Etiketë: Dior

‘Dior’ foto në qytetet antike greke

Posted on by Kult Plus

Këshilli qendror i arkeologjisë në Greqi autorizoi përdorimin e disa qendrave arkeologjike të mëdha, përfshirë Akropolin, për seancat e fotografive që do të realizojë kompania franceze e luksit ”Dior”, bëri të ditur sot Ministria e Kulturës.

“Këshilli miratoi projektin me unanimitet”, deklaroi një zyrtar i ministrisë.

”Fotografitë do të zhvillohen gjithashtu në Odeonin e Herodit Atticus në këmbët e Akropolit, në Agoran antike, në tempullin e Poseidonit në kepin Sunion, pranë Athinës, dhe në tempullin e Zeusit në Neme”, sipas këtij zyrtari.

Një kërkesë e mëtejshme për të bërë fotografi në Stadiumin Panathenaic në Athinë, ku u mbajtën Lojërat e para Olimpike të epokës moderne në 1896, do të shqyrtohet të enjten.

”Dior” njoftoi në fund të prillit se do të organizonte më 17 qershor në Athinë paradën e saj, një prezantim që organizojnë markat e mëdha kryesore në katër anët e botës./ /atsh / KultPlus.com

“Dior” rikthen shfaqjet e modës

Posted on by KultPlus

Si pasojë e pandemisë shumë marka të njohura kanë rishikuar mundësitë se si të prezantojnë në kushte të reja, koleksionet e tyre.

Kompania e njohur, Christian Dior bëri të ditur se do të vazhdojë me një kalendar të shfaqjeve të modës, duke filluar në muaji Korrik, por duke kufizuar audiencën.

Shefi Ekzekutiv, Pietro Beccari u shpreh se shfaqja e modës do të zhvillohet në 22 Korrik, në qytetin italian Lecce. Qëllimi i tyre është të dërgojnë një mesazh shprese dhe optimizimi.

“Ne do të donim të dërgonim një mesazh mbështetjeje, shprese, optimizmi dhe rilindjeje. Unë po mendoj për furnizuesit e mëdhenj, por edhe ata të vegjël, shumë biznese të vogla familjare të artizanëve në Francë dhe në Itali, shumë prej tyre nuk i dinin dhe ende nuk e dinë se si të mbijetojnë“.

Ndërsa dizenuesja e Dior, Maria Grazia Chiuri u shpreh se java e modës është e rëndësishme, jo vetëm për familjen e modës, por gjithashtu e rëndësishme për qytetin ku shfaqet./tvklan.al/ KultPlus.com

Dior dërgoi feminizmin e viteve të 60-ta, drejt brezit të ri në Paris

Posted on by KultPlus

Pikërisht këtë vit në pasarela janë parë më shumë detaje dhe veshje me elemente ‘tomboy’. Kurse në vëmendjen e të gjithëve ishte një pulover me mbishkrimin ‘Jo, Jo, Jo dhe Jo’, në të, përcjellë KultPlus.

Maria Grazia Chiuri, dizajnerja e parë femër në markën ChristianDior, ka një ide specifike mbi rolin e saj në valën e feminizmit. “Puna ime si dizajnere është krijimi i veshjeve, me të cilat gratë dëshirojnë që të portretizojnë vetën”, është shprehur ajo për The Guardian, pas shfaqjes së saj në kuadër të Javës së Modës në Paris. “Ne duhet ti dëgjojmë gratë, të dëgjojmë çfarë vizioni kanë tani, gjeneratat e reja”.

Pasarela për shfaqjen e fundit ishte mbuluar me slogane për fuqizimin e grave. Kurse tema për këtë sezon kishte ardhur pasi që Grazia Chiuri kishte vizituar ekspozitën ‘It’sJust a Beginning’, një ekspozitë që shtjellon vitin 1968. Kurse me tu kthyer në Paris, ajo kishte kërkuar nëpër arkivat e kompanisë Dior dhe kishte gjetur fotografi të atij viti. Në një foto ishte një vajzë e re që qëndronte para një dyqani dhe mbante një pllakate “mbështetni minifundet”, një ftesë kundër fustaneve të gjata të dizajnuesit Marc Bohan.

Ajo më pas ka zbuluar se përgjigja e Marc Bohan ishte prezantimi i linjës MissDior. “Mendova qëishte shumë interesante që dizajnerët i kanë dëgjuar gratë. Madje, mendoj se ka diçka të ngjashme tani me vitin 1968. Ky është një moment tjetër ku gjërat po ndryshojnë”./KulPlus.com