‘Eja eja lule borë’, kënga që i ka rezistuar shtatë dekadave (VIDEO)

E shkruar në vitin 1946 nga poeti shkodran Zef Pali dhe e kompozuar nga Simon Gjoni, kënga “Eja, eja lule borë” mbetet ndër këngët më të bukura shqiptare, shkruan KultPlus.

Një këngë që i ka rezistuar kohës, shtatë dekadave jetë, edhe sot këndohet e dëgjohet me ëndje.

Po e sjellim sonte një performancë të këngës e cila nuk është vetëm shkodrane, por një vlerë e të gjithë shqiptarëve.

Bashkangjitur gjeni tekstin origjinal të këngës:

Eja, eja lule borë

Tue kerkue n‘mal e n‘koder

tue prek‘ lule e gjeth‘ me dore

veç nji kopsht ma t‘bukur Shkodër

ty te gjeta Lule Borë

Ref

Je e vogel por je plot

Ty t‘ kerkoj une tash sa mot

Tash sa mot une ty t’ kerkoj

N‘gzim me ty jeten ta çoj

Eja eja lule bore

se me ty do t‘thur kunor

eja eja lule bore

se me ty do t‘thur kunor

Pash ma t’ buk’ren stinë pranvere

pash mbretneshen trandofil

mos t‘i falish kujt Ti eren

se per mue vetem ke çil

Fjalet e mija deh ndigjoi

ma ke ftyren porsi zane

une prej gjumit do’t zgjoj

veç me t pa ne drit t’ksaj Hane. / KultPlus.com

‘Duje’ kap 1 milion klikime, ndër këngët më të dëgjuara të Eurovizionit

Albina dhe Familja Kelmendi  do të ngjiten sonte në skenën e Eurovizionit për të perfomruar për së dyti herë këngën e tyre „Duje“, pasi që siguruan finalen.

Shqipëria në natën e dytë gjysmë finale ishte e para që u kualifikua në finale.

Performanca e Albines dhe Familjes Kelmendi  në bazë të klikimeve në Youtube është një ndër më të  shikuarat. Aktualisht ka arritur 1 milion klikime, derisa shifra milionshe  kanë kapur edhe Izraeli, Kroacia, Norvegjia, Suedia, Italia, Çekia.

Albina dhe familje e saj sonte do të përformojnë të dhjetit në radhë./21Media/KultPlus.com

‘Tani ti je vyshkur dhe më s’ke erë, lulet e tua për mua s’kanë më vlerë’ (VIDEO)

Të shumtë janë poetët, autorët dhe këngëtarët të cilët i kanë kushtuar tekste temës së ‘Dashurisë‘.

Herë si formën më të lartë të gjendjes shpirtërore të cilën mund ta përjetojë njeriu, e herë si tmerrin, mallëngjimin, trishtimin që dikush mund të ketë përjetuar.

KultPlus, këtë radhe ju sjell  një këngë me një tekst mjaft të ndjeshëm, për një dashuri të dështuar nga Redon Makashi:

Nje ditë te bukur maji unë ty të takova
tek po rrije futur nën një lule
lulet e majit për ty i ënderrova
lumturinë në shpirt veç ti ma fute.

Por tani je vyshkur më s’ke erë
lulet e tua për mua s’kanë me vlerë
nuk je ti lulja e bukur e ditës së Majit
por je lulja e këngës sime të vajit

Me kujtohen ditët kur rinia
sa herë rrëmbehet ajo nga dashuria
ishe e vogël atëhere vajza ime
s’mendoje tjetër veçse për ëndërrime

S’më harrohen ditët kur rinia
sa herë rrembehet ajo nga dashuria
ishe e vogël atehere vajza ime
s’mendoje tjetër veçse per ënderrime

Por tani je vyshkur me s’ke erë
lulet e tua për mua s’kanë me vlerë
do të kujtoj përhere moj lulja ime
ndonese je kaq larg kesaj zemres sime./KultPlus.com

Tri këngë më pak të dëgjuara nga Armend Rexhepagiqi (VIDEO)

Ndoshta secila këngë e Armend Rexhepagiqit është e njohur dhe e kënduar, edhe pse një pjesë e tyre tanimë të shkruara, kompozuara e kënduara në një kohë tjetër, shkruan KultPlus.

