Eleni Foureira: Jam krenare që kam lindur në Shqipëri

Për një kohë shumë të gjatë, këngëtarja Eleni Foureira, mbajti të fshehtë origjinën e saj.

Në fillimet e saj ajo shprehej se ishte me origjinë latine, derisa më në fund pranoi të vërtetën që ka origjinë shqiptare.

Së fundmi e ftuar në një televizion grek, Eleni ka shpjeguar se përse është detyruar ta mbante të fshehtë origjinën, transmeton KultPlus.

Ajo ka treguar se kur ishte fëmijë nuk pranohej në shoqëri për shkak të origjinës dhe kishte frikë se nuk do i jepej kurrë mundësia për shkak të kësaj arsyeje.

”Kur je një fëmijë dhe nuk pranohesh nga shoqëria për shkak të origjinës, ndihesh e dobët dhe ke frikë se nuk do të jepet mundësia. Kur kuptova që njerëzit e donin Elenin, ndjeva fuqinë për ta thënë atë. Emri im i vërtetë është Entela Fureraj. Arrita në pikën kur kisha frika të thosha nga isha. Jo të gjithë më duan, por ndihem mirë dhe me këtë. Jam krenare që kam lindur në Shqipëri, por Greqia është atdheu im, unë e dua. Është vendi që une e dua”,tha Eleni.

Sakaq, këngëtarja e ka cilësuar Greqinë si vendlindjen e saj, ku dhe buka kishte shije tjetër.

”Greqia është e tërë jeta ime. Kjo është vendlindja ime. Buka kishte shije tjetër. Por e kisha të vështirë të kuptoja pse fëmijët na ngacmonin. Në shkollë kishte dy fëmijë të huaj nga Shqipëria. Shqiptarët nuk pranoheshin në atë kohë nga shoqëria”,  është shprehur Foureira. / KultPlus.com

Dy artistët shqiptarë vlerësohen me çmimin e madh në Greqi

Claydee dhe Eleni Foureira janë dy nga artistët shqiptarë që na bëjnë krenarë në mbarë botën.

Të dy ata kanë krijuar së bashku një super hit, “Loquita”, i cili është vlerësuar së fundmi edhe me një çmim të rëndësishëm në Greqi.

Në një intervistë për emisionin “Wake Up”, Claydee ka zbuluar se dy shqiptarët kanë fituar çmimin “Best Duet” në Greqi për këngën “Loquita”. Ai tregoi se me Elenin njiheshin bashkë prej 7 vitesh dhe se asnjëherë nuk kishin gjetur momentin për të bërë një bashkëpunim. Ndërkohë për sa i përket origjinës së tij, Claydee tha se në fillim e ka penguar fakti i të qenurit shqiptar.

“Në fillim më ka penguar, e shihja dhe tek kanalet që nuk promovonin shumë punën që unë bëja. Por unë nuk e pashë si racizëm, por mendoja thjesht mos nuk është shumë e mirë kjo gjë që po bëj. Dhe kjo gjë më ndihmoi shumë, që muzika ime u bë ndërkombëtare dhe kaloi kufijtë. Nuk e pashë si diçka negative. Mendova që sigurisht vendin e parë do e kenë njerëzit që kanë lindur këtu dhe besoj se edhe në Shqipëri do të ndodhte e njëjta gjë, kështu që thashë nise nga vendi i 4 duke vrapuar dhe që të shkojë tek vendi i parë duhet të punoj pak më shumë”, u shpreh artisti shqiptar. / KultPlus.com

Shqiptarja Eleni Foureira pritet të prezantojë Qipron për herë të dytë në Eurovision

Transmetuesi publik qipriot, RIK, ka propozuar zyrtarisht që Eleni Foureira të prezantojë Qipron për herë të dytë në Eurovision.

 Kjo është hera e parë që RIK propozon zyrtarisht një artist për Eurovision 2021 dhe bëhet e ditur publikisht.

Mësohet se nga ana e Eleni Foureiras nuk ka ende një përgjigje por bisedimet vijojnë me shtëpinë diskografike që menaxhon këngëtaren.

