Etiketë: Asociacioni i artisteve vizual te Kosoves

Hapet ekspozita vjetore e Asociacionit të Artistëve Vizuel të Kosovës

Posted on by Kult Plus

Është hapur ekspozita vjetore e anëtarëve të Asociacionit të Artistëve Vizuel të Kosovës për vitin 2020 në Muzeun Kombëtar të Kosovës, shkruan KultPlus.

Muret e Muzeut u mbushën me pikturat, skulpturat, grafikat, dizajnet grafike, fotografi artistike dhe vizatime të artistëve të shumtë, teksa e pranishme ishte edhe ministrja në detyrë për kulturë, Vlora Dumoshi.

“Pata nderin të jem e pranishme në hapjen e ekspozitës vjetore të anëtarëve të Asociacionit të Artistëve Vizual të Kosovës, për vitin 2020”, ka shkruar Dumoshi në profilin e saj.

Ajo tutje ka theksuar se nëpërmjet krijimtarisë së tyre, artistët sollën frymën e introduktit real, ekspresiv, surreal, abstrakt, e deri te trendet më aktuale të artit konceptual përpara syrit të publikut kosovar.

Me këtë rast u ndanë edhe tri çmime për artistët Luan Mulliqi, Agim Salihu dhe Haxhi Kastrati. / KultPlus.com

Themelohet ‘Asociacioni i artistëve vizual të Kosovës’

Posted on by KultPlus

Është themeluar dhe regjistruar zyrtarisht në Departamentin për regjistrimin e OJQ-ve Asociacioni i artistëve vizual të Kosovës’, përcjellë KultPlus.

Asociacioni është organizatë joqeveritare, joprofitabile dhe profesionale, në të cilin në bazë vullnetare janë të bashkuar artistet përmes shoqatave të artit vizual të të gjitha regjioneve të Republikës së Kosovës.

Asociacioni ka për mision, rritjen e mbështetjes ligjore në mbrojtjen e të drejtave të artistëve vizual të Kosovës, dhe avancimin e promovimit sa më të dinjitetshëm të identitetit tonë kulturor dhe artistik në nivelin kombëtar dhe ndërkombëtar.

Asociacioni ka mbajtur takimin e radhës të Kuvendit të Anëtarëve, në të cilën unanimisht u zgjodh Kryetari dhe Kryesia e AAVK-së, si dhe, u aprovua edhe programi i AAVK-së për vitin 2018.

Kryesia e AAVK-së është e përbërë nga: amuran Goranci – Kryetar, Pranvera Sylejmani – Nënkryetare, Genc Rezniqi – Drejtor ekzekutiv, Agim Salihu – Anëtar, Adem Rusinovci – Anëtar, Mehmet Behluli – Anëtar, Luan Mulliqi – Anëtar, Tomisalv Trifić – Anëtar, Isa Alimusa – Anëtar, Erzen Vala – Anëtar, Luan Shahiqi – Anëtar, Gani Llalloshi – Anëtar i jashtëm dhe Shyqri Gjurkaj, – Anëtar i jashtëm. /KultPlus.com