E duke marrë parasysh se këto këngë ka disa vite e dekada që janë krijuar, sot ato i përkasin këngëve që nuk i fshin historia dhe as ardhja e trendeve të reja muzikore.
Armendi ka krijuar shumë edhe për këngëtarët tjerë, por kryeveprat i ka lënë për veten e tij. Sot i zgjodhëm tri këngë të cilat i këndon Armendi dhe të cilat nuk janë në mesin e atyre këngëve që secilit na kujtohen kur përmendet ky kantautor dhe një zë i kristaltë i estradës shqiptare.

QAFORJA –

Këngës “Qaforja” nuk i është realizuar asnjëherë një videoklip dhe kjo ndoshta ka bërë që kënga të ketë më pak jehonë. Kënga e ka një tekst që mund të jetë lexuar me plot shpirt edhe vetëm si poezi, nën vargjet e një kitare e cila e hapë sekondën e parë të këngës. “Qaforja” është poashtu një ndër këngët që Armendi i ka realizuar më vonë në karrierën e tij.

ÇKA DO TË NDODHË ME NE –

Balada “Çka do të ndodhë me ne” dikur është dëgjuar shumë, në kohën e produksioneve dhe kasetave të formatit televiziv, ndërsa me kalimin e kohës ka mbetur në mendjen e vetëm atyre të cilët u lidhën emocionalisht me këngën. Një tekst për ndarjen, një tekst për të mos u ndarë e për të mos vazhduar si të tillë, kuptohet, për dy të dashuruar, e bën këtë këngë të veçantë dhe aspak më pak të rëndësishme nga karriera e Armend Rexhepagiqit.

I VETMUAR SONTE –

Kënga është e mishëruar me zërin e Armendit dhe me një tekst të dhimbshëm për atë në cka kalon ndoshta secili prej nesh në një periudhë a tjetër të jetës. Vetmia, shpesh di të jetë vrastare dhe e dhimbshme. “Nuk është kjo jetë, por hall i madh” dëgjohet diku në refrenin e këngës e cila flet për dhimbje, transmeton dhimbje, që tek e fundit është ndjenjë njerëzore. / KultPlus.com

“Maji”, kënga e ndjeshme dhe poetike nga Jusuf Gërvalla (VIDEO)

Çka nuk mund të shkruhet e thuhet për të. Dëshmor i kombit, simbol i luftës për liri, shembull i kurajës prej qytetari dhe intelektuali, shkrimtar i rëndësishëm, poet i dorës së parë e këngëtar e këngëtar i ndjeshëm. Kur ndalemi tek kjo e fundit, sot mund të themi se Jusuf Gërvalla ishte një këngëtar që publiku vazhdon ta adhurojë. Ai ka lënë pas vetes disa melodi e këngë të cilat e bëjnë të pavdekshëm talentin dhe zërin e tij, shkruan KultPlus.

Jeta e Jusuf Gërvallës ka qenë e vështirë, vdekja e tij ka qenë tragjike. Por figura e tij është e pazëvendësueshme.

Një ndër këngët e tij më të dashura është edhe “Maji”, një këngë e ndjeshme dhe e përzemërt që flet për dashurinë dhe dhimbjen që ndjen një person pas ndarjes me të dashurin.

Teksti i këngës “Maji” është shkruar në një stil poetik dhe romantik, ku Jusufi shpreh ndjenjat e tij në një mënyrë të ndjeshme dhe të përsosur. Kjo këngë është e pasur me metafora të bukura dhe me një melodi që përfshin zemrën dhe shpirtin e dëgjuesit.

“Maji” është një këngë që shpreh dëshirën për të rrëfyer ndjenjat e dashurisë dhe mungesën e saj.

“Maji” është një pjesë e mrekullueshme e artit muzikor shqiptar, e cila vazhdon të ndjehet e shijohet nga publiku edhe sot.

KultPlus ju sjell edhe tekstin e plotë të këngës.