Kompania “Panik” ka si qëllim të propozojë vetëm artistë me origjinë qipriote, pasi nuk ka ndonjë emër të rëndësishëm që është i interesuar të marrë pjesë në Eurovision-in e ardhshëm.

Sigurisht që një përgjigje pozitive nga Eleni Foureira do të ishte një përparësi për RIK, por edhe për “Panik”. / KultPlus.com

Këngët e shqiptarëve, në mesin e 250 këngëve më të dëgjuara të Eurovizionit

Fansat e Festivalit Evropian të Këngës – Eurovizion, çdo fundvit zgjedhin këngët më të mira dhe më të dëgjuara nga festivali në fjalë.

ESC 250 çdo fundvit sjellë listën e këngëve që nga mijëra këngë të festivalit, arrijnë të dëgjohen e klikohen më shumë.

ESC250 për vitin 2019 është publikuar dhe për fatin e mirë, edhe këngët shqipe në Eurovizion janë pjesë e kësaj liste.

Në vendin e 40-të, Jonida Maliqi me këngën ‘Ktheju Tokës’ është pozicionuar mjaft mirë.

Këngët tjera nga përfaqësimi i Shqipërisë në Eurovizion, pjesë e listës, janë edhe ‘Mall’ nga Eugent Bushpepa, Rona Nishliu me këngën e saj ‘Suus’, Elhaida Dani me këngën ‘Im alive’ dhe Kejsi Tola me këngën ‘Carry me in your dreams’.

Përfaqësimet tjera shqiptare nuk kanë arritur të futen në këtë listë, gjë që nënkupton se këto këngë fansat e Eurovizionit nga mbarë Evropa i dëgjojnë më shumë, shkruan KultPlus.

Shqiptarë ka të tjerë në listë. Ermal Meta, i cili përfaqësoi Italinë, me këngën e tij ‘Non mi avete fatto niente’ renditet në pozitën 44, ndërsa shqiptarja Eleni Foureira që përfaqësoi Qipron në vitin 2018, renditet e treta.

Në anën tjetër, këto janë dhjetë këngët më të dëgjuara të vitit nga Eurovizioni, votuar nga fansat.

  1. Loreen – Euphoria
  2. Duncan Laurence – Arcade
  3. Eleni Foureira – Fuego
  4. Mahmood – Soldi
  5. Keino – Spirit in the Sky
  6. Loic Nottet – Rhythm Inside
  7. Salvador Sobral – Amar pelos dois
  8. Jamala – 1944
  9. Il Volo – Grande Amore
  10. Secret Garden – Nocturne

Ekskluzive: Eleni Foureira vjen për herë të parë në skenën e një festivali shqiptar

Puna ka nisur për “Festivalin e Këngës në RTSH” i cili do të mbahet në datat 19 dhe 20 dhjetor në Pallatin e Kongreseve. 20 do të jenë këngëtarët pjesëmarrës që do performojnë live këngët e tyre, ndërkohë në datën 22 dhjetor do të mbahet finalja e madhe.

Këtë vit festivali i është besuar dyshes, Alketa Vejsiu dhe Vera Grabocka ku Vera do të jetë regjizorja e spektaklit, ndërsa Alketës i është besuar moderimi i tij.

Ndërkohë që listat e këngëtarëve pjesmarrës janë bërë të ditur, burime për “News31.al” zbulojnë se këngëtarja Eleni Foureira do jetë e ftuara speciale në këtë festival.

Ende nuk dihet se në cilën nga netët Eleni do performojë ama dimë të themi se këngëtarja me origjinë shqiptare do elektrizojë skenën ashtu siç bën gjithmonë. / KultPlus.com

Eleni Foureira bën testin e origjinës

Këngëtarja me origjinë shqiptare në Greqi, Eleni Foureira, ka bërë testin e Heritaget, e cila nxjerr prejardhjen dhe origjinën. Gjatë qëndrimit në Izrael për Eurovisionin, ajo bëri testin e ADN-së për të mësuar detajet e origjinës etnike dhe racore.

