Amerika ndriçon qiellin e Prishtinës me fishekzjarrë (VIDEO)

Ambasada e Shteteve të Bashkuara të Amerikës (SHBA) ka ndriçuar qiellin e Prishtinës duke hedhur me qindra fishekzjarrë me rastin e hapjes së ambasadës së re të saj dhe 243 vjetorin e Ditës së Pavarësisë.

Ambasada e SHBA-së ka hedhur fishekzjarrë lidhur me shënimin e ditës së Pavarësisë së saj dhe hapjes së ambasadës së re në Dragodan.

Pjesë e kësaj ngjarje janë shumë liderë të Kosovës dhe zyrtarë nga Departamenti i Shtetit të Amerikës.

Më poshtë keni një video nga Ambasada e SHBA-së në Prishtinë.

Hapja e Zyrës së parë amerikane në Prishtinë më 1996

Shtetet e Bashkuara të Amerikës sot po shënojnë 243 vjetorin e pavarësisë. Kjo ditë po shënohet edhe në Kosovë me aktivitete të ndryshme.

Po ashtu do të bëhet edhe përurimi i objektit të ri të Ambasadës së SHBA-ve në Kosovë, e cila njëherësh do të jetë edhe ambasada më e madhe në Ballkan.

Amerika kishte hapur për herë të parë Zyrën Amerikane në Prishtinë në qershor të vitit 1996.

Asokohe në ceremoninë hapëse të kësaj zyre kishte marrë pjesë presidenti tashmë i ndjerë Ibrahim Rugova dhe udhëheqës të partive politike në Kosovë.

Qytetarët para Zyrës Amerikane më 1996/ Foto: Adnan Merovci-Facebook

Për të marrë pjesë në këtë ceremoni nga Amerika kishin ardhur edhe ndihmës sekretari amerikan i shtetit John Kornblum dhe diplomatë të tjerë amerikan të akredituar në Beograd.

Ish-presidenti i Kosovës, Ibrahim Rugova dhe sekretari amerikan John Kornblum/ Foto: Adnan Merovci- Facebook

Para zyrës qe po hapej ishin grumbulluar edhe disa qindra qytetarë, të cilët dëshironin të ishin dëshmitarë të këtij momenti historik për Kosovën, ku e përshëndetën zbulimin e pllakës së Zyrës amerikane me duartrokitje dhe brohoritjet “USA, USA, USA” dhe “Rugova, Rugova, Rugova”, “Kosova, Kosova, Kosova” etj. /Telegrafi/KultPlus.com

Ngritja e flamurit amerikan me rastin e hapjes së Zyrës Amerikane në Prishtinë më 1996/Foto: Ridvan Slivova

Ambasada Amerikane në Kosovë përkrahë projektin ‘Kujtesa e Kosovës: Histori gojore – 100 rrëfime nga 100 pleq e plaka’

Biblioteka Kombëtare e Kosovës “Pjetër Bogdani”, nënshkroi grantin e dhënë nga Ambasada Amerikane për realizimin e projektit “Kujtesa e Kosovës: histori gojore – 100 rrëfime nga 100 pleq e plaka”.

Ky projekt do të bashkëfinancohet nga Ambasada Amerikane në Kosovë dhe Biblioteka Kombëtare e Kosovës “Pjetër Bogdani”.

Ky projekt është hartuar dhe do të realizohet nga Dega e Antropologjisë e Fakultetit Filozofik të Universitetit të Prishtinës dhe Biblioteka Kombëtare e Kosovës.

Projekti ka për synim mbledhjen, dokumentimin, publikimin dhe promovimin e historisë gojore të personave të moshuar në Kosovë – mbi 80 vjeç, në mënyrë që rrëfimet dhe kujtimet e popullit të ruhen si histori autentike e jetës në Kosovë.

Projekti “Kujtesa e Kosovës: histori gojore – 100 rrëfime nga 100 pleq e plaka” ka për qëllim krijimin e një modeli dhe një qendre informative e trajnimi për projektet e mëtejme të historisë gojore me anë të të cilave do të arrihet edhe një lidhje më e fuqishme e bashkëpunimit midis Bibliotekës Kombëtare të Kosovës dhe studiuesve dhe hulumtuesve të Departamentit të Antropologjisë të Universitetit të Prishtinës.

Temat që do të trajtohen në historitë gojore të 100 të moshuarve të intervistuar, e që do të botohen si përmbledhje rrëfimesh, do të jenë tema mbi zhvillimin e jetës në të kaluarën, zakonet ekonomike e familjare, marrëdhëniet tregtare brenda dhe jashtë vendit, mbajtjen e fesë, tolerancën, artin dhe zejtarinë, martesat dhe të drejtat e grave në përgjithësi.

Projekti “Kujtesa e Kosovës: histori gojore – 100 rrëfime nga 100 pleq e plaka” do të fillojë më 1 tetor të vitit 2017 dhe do të zgjasë deri më 30 shtator të vitit 2018. / KultPlus.com