Maji

Ditët m’kaluan me l….
mbante një kapelë ngjyrë hiri
në muajin maj, maj, maj,
ishim taku’


Më vonë takova Dafinën,
Vjosën, Valbonën dhe Shpresën,
lulëzonte maji, maji, maji,
lulet kanë çel’ për bukuri


M’kaploi dëshira dikah për t’u tretë
me të shpejtë botën shëtita
shpesh të pikëlluem m’ka gjetë muaji maj
në ndonjë skutë të kësaj bote


Kthehem prapë në shtëpinë time,
rrugët si më parë buzëqeshin,
prapë muaji maj, maj, maj,
më ledhaton


At’botë pranë meje qëndronte,
vogëlushja me sy pranvere,
po si ky maj, maj, maj,
më ka gëzu’

Po t’i shikoj flokët e saj,
sytë n’bukuri do t’i laj
më t’bukurin maj, maj, maj
n’buzëqeshje t’saj

Pse po e fsheh tash shikimin,
n’zemër më zgjove dyshimin
pse n’muajin maj, maj, maj,
më sjell dyshim, mos më mundo


.…. ajo m’shikon
prapë më buzëqesh si më parë,
tash n’muajin maj, maj, maj,
ngela pranë saj

…… përvidhet
kur m’thotë “zotni i vjetër”,
ish’ muaji maj, maj, maj,
më i bukuri maj,
kaloi me faj. /
KultPlus.com

‘Sytë për ty i kam të njomë’- Elina Duni (Video)

Elina Duni është një ndër këngëtaret më unike të trojeve shqiptare. Ajo është vajza e shkrimtares Besa Myftiu dhe e regjizorit Spiro Duni.

Për herë të parë ka performuar në moshën 5 vjeçare, dhe në këtë moshë edhe ka filluar studimin e violinës. Dhe prej atëherë ka filluar të hedhë bazat për karrierën e saj mjaft të bujshme.

Ajo kohë pas kohe mban koncerte të ndryshme, të cilët lënë një shije të veçantë për adhuruesit e muzikës.

KultPlus ju sjell tekstin dhe këngën ‘Sytë për ty i kam të njomë’ të interpretuar nga Elina Duni gjatë një koncerti në Prishtinë:

N’kët natë lehtë gjumi s’më merr
vetëm hana m’ban shoqni
Veç për ty i dashtun qaj
Pse s’vjen ma?
S’di ç’ka të baj.

S’më lejnë lotët djalë me t’shikju
Eja eja xhanin me ma qet’su

Sytë për ty i kam të njomë
Si s’ndjen dhimbje hiç për mu?
E ty hanë t’lus me m’dihmu
ta gjejmë djalin që e du./KultPlus.com

‘Mora testin o për me mbushë ujë’ (Video)

Nexhmije Pagarusha cilësohet si mbretëresha e muzikës shqipe, shkruan KultPlus.

Përgjatë veprimtarisë 40 vjeçare, Pagarusha në repertuarin e saj ka arritur t’i regjistroj mbi 150 këngë, nga të cilat “Baresha’’ është kënga me të cilën ajo mori epitetin mbretëreshë e muzikës shqiptare.

Kult Plus ju sjellë këngën ‘Mora Testin’ nga Nexhmije Pagarusha:

‘Kur nata Korçën e mbulon’ (Video)

Eli Fara është një artiste që në trojet shqiptare njihet me zërin e saj unik, dhe cilësohet si një nga këngëtaret më të njohura të ‘serenatës’, përcjellë KultPlus.

Ajo është shpallur Artiste e Merituar e Shqipërisë nga qeveria shqiptare para vitit 2000. Ndërsa në vitin 2012, ajo u shpall finaliste në festivalin, Kënga Magjike, me këngën “Romale”, një këngë e përzier me zhanre të ndryshme.

Eli Fara ka lindur më 21 maj 1968  në Korçë, por me origjinë është nga Dhoksati i Gjirokastrës.

Fillimisht ajo ka qenë mësuese e gjuhës shqipe në një shkollë fillore në Drenovë. Rrugëtimi i saj shënoi një pikë kthese kur ajo filloi të interpretonte  këngë popullore urbane të rajonit të saj.

