Tension në Kuvendin e Kosovës, shtyhen e ofendohen gratë deputete

Tension i madh është krijuar në seancën e Kuvendit të Kosovës, pasi opozita ka lëshuar seancën.

Pas LDK-së edhe Partia Demokratike e Kosovës lëshoi sallën.

Gjatë largimit të deputetëve të PDK-së, në dera e sallës së Kuvendit, pati një tentim për përleshje. Deputeti Memli Krasniqi dhe Ardian Kastrati nga PDK-ja janë përplasur me ministrin Faton Peci. Më pas në tollovi është bashkuar edhe deputeti Hajdar Beqa. Në një moment, në video është parë që Beqa e shtyu me dorë me ministren e Arsimit, Arbëri Nagavci.

Paraprakisht, mes deputetëve pati fyerje e ofendime të rënda.

Deputeti i PDK-së, Abelard Tahiri e ka kritikuar mbarëvajtjen e seancës duke shtuar se nënkryetarja e Kuvendit, Saranda Bogujevci është duke degjeneruar seancën.

Tahiri ka thënë se do të kërkojnë që të mblidhet kryesia urgjentisht dhe të caktohet mbarëvajtja e seancës.

Seanca ka shkuar në pauzë deri në ora 12:00. 

“Më vjen keq që një pjesë e deputetëve e lëshuan sallën. I ftoj gjithë deputetët të keni kujdes në gjuhën dhe të respektoni rregulloren e Kuvendit. Sot kam vepruar në respektim të plotë të rregullores. Kështu që ftoj këdo që ka ndonjë vërejtje sipas nenit 50 të rregullores së Kuvendit pika 1f, t’i adresohet komisionit për legjislacion. Do të shkojmë me një pauzë deri në ora 12. Lus deputetët që të jenë të gjithë në sallë në ora 12:00 të vazhdojmë me procedim të pikave që i kemi në rend”, ka thënë Bogujevci. / Koha.net / KultPlus.com

44 gra arritën që të bëhen deputete

44 gra kanë arritur që të sigurojnë ulëse në Kuvendin e Kosovës.

Në bazë të rezultateve të publikuara nga KQZ-ja, bëhet e ditur se janë gjithsej 44 politikane femra (36.67 %) që kanë arritur t’i sigurojnë votat e mjaftueshme për të qenë përfaqësuese të popullit në Parlament, shkruan Gazeta Express.

Më së shumti përfaqësuese gra në Kuvend, pritet që të ketë Lëvizja Vetëvendosje.

Kjo është lista me emrat e tyre, të ndara në subjekte politike me të cilët kanë garuar:

VV:

  1. VJOSA OSMANI
  2. DONIKA GËRVALLA-SCHWARZ
  3. VASFIJE BLAIR F
  4. MIMOZA KUSARI LILA
  5. SARANDA BOGUJEVCI
  6. ARBERIJE NAGAVCI
  7. LABINOTË DEMI MURTEZI
  8. SHQIPE MEHMETI SELIMI
  9. DRITA MILLAKU
  10. ARBËRESHË KRYEZIU HYSENI
  11. ARJETA FEJZA
  12. FJOLLA UJKANI
  13. JETMIRE VRENEZI
  14. ARIJETA REXHEPI
  15. ROZETA HAJDARI
  16. DOARSA KICA XHELILI
  17. ADRIANA MATOSHI
  18. FATMIRE KOLLÇAKU
  19. JETA STATOVCI
  20. TINKA KURTI
  21. FITORE PACOLLI DALIPI
  22. ARTA BAJRALIJA
  23. MIRLINDA SADIKU

PDK:

  1. ELIZA HOXHA
  2. GANIMETE MUSLIU
  3. BLERTA DELIU
  4. ARIANA MUSLIU SHOSHI
  5. ADELINA GRAINCA
  6. FLORETË ZEJNULLAHU

LDK

  1. HYKMETE BAJRAMI
  2. MARIGONA GECI
  3. VLORA DUMOSHI
  4. VALENTINA BUNJAKU-REXHEPI
  5. RREZARTA KRASNIQI

SRPSKA LISTA

  1. MILJANA NIKOLIĆ
  2. VERICA ĆERANIĆ
  3. JASMINA DEDIĆ

AAK

  1. TIME KADRIJAJ
  2. ALBENA RESHITAJ
  3. MELIZA HARADINAJ STUBLLA

KDTP

  1. FİDAN JILTA

RI

  1. HATIXHE ĐORĐEVIĆ

ADRIJANA HODŽIĆ – UZ-AH

  1. ADRIJANA HODŽIĆ

NDS

  1. EMILIJA REDŽEPI