Rezultatet ishin shokuese edhe për vetë këngëtaren. Menaxheri i kompanisë Heritage, që është sponsor i Eurovisionit, tha se Foureira ka 68.9 për qind origjinë greke. Ndërsa një pjesë tjetër e ka nga Jugu i Italisë.

“Italiane? Nuk e kisha idenë! Jam pothuajse 70% greke? Unë nuk jam greke, unë jam rritur në Greqi, por ndihem greke. Nga Italia Jugore? Nuk di çfarë të them…”, ka thënë këngëtarja Foureira pasi mësoi rezultatet e testit të Heritaget. Foureira priste që rreth 50 % e origjinës të ishte nga Ballkani, por kjo shifër ishte vetëm 29.8 %.

Eleni Foureira ka emigruar në moshë të vogël me familjen drejt Greqisë, ku u rrit dhe zhvilloi karrierën si këngëtare e suksesshme. Ajo ka pranuar publikisht origjinën shqiptare. Vitin e kaluar Foureira përfaqësoi Qipron në Eurovision dhe u rendit në vendin e dytë. /tvklan.al / KultPlus.com

Këngëtarja shqiptare po sjell këngë me Snoop Dog (VIDEO)


Mund të ju duket e pabesueshme por këngëtarja shqiptare do të vijë në një bashkëpunim me reperin e njohur amerikan Snoop Dog.

Bëhet fjalë për Eleni Foureira, për të cilën mediat greke kanë bërë me dije se këta dy artist së shpejti sjellin këngën e re me titull “Sirens”.

“Sirens” është një romake i këngës legjendare të Eurythmics Sweet Dreams (Are Made of This”.;

Ky projekt do të publikohet të premten por para se të dalë i plotë mund të shihni një pjesë të shkurtër të shkëputur nga xhirimet e klipit./Prive.al / KultPlus.com

https://www.instagram.com/p/Bvyi49-Ikkc/

Shqiptarja Eleni Foureira vjen me këngën e re ‘Triumph’ (VIDEO)

Shqiptarja Eleni Foureira ka nxjerrë këngën e re.

Këngëtarja me origjinë shqiptare ka sjellë së fundmi këngën “Triumph”, e cila është klikuar rreth gjysmë milioni herë në pesë ditë të qarkullimit në Youtube.

Ajo ka treguar se kënga u kushtohet femrave dhe grave, për triumfin e tyre në jetë dhe për pavarësinë që ato duhet ta kenë.

Ky është projekti i radhës muzikor nga Foureira, pas ‘Tomame’ dhe ‘Fuego’, të dyja këngët hite në Evropë vitin e kaluar.

Eleni u radhit e dyta në Eurovizion 2018, pas fitueses nga Izraeli. Ajo e vazhdoi rrugëtimin e saj nëpër shumë shtete të Evropës dhe është ndër këngëtaret më aktuale, me projekte të reja shumë shpesh. / KultPlus.com

Shqiptarja Eleni Foureira performon në finalen e Spanjës për Eurosong (VIDEO)

Këngëtarja me origjinë shqiptare Eleni Foureira e cila prej vitesh zhvillon karrierën në Greqi, në festivalin e fundit të muzikës Eurovision përfaqësoi Qipron, ku dhe foli për origjinën e saj shqiptare. Po në këtë festival ajo ishte shumë afër fitores, ku mori vendin e dytë, shkruan KultPlus.

Suksesi i saj ka vazhduar edhe pas kësaj gare me pjesëmarrje të ndryshme, interpretime të mrekullueshme e lansime të këngëve të reja shumë të suksesshme.

Ndërsa tashmë është publikuar edhe video e performancës se Elenit në finalen e Spanjës për në Eurosong.

Edhe kësaj radhe ajo shkëlqen teksa performon këngët e saj “Fuego” dhe “Tomame” me një energji të zjarrtë, ndërsa pritja e publikut duket të ketë qenë e mahnitshme.