Më poshtë gjeni interpretimin e Eli Farës, ‘Kur nata Korçën e mbulon’:

Kur nata Korçen e mbulon
dhe kafenete mbushen plot
atje qan zemra ime dhe vajton
dhe raki kerkon

Do te vij do te vij moj xhan
me lot moj do te qaj
zjarrin e zemres time
ta shuaj moj me duhan

Do te vij do te vij moj shpirt
do te ulem dhe do te pij
zjarrin e zemres time
ta shuhaj moj me raki

Kjo kamarjerja jone sy zeze
na servir na buzeqesh
ajo rri bashke me ne
syrin na i shkel dhe raki na sjell

Do te vij do te vij moj xhan
me lot moj do te qaj
zjarrin e zemres time
ta shuhaj moj me duhan

Do te vij do te vij moj shpirt
do ulem dhe do pij
zjarrin e zemres time
ta shuaj moj me raki/KultPlus.com

Historia prekëse e këngës “Për mu paska ken’ kismet” të Palok Kurtit

“Për mu paska ken’ kismet”, kjo këngë e vjetër shkodrane është shkruar në vitin 1880 nga i madhi Paloke Kurti, kompozitor, instrumentist i shumë veglave dhe drejtues i bandës së parë muzikore shqiptare.

Të gjithë e dinë këtë këngë, e të shumtë janë artistët të cilët e kanë kënduar ndër vite, por të paktë janë ata të cilët e dinë historinë prekëse të kësaj këngë.

Më poshtë po ju sjellim një shkrim i cili e tregon këtë histori interesante, e të cilën e kanë rrëfyer Vlashaj Band:

“Fillimi i 80- të shekullit të kaluar…. Palok Kurti , ndonëse mjaft i ri , ishte tashmë një nga muzikantët më të njohur të kohës . E merrnin edhe si mësues të pianos në shtëpi të ndryshme pasanikësh. Në një shtëpi të bukur dy kateshe , me mure të larta e me një lulishte të rrallë në të gjithë qytetin, jetonte një familje e pasur që kishte dhe një vajzë shumë të bukur. Paloka hynte e dilte në këtë shtëpi si mësues i pianos. Sa më shumë kalonin ditët dhe vajza përparonte në instrument , aq më i afërt bëhej ai për sytë dhe zemrën e saj. Edhe ajo për shpirtin e ndjeshëm të Palokës, me ndjenjën e padurimit për tu takuar prisnin me kënaqësi orët e mësimit. Diçka kishte lindur thellë në të gjithë qenien e tyre, sa e sa herë Paloka ishte bërë gadi t’ia shfaqte ndjenjat e veta. Por druhej , a do ta pranonte vallë familja e saj këtë mësues të thjeshtë. Megjithëse sytë e vajzës flisnin shumë dhe dukeshin mjaft të sinqertë në fisnikërinë e vështrimit të tyre, ai përsëri kishte frikë. Nuk donte ta prishte atë gjendje në dukje të qetë, por dëshironte t’i ruante ato ndjenja të pashprehura, nga frika se mos e humbiste vajzën e tij të dashur. Por kjo gjendje e turbullt dhe e papërcaktuar mbaroi një ditë.

