Etiketë: Burberry

Burberry ndalon djegien e veshjeve të pashitura

Posted on by KultPlus

Prodhuesi anglez i produkteve të luksit Burberry ka deklaruar sot, se do të ndalojë praktikën e djegies së produkteve të pa shitura, me efekt të menjehershem.

Firma modës gjithashtu deklaroi se do të ndalojë përdorimin e gëzofëve të vertetë nga kafshët në produktet e saj dhe do t’i heq nga produktet ekzistuese. Në Korrik nga raportet e fitimeve, doli në pah se Burberry shkatërroi veshjet e pashitura, aksesorët dhe parfumet me një vlerë të përgjithshme prej 28,6 milone sterlina për të mbrojtur brand-in e vet.

Prodhuesi tha se viti 2017 ka qënë një vit i pazakontë dhe atyre iu desh të shkatërronin produkte parfumesh te vjetra me vlerë prej 10 milionë stërlinas, pasi nënshkroi një kontratë me firmën amerikane Coty./KultPlus.com

Firma e njohur e veshjeve shkrumbon rreth 90 milionë paund rroba

Posted on by Kult Plus

Prestigjiozja “The Times” shkruan se linja luksoze e veshjeve “Burberry” ka shkatërruar në pesë vitet e shkuara produkte që në total kushtonin rreth 90 milionë paund.

Punonjësit e firmës janë shprehur se kjo është bërë për të mbrojtur markën dhe për të ndaluar që produktet e saj të shiten me çmime të ulëta tek njerëzit e ‘gabuar’.

Ndërsa kompania ka deklaruar se “praktika e shkatërrimit të mallit stok është e zakonshme në industrinë e shitjes me pakicë”.

E vlerësuar me 9.6 milionë paund nga “Forbes”, “Burberry” thuhet se përdor inceneratorë për shfrytëzimin e energjisë dhe “The Times” duke u bazuar në këtë informacion, pretendon se kjo kompani e ka marrë çështjen e shpërdorimit shumë seriozisht.

Kjo linjë e veshjesh mbahet si tepër e shtrenjtë, me një pakicë çantash shpine që kushtojnë 950 paund në Lindjen e Largët./ Dita

Arkitektja shqiptare Dona Hasanaj restauron Old Sessions House në Londër, Burberry prezanton koleksionin në këtë ambient (FOTO/VIDEO)

Posted on by KultPlus

Më 16 shtator Burberry i famshëm ka prezantuar koleksionin e fundit, gjatë javës së modës në Londër, dhe pikërisht në objektin ku restaurimi i tij i ishte besuar arkitektes shqiptare Dona Hasanaj, shkruan KultPlus.

Objekti që i është besuar Dona Hasanaj për restaurim është ndërtuar në shekullin e 18-të dhe i njëjti objekt ishte ndërtuar atëherë për Gjykatë të Anglisë, dhe si i tillë ka funskionuar për 100 vjet.

Dona Hasanaj është përkujdesur në restaurimin e këtij objekti, por emocionet ishin edhe më të mëdha, kur i njëjti objekt ishte kërkuar që të përdorej qysh në fillim për prezantimin e koleksionit të brendit Burberry, përgjatë javës së modës në Londër, koleksion që është hapur më 16 shtator.

Kurse koleksionet e këtij brendi, por edhe punën në këtë objekt që tashmë është restauruar, të interesuarit mund ta vizitojnë deri më 1 tetor./KultPlus.com