Këngëtarja 31-vjeçare ka lindur në Fier, ndërkohë që në vitin 1997, prindërit e saj emigruan drejt Greqisë, ku ajo u rrit dhe zhvilloi karrierën e saj. /KultPlus.com

Eleni Foureira publikon këngën “Tómame” (VIDEO)

Këngëtarja shqiptare Eleni Foureira, e cila përfaqësoi Qipron në Eurovizion 2018-të, aty ku mori vendin e dytë, ka publikuar këngën e re, shkruan KultPlus.

Kënga titullohet “Tómame”, teksti i së cilës është shkruar nga Alex Papaconstantinou (BMG Publishing), Geraldo Sandell (Teddy Sky Songs), Markus Videsäter dhe Eleni Foureira.

Video është realizuar nga Yannis Dimolitsas. /KultPlus.com

Grekët dokumentar për këngëtaren Eleni Foureiran, vijnë në Shqipëri

Gazetarët e një emisioni në Greqi kanë udhëtuar drejt Shqipërisë, për në vendlindjen e këngëtares Eleni Foureira.

Kamera e emisionit “Happy Day” shkoi në fshatin Selisht, vendlindjen e Elenit, që ndodhet 1 orë larg qytetit të Fierit. Aty u takuan me kreun e kësaj njësie administrative, i cili u tha gazetarëve se familja e Elenit kishte jetuar në këtë fshat para se të emigronte për në Greqi.

“Që do të bëhej kaq e famshme, nuk e besonin as prindërit e saj. Jemi shumë të lumtur për të dhe presim që Eleni të vijë në fshat dhe të mbajë një koncert këtu”, tha kryeplaku i këtij fshati për gazetarët grekë.

Për emisionin folën edhe banorë të tjerë të këtij fshati. Ata i dërguan këngëtares me origjinë shqiptare edhe një mesazh:

“Siç ke qenë një vajzë e mirë, e edukuar dhe e respektuar, vazhdo të qëndrosh kështu. Ka gjakun e babait tim dhe vlerësim për prindërit e Elenit që kanë rritur atë vajzë. Mendoj se e ka ndryshuar mbiemrin e saj. Është fëmijë i vetëm, ka lindur këtu. Emrin e vërtetë e ka Entela”, thanë disa prej banorëve që u pyetën nga stafi i emisionit në Greqi, i cili realizoi një reportazh në vendlindjen e këngëtares.

Eleni Foureira, e cila prej vitesh jeton dhe punon në Greqi ku ka ndërtuar karrierën e saj të suksesshme, këtë vit përfaqësoi Qipron në Eurovision duke zënë vendin e dytë./KultPlus.com

Eleni Foureira sërish në vëmendje të mediave: Kam lindur në Shqipëri, por ndihem greke

Këngëtarja Eleni Foureira vazhdon të jetë në interesin e mediave greke për shkak të origjinës së saj shqiptare.

Në një intervistë të fundit televizive në Greqi, Eleni tregon se si ndihet kur dëgjon komente të ndryshme. 31-vjeçarja ka lindur në Shqipëri dhe kur ishte ende e vogël, prindërit e saj emigruan në Greqi, ku ajo jeton tashmë prej më shumë se 20 vitesh.

“Është e padrejtë ndaj Shqipërisë, por vetëm sepse nuk kam jetuar aty, ndihem greke. Kur jeton në një vend më shumë se 20 vite, je rritur dhe je bërë kjo që je sot, nëse më pyesin nga je do të them kam lindur në Shqipëri, por jam greke. E respektoj dhe e dua Shqipërinë dhe dua të bëj gjëra aty, por unë jam rritur në Greqi dhe mentaliteti im është grek. Kur shkoj në Shqipëri thonë erdhi kjo grekja. Dhe këtu shumica thonë erdhi shqiptarja. Unë ndihem shqiptaro-greke, tani edhe pak qipriote”, thotë Eleni.

