Ish-presidentja e Kosovës, Atifete Jahjaga, ka njoftuar se ka vizituar sot artisten ukrainase e cila jeton që 11 vite në Kosovë, përcjell KultPlus.
Jahjaga thotë se Elena po e kalon frikën e dhimbjen për më të dashurit e saj, të cilët ndodhen në Ukrainë, duke punuar aksesorë të ndryshëm punëdore nga argjila.
KultPlus ua sjell postimin e plotë të saj:
Në agjendën time sot vendosa ta vizitoj një artiste nga Ukraina e cila jeton dhe vepron në Kosovë që 11 vite.
Ajo frikën e dhimbjen për më të dashurit e saj, të cilët ndodhen në Ukrainë, po e kalon duke punuar aksesorë të ndryshëm punëdore nga argjila.
Elena e diplomuar në dizajn grafik, ka vendosur që kreativitetin e saj ta shfaqë në këtë mënyrë duke i ofruar tregut të Kosovës qafore, broshë e aksesorë të tjerë tejet unik e të bukur.
Gratë gjithmonë gjejnë forcën të depërtojnë e të arrijnë aty ku duan. Elena nuk preferon zonën komforte, prandaj, përveç angazhimeve të saja tjera, ajo ka vendosur që të sjellë edhe këto produkte të cilat mund t’i shihni në @elenalushakuacessories./ KultPlus.com