Ndjenjat e pastra e të pashfaqura te të dy të rinjve nuk mbeten gjithnjë të fshehura. Nuk do të zhvilloni më mësim , i tha shërbyesja një ditë, kur ajo doli dhe hapi derën e madhe të shtëpisë, Paloka u shtang , nuk e priste kështu ndarjen me këtë shtëpi. Sa e sa herë kishte ëndërruar që kur të vinte ajo ditë dhe vajza t’i thoshte po e prindërit e saj të detyruar, do ta pranonin si dhëndër e atij t’i hapej dera me nderime e respekt. Por nuk qenka thënë kështu. Me çiltërsi dhe pa e kuptuar shkakun, ndërhyri vrullshëm: -Po përse ?? e pyeti duke e shpuar me një shikim të rreptë e zhbirues. Shërbyesja për një çast nguroi, por duke e parë se ai nuk po ia ndante atë vështrim të syve të ndezur flakë .. i tha: – Kështu ka urdhërua zotëria, dhe e pa me keqardhje djaloshin. Paloka u skuq edhe më , desh të belbëzonte diçka por nuk mundi. Uli sytë dhe heshti. Nuk e mori vesh se kur por porsa u kthye dera u mbyll lehtë… Ishte e pa mundur ta takonte vajzën ditët e mëvonshme. Muret shumë të larta të shtëpisë të mbuluar me sharmashek , e pengonin krejt çdo ditë që kalonte e bënte të pa mundur takimin. Edhe pse shpresat po i shuheshin , dëshira për ta takuar nuk i venitej, përkundrazi. Sa herë i ishte shfaqur ajo para syve, ashtu e bukur dhe e ëmbël . Edhe në ëndërr e kishte parë. Të paktën ti merrte vesh ndjenjat e tij e këtë mënyrë. E ndiente se ajo gjë i vlonte në shpirt, e kishte trazuar të terin dhe vetëm një çast pritej që të shpërthente. Por rruga drejt zemrave të tyre ishte ndërprerë. Shpresa, shpesh herë gënjeshtare e bënte gjithnjë e më të pa sigurt ardhjen e këtij çasti. Edhe të takimit me të. Edhe pse ky mendim e frikësonte, pikërisht kjo pasiguri e nxiste për më tej. I vendosur për ta ndjekur gjer në fund gjurmën e kësaj ndjenje të pastër, ai jetonte ditë të mbushura me pasionet e atij që dashuronte thellë dhe me vegimet e shpresave të pashuara. -Do të shkojmë në një dasmë, i tha një ditë Palokës një nga shokët e tij të ahengut .. Martohet një i njohuri im. Do te shikosh do jetë një dasmë e rrallë, a po nuk është nusja, yll i vërtetë… Nuk ia prishi shokut të vet… Vështrimi i të gjithëve drejtohet nga një derë e hapur andej nga duket nusja. Palokës i bëjnë sytë ag. Turbullohet nga kjo e papritur. Ahengxhinjtë tjerë fillojnë të këndojnë këngën që lavdëron bukurinë e nuses. Të gjithë këndojnë përveç Palokës, është tepër i tronditur, nuk e mendonte kurrë se do t’i ndodhte kështu. Kjo e papritur e dëshpëruar e dërrmon, atmosfera i bëhet e rëndë dhe mbytëse, ndërsa vështrimi nervoz dhe disi i egër. Buzët i mbyllen fort, sikur donin të mbanin të mbërthyer brenda dhëmbëve të fshehtën e frikshme.. Nuk e kishte menduar kurrë se mund të kalohej kështu kaq shpejt nga gëzimi në dhembje. Dëshiron të ngrihet të dalë jashtë e të thërrasë me fuqinë e zërit për padrejtësitë e kësaj jete, por e përmban veten, e tremb ndonjë ngjarje e pahijshme, për herë të parë fillon të urrej moshën e tij të re.

Në atë gjendje të vështirë, në atë kaplim ndjenjash e ashk të jashtëzakonshëm, vendos të veproj ndryshe e ndien më të fortë se asnjëherë yshtjen e natyrshme të aftësisë së tij krijuese, zjarrin që e përvëlon në shpirt dhe ngjyrimin tragjik të kësaj të papriture që i rrit deri në skaj ngarkesën emocionale dhe shpërthen: Për mue paska kenë kismet me ken ti e tjera kujt mbasi të due ban merhamet edhe mue me duej.
Zëri po i dilte me zor nga fyti. Shokët e vet të ahengut e ndjeknin me vëmendje , por nuk kuptojnë pse shoku i tyre këndon ashtu, edhe pse në strofën e dytë ai i shfaq haptas ndjenjat dhe mendimet e veta, ata përsëri nuk marrin vesh asgjë: Sa të vegova më ra të lig humba e s’qeshë insan se e pashë mirë që s’mund të dal açik ty moj zonjë e randë.

Të pranishmit mbeten të habitur, e kanë dëgjuar edhe herë të tjera të këndojë, por jo kështu me trishtim. Zëri tashti i del thellë nga shpirti, ndërsa në fjalët dhe melodinë e këngës ndihet një dhembje e thellë. Mbasi i hedh një vështrim kuptimplotë nuses, një vështrim depërtues, të rreptë por edhe të dhimbshëm sikur do ti futej thellë në shpirt, duke kujtuar edhe një herë lojën me zjarrin, me guxim i drejtohet asaj: “Kah të shof sytë s’po mund t’i ndaj e gojet kurrë nuk të lëshoj por po m’erren mbushun me vaj ah si s’baroj…”.