Këngëtarja me origjinë shqiptare përfaqësoi denjësisht Qiprion në Eurovizion, duke zënë vendin e dytë./KultPlus.com

Eleni Foureira me yll në “Walk of Fame”

Ajo është një ndër këngëtaret më të famshme shqiptare në rrafshin ndërkombëtar, sidomos në Ballkan.

Bëhet fjalë për Eleni Foureira, e cila së fundi ishte pjesëmarrëse në festivalin evropian të muzikës – Eurovision duke përfaqësuar Qipron.

Bukuroshja jonë u rendit në vendin e dytë të kësaj ngjarje madhështore në saje të performancës me këngën Fuego.

Kjo ka bërë që këngëtarja të merr edhe mirënjohje të ndryshme, ku së fundi mori edhe një medalje presidenciale nga shteti qipriot.
https://www.instagram.com/p/BmVo_3PAtZA/?taken-by=foureira
Por gjatë ditëve të fundit tashmë ka marrë yllin e saj në “Walk of Fame”, bulevardin e të famshmëve të Qipros në Agia Napa.

Ndryshe, Eleni është duke punuar në projekte të reja muzikore që do t’i sjell gjatë muajve të ardhshëm. /KultPlus.com
https://www.instagram.com/p/BmVo_3PAtZA/?taken-by=foureira
https://www.instagram.com/p/BmbBrHdAwnL/?taken-by=foureira

Shqiptarja Eleni Foureira performon në Paradën e Krenarisë në Amsterdam dhe Stokholm (VIDEO)

Këngëtarja me origjinë shqiptare, Eleni Foureira, po bën bujë me performancat e saj kudo në Evropë.

Paradat e ndryshme të komunitetit gej e lezbik nëpër Evropë e kanë pikësynim këngëtaren shqiptare.

Në Stokholm, në EuroPride, para pak ditësh Eleni Foureira e elektrizoi skenën kur këndoi këngën “Fuego” me të cilën u radhit në pozitën e dytë në Eurovizionin e këtij viti.

“Jam tepër e lumtur që jam këtu. Jeni vetja gjithmonë” ka thënë Eleni, duke asocuar në komunitetin LGBT dhe pranueshmërinë ndaj këtij komuniteti.

Paradën e komunitetit LGBT në Stokholm e kanë ndjekur rreth 500.000 njerëz derisa rreth 55 mijë kanë ecur brenda saj.

Pak ditë më pas, ajo ka marrë pjesë në Paradën në Amsterdam ku ka performuar duke dhuruar atmosferë për publikun atje.

Eleni Foureira kësisoj po bëhet një emër i njohur për evropianët dhe për muzikën në Evropë, me suksesin e saj të fundit në Eurovizion dhe paraqitjet e shpeshta nëpër Evropë. / KultPlus.com

Eleni Foureira publikon këngën e parë pas pjesëmarrjes në Eurovizion (VIDEO)

Këngëtarja shqiptare Eleni Foureira, pas përfaqësimit të Qipros në Eurovizion 2018-të, aty ku mori vendin e dytë, ka publikuar këngën e re, shkruan KultPlus.

Kënga titullohet “Karamel”, ndërsa për muzikën është përkujdesur Doron Medalie, Moshe Peretz, Avi Ochayon e teksti është shkruar nga Sophia Papavassiliou, Eleni Foureira.

“Karamel”, është publikuar dje në kanalin zyrtar të YouTube të këngëtares Foureira./ KultPlus.com

Eleni Foureira dhuron të ardhurat e koncertit në Tiranë për viktimat e zjarrit në Athinë

Tragjedia në Greqi ka prekur zemrat e njerëzve në të gjithë botën, por disa prej tyre e kanë ndjerë të bëjnë diçka më tepër për ta lehtësuar sadopak dhimbjen. Një prej tyre është edhe këngëtarja me origjinë shqiptare, Eleni Foireira.

Pas koncertit në sheshin “Skënderbej”, Eleni Foureira ka vendosur që të ardhurat e grumbulluara t’i dhurojë për viktimat e zjarrit në Athinë. Lajmin e ka bërë të ditur nëpërmjet një postimi në llogarinë e saj në Instagram./KultPlus.com


Eleni Foureira nderohet me mirënjohje nga Erion Veliaj

Mbrëmë, këngëtarja e njohur, Eleni Foureira ka mbajtur një koncert madhështor në Tiranë.

