30 në Cineplexx. / KultPlus.com

Oraret e filmit mund t’i gjeni këtu: http://www.cineplexx-ks.eu/movie/IT/