Në vargun e fundit trishtimi i tij arrin kulmin.

Si është e mundur të shpërthejë njeriu kështu, duke kënduar e të shpreh ndjenja kaq të fuqishme? ah si s’mbaroj…. më shumë se këngë, më shumë se melodi, i del vajtim.
Askush nuk e kupton këtë gjendje , askush nuk merr vesh shkakun e vërtetë të këtij mallkimi. Vetëm nusja, sytë e saj të bukur prej kohësh kishin marrë një ndriçim tjetër në fillim si mospërfillës, më vonë kur kënga filloi të depërtojë thellë në zemrën e saj, sytë filluan ti ndrisnin me një shkëlqim te ri. E magjepsur , por edhe e ngacmuar nga kjo e papritur, filloi të skuqej në fytyrë, duke u bërë edhe më e bukur. Fjalët e këngës dhe djaloshi i njohur që po e këndonte e ndezën flakë po i përsëriteshin ndjenjat e pavenitura. Vetëm ata të dy po merreshin vesh në lojën e maskuar për të shfaqur ndjenjat e fshehura thellë në shpirtrat e tyre, papritmas ajo filloi të ndiejë veten të ligështuar, po dridhej. Ndërsa kur këngëtari shqiptoi …. AH SI S’BAROJ… i gjithë gjaku i iku nga fytyra dhe i ra të fikët”. / KultPlus.com

‘Engjëjt për ne do qajnë, nëse s’jemi pranë’-Argjentina Ramosaj

KultPlus ju sjell një interpretim të Argjentina Ramosaj me këngën ‘Engjëjt Qajnë’ në Këngën Magjike:

Je lule ti,
gjithmon më thoje
Me ngjyre te bardh,
qe shume e doje
Këputur tani,
si nje lule e egër
Po mbijetoj..!

Hapi sytë,
diell shiko
Vetem hapi sytë,
dhe beso!

Reff:(2x)
Se engjëjt për ne do qajnë
Nese s’jemi pranë
Dhe do shohim të tjerë ne në sy
Se veten e kemi vrarë
Por vazhdojmë të ndarë
Dhe pse malli na merr ne të dy
`Engjëjt qajnë
Ata qajnë
Për të dy…

Jam lodhur shumë,
duke besuar
Çdo gjë që shoh,
e kam kuptuar
Ndryshe nga ti,
iluzionet e tua
Natë nuk shohin dritë…

Hapi sytë,
Diell shiko
Vetëm hapi sytë,
dhe beso . .

Reff:(2x)
Se engjëjt per ne do qajnë
Nese s’jemi pranë
Dhe do shohim të tjerë ne në sy
Se veten e kemi vrarë
Por vazhdojm te ndarë
Dhe pse malli na merr ne të dy

Engjëjt qajnë
ata qajnë qajnë qajnë. (2x)
Reff:(2x)
Se engjëjt per ne do qajnë
Nese s’jemi pranë
Dhe do shohim të tjerë ne në sy
Se veten e kemi vrarë
Por vazhdojm te ndarë
Dhe pse malli na merr ne të dy
`Engjëjt qajnë
Ata qajnë
Për të dy…/KultPlus.com

‘Lule të bukura ka Tirana, na i mbushë rrugët plotë me erë…’

Merita Halili është këngëtare e muzikës popullore, e cila me zërin e saj të embël, ndër vite e ka kultivuar muzikën, sidomos atë të Shqipërisë së Mesme:

Lule t’bukura ka Tirana
Na i mbush rrugët plot me erë.
Lule t’bukura ka Tirana,
Na i mbush rrugët plot me erë.
Moj esmere , ku t’ka lala,
Merrja kangës edhe një herë.
Moj esmere , ku t’ka lala,
Merrja kangës edhe një herë.

Mos më rri i dëshperu,
Jam e jotja prap të du.
Mos më rri i dëshpëru,
Jam e jotja prap të du./KultPlus.com

‘Doli goca n’penxhere, për me pa se kush po vjen…’ nga Merita Halili

Merita Halili cilësohet si një nga interpretueset më të larta të muzikës së Shqipërisë së Mesme. Ajo lindi më 5 Prill 1966, në Tiranë dhe u rrit duke kënduar këngët lirike e rajonit të saj të lindjes së Shqipërisë së Mesme.