Bukuroshja nga Fieri, muaj më parë kishte njoftuar se do jetë e pranishme në një koncert në Shqipëri, me 25 korrik.

31 vjeçarja është nderuar me mirënjohje nga kryebashkiaku i Tiranës, Erion Veliaj i cili ndau një foto me ndjekësit në Instagram.

“Foto e ditës”, është përshkrimi i Veliajt që ia ka bashkangjitur imazhit.

Ndryshe, Eleni në Festivalin Evropian të këngës e përfaqësoi Qipron me këngën “Fuego”, ndërsa ishte shumë pranë që ta fitonte garën./KultPlus.com
https://www.instagram.com/p/Blsu5QuH7jw/?taken-by=erionveliaj

Këngëtarja shqiptare nderohet me çmim nga Presidenti i Qipros

Këngëtarja me origjinë shqiptare, Eleni Foureira, sivjet, përfaqësoi Qipron në Eurovision. Pikërisht për këtë, artistja u nderua nga ky shtet.

Presidenti i Republikës së Qipros, Nicos Anastasiades, priti në takim këngëtaren të cilën e dekoroi me “çmim mirënjohje”. Përmes një fotografie të postuar në Instagram, Eleni, tha se ndjehej krenare që përfaqësoi Qipron në Festivalin e Muzikës.

“E nderuar nga vlerësimi që mu bë nga presidenti Nicos Anastasiades. Jam krenare që përfaqësova Qipron në Eurovizion”.Këngëtarja me origjinë shqiptare rrëmbeu zemrat e publikut europian, me performancën e saj në Eurovision me këngën “Fuego”./Prive.al

Performanca e famshme e Eleni Foureira dhe J Balvin (VIDEO)

Eleni Foureira mund të jetë emër i ri për evropianët, por para pjesëmarrjes së saj në Eurovizion ajo ishte e njohur në Greqi e Qipro me performancat e saj të zjarrta.

Në vitin 2014, Eleni bashkë me J Balvin sollën një performanca fantastike në VMA – Mad Video Music Aëards 2014.

Performanca i ka rreth 12 milionë klikime në Youtube ndërsa në një intervistë të kaluar Eleni ka thënë se kjo është ndër këngët e saj të preferuara. Eleni është me origjinë shqiptare ndërsa i ka sjellë Qipros rezultatin më të mirë ndonjëherë në Eurovizion. / KultPlus.com

Eugent Bushpepa flet për takimin me Eleni Foureira: Për fat të keq ajo nuk dinte të fliste shqip

Eugent Bushpepa ka qenë i ftuar sonte në “Top show”, ku ka folur më shumë rreth eksperiencës së tij në Eurovision, shkruan KultPlus.com

Gjatë këtij emisioni, ai ka shpalosur edhe momentin e takimit me Eleni Foureiran, këngëtaren shqiptare që përfaqësoi Qipron në Eurovision. Ai po ashtu tregoi edhe për fotografinë e famshme, ku të dy këngëtaret bashkuan duart për të formuar shqiponjën.

Bushpepa u shpreh se për fat të keq Eleni nuk fliste mirë shqip.

“Elene për fat të keq nuk dinte të fliste mirë shqip. Na kërkoi që të flisnin shqip që të mësohej pak me gjuhën”, u shpreh Bushpepa gjatë emisionit./ KultPlus.com

Kjo është pritja që iu bë Elenit pasi u kthye në Greqi (VIDEO)

Këngëtarja shqiptare Eleni Fouriera, mbrëmë u kthye në Greqi pas përfundimit të garës në Eurovizion 2018-të, shkruan KultPlus.

Ajo nuk arriti të dalë fituese por megjithatë doli e dyta në këtë garë të madhe, duke përfaqësuar kështu Qipron me këngën “Fuego”.

