Përfshihet nga flakët aeroplani i ekipit të këngëtares Pink (VIDEO)


Ekipi dhe menaxheri i këngëtares së njohur amerikane, Pink, janë përfshirë në një emergjencë ajrore pasi aeroplani i vogël në të cilin ata ishin në momentin e aterrimit është përfshirë nga flakët, raporton Sky News.

Ky aeroplan privat ateroi në aeroportin Aarhus në Danimarkë këtë të hëne natën. Ata ishin duke fluturuar nga Oslo, Norvegji.

Ekipi ishin duke shkuar në ndalesën e radhës të turneut të Pinkit, “Beautiful Trauma”, në qytetin danez Horsens pasi këngëtarja ka performuar në të njëjtën mbrëmje në kryeqytetin norvegjez, transmeton Koha.net. Por fatmirësisht, këngëtarja amerikane nuk ishte në këtë aeroplan, gjerman me numër të regjistrit “Cessna 560XL”, dhe askush nuk është lënduar në këtë incident.

Policia ka thënë se aeroplani privat “Cessna” me 10 njerëz në bord është përfshirë nga flakët pasi ka ateruar në Aarhus.

Në bord ishin 7 udhëtarë – katër amerikan, dy australian dhe një britanik.

“Pink nuk ishte personalisht në bord, por menaxheri i saj dhe disa anëtarë të tjerë të turneut ishin dhe gjithçka doli në rregull”, ka thënë Kristin Svendsen, promovuesi i këngëtares në Norvegji.

Gjithashtu, Policia tha se nuk mund të komentojnë rrethanat apo shkaqet e mundshme të këtij incidenti. / KultPlus.com