Vdiq ikona e televizionit australian, Bert Newton

Ikona e televizionit australian, Bert Newton ka vdekur në moshën 83-vjeçare, pas problemeve me shëndetin për një kohë të gjatë.

Ai ishte hospitalizuar në mars të këtij viti, ndërkohë që si pasojë e sëmundjes, njëra prej këmbëve të tij edhe ishte amputuar.

Newton ishte i martuar për 46 vjet me bashkëshorten e tij Patti, me të cilën kishte dy fëmijë, ndërkaq së fundmi ishte bërë edhe gjysh i gjashtë nipërve e mbesave.

Albert Watson Newton, ishte një nga lidhjet e fundit të mbetura midis ditëve më të hershme të televizionit komercial dhe industrisë së sotme në këtë vend.

Që në moshë të re ai ishte i magjepsur nga radioja dhe vëllezërit në ‘St Joseph’ e njohën talentin e tij dhe e inkurajuan të shkruante drama radiofonike. / KultPlus.com