Po sjellim videon nga kthimi i saj në Greqi, ku iu bë një pritje e madhe nga fansat./ KultPlus.com

Eleni Foureira falënderon Shqipërinë për pikët në Eurovizion

Këngëtarja shqiptare Eleni Foureira e cila u pozicionua në vendin e dytë në festivalin Europian, ka falënderuar Shqipërinë për 10 pikët që i dhuroi.

E pyetur nga gazetarët pse Shqipëria nuk i dha asaj 12 pikët maksimale, Foureira u shpreh se është shume e kënaqur me 10 pikëshin, falënderon shumë shqiptarët për votën.

“Në festival merrnim pjese tre shqiptarë. Pikët u ndanë në mënyrë patriotike. Jam shume e kënaqur me 10 piket qe më dhuroi Shqipëria. Falënderoj shqiptaret me gjithë zemër. Kur pashë 10 pikët u gëzova shumë” u shpreh ajo në momentin kur arriti ne Aeroportin e Athinës./ KultPlus.com

‘Nëse e fiton Eleni Foureira Eurovisionin do ta organizojmë një spektakël në Qipro’

Nesër në mbrëmje do mbahet finalja e madhe e festivalit “Eurovision” që këtë vit mbahet në Lisbonë të Portugalisë. Edicioni i këtij viti është i veçantë për shqiptarët, pasi marrin pjesë tre këngëtarë shqiptarë që përfaqësojnë tre shtete të ndryshme.

Këngëtarja e lindur në Shqipëri që përfaqëson Qipron Eleni Foureira është kualifikuar për në finale dhe ministri qipriot i Financave Harris Georgiades ka thënë se nëse Qipro fiton Eurovision ai do të ‘hapë’ arkën e shtetit.
Deklarata e ministrit qipriot ka ardhur pas debateve të qipriotëve se nëse fitojnë Evrovizionin vendi nuk do e përballojë koston e organizmit të këtij evenimenti vitin tjetër.

Kompanitë e basteve parashikojnë 31-vjeçaren shqiptare, Eleni Foureira si pretendente për të fituar Eurovision 2018. Ministri qipriot tha se vajza e tij 10-vjecare është fanse e këngëtares që përfaqëson Qipron.

“Unë shpresoj që të kemi sukses. Sa i përket shqetësimeve, doja të thoja se pjesa financiare nuk është problem. Nëse ne fitojmë, do hapim kasafortën dhe kjo nuk është diçka që unë e them shpesh. Siç kanë bërë shtetet e tjera me organizimin do të bëjmë edhe ne”- ka thënë ministri Harris Georgiades.

Azerbajxhani mban vendin e parë për më shumë shpenzime në organizimin e Eurovision në vitin 2012 ku u shpenzuan 54 milion euro për ndërtimin e Sallës së Kristaltë. Festivalin e ndjekin rreth 180 milion shikues nga e gjithë bota dhe përfitimet për vendin që e organizon janë të mëdha, pasi përveç promovimit të shtetit ka një numër të madh turistësh që e vizitojnë. / KultPlus.com

Eleni Foureira ‘pushton’ toplistat e rreth 30 shteteve në Europë

Pas performancës së mbrëmshme në Eurovizion, këngëtarja Eleni Foureira ka pushtuar toplistat e disa shteteve në Evropë.

Përfaqësuese e Qipros në këtë Eurovizion – Festivalin e madh muzikor në Evropë, Eleni Foureira është numër 1 në toplistën zyrtare muzikore në Qipro.

Në Greqi ajo është në vendin e dytë, ndërsa në Estoni në vendin e pestë.
Kënga “Fuego” është momentalisht në vendin e nëntë në Suedi, në vendin e dhjetë në Spanjë, në vendin e 33-të në Izrael, në vendin e 35-të në Norvegji.

“Fuego” që u kualifikua për në finale e Eurovizionit me datë 12 maj, është edhe në toplistat e Portugalisë, Belgjikës, Francës, Austrisë, Irlandës, Finlandës, Anglisë.