Debutimin e parë si artiste në tërë vendin e pati në vitin 1983, në Festivalin Kombëtar Folklorik në qytetin e Gjirokastrës.

Edhe pse veprimtarinë e saj e zhvillon në Shtetet e Bashkuara të Amerikës, ajo me profesionalizmin dhe ëmbëlsinë e saj vazhdon të jetë prezente në zemrat e adhuruesve shqiptarë./KultPlus.com

‘Doli goca n’pengjere’ nga Merita Halili:

‘Sytë për ty i kam të njomë’ nga Nexhmije Pagarusha

Nexhmije Pagarusha është një këngëtare shqiptare e cila me zërin e saj të mahnitshëm dhe përgatitjen e saj profesionale, cilësohet si Diva e muzikës shqiptare,shkruan KultPlus.

‘Baresha’ është kënga që e njohin pothuajse të gjithë, e cila konsiderohet edhe si kënga më e dalluar e Pagarushës, të cilën e kompozoi bashkëshorti i saj Rexho Mulliqi.

Nexhmije Pagarusha interpretoi në një koncert të muzikës klasike veprat e përkthyera shqip të Bethovenit, Puçinit, Verdit, si dhe pati koncerte në disa shtete duke përfshirë edhe Shqipërinë, Bullgarinë, Sarajevën etj.

Ajo lindi në fshatin Pagarushë të Komunës së Malishevës më 7 maj 1933 dhe vdiç më 7 shkurt të vitit 2020.

Disa nga këngët e saj më të famshme janë:

“Ani mori nuse”

“Mora testin”

“Kur më shkon si zog n’hava”

“Kur më del në derë”

‘’Ke selvitë”

“Ç’u ngrit lulja në mëngjes”

“Çil njat zemër plot kujtime”

“Dallëndyshe”

“Një lule”

“Zambaku i Prizrenit”

KultPlus ju sjell një interpretim të Pgarushës me këngën ‘Sytë për ty i kam të njomë’:

“Jeta jepet veç një herë, është e shenjtë”, nga zëri i veçantë i Rovena Dilos (VIDEO)

Rovena Dilo është një nga emrat e njohur në botën e muzikës shqiptare. Dilo lindi në Gjirokastër më 12 Maj 1973. Paraqitja e saj e parë, para audiencës ishte në vitin 1990 si drejtuese e emisionit “Mbrëmje Kulturore”, përcjellë KultPlus.

Në vitet vijuese ajo mori pjesë në shumë festivale.

Një nga këngët më të famshme të saj është kënga “Për një cast më ndal zemra” në bashkëpunim me Pirro Cakon, me të cilën në vitin 2001 në KëngËn Magjike fitoi “çmimin e parë”. 

Disa nga këngët më të famshme të Dilos janë: “Këngët e Stinës” “Nëse natën vij”, “Kam frikë nga dashuria”, “Simpati”, “Kërkoja fatin”, “Qyteti im”, “Ante i tokes sime” etj.

KultPlus sot ju sjell në mendje, këngën e njohur të saj, “Jeta jepet veç një herë, është e shenjtë”:

U këputën yjet dhe ranë në tokë,
Gjethe s’çelën pemët,
E këngën e lanë zogjtë,
Krejt papritur të binte nisi shi,
Jo s’ishte shi, por ishin lotët e mi.

I zgjata dorën dhimbjes me dashuri,
I fshiva ëmbël lotët,
T’i jepja më shumë shpresë,
Dhe me zërin tim,
Gjej forcë e ulërij,
I them kësaj bote,
“E nesërmja është tani”.

Po të kishte dhimbja fjalë,
Do flisnin edhe malet,
Sytë e mi të shkretë sa panë,
Si lajnë as oqeanet,
Jetën jo askush në botë,
Nuk mund ta presë në mes,
Jeta jepet veç një herë,
…është e shenjtë.

U fikën edhe diejt, i mbyllën sytë,
Pas flakës së shtëpive,
Në valle rrotull djajtë,
Të gjithë ëngjëjt morën arratinë,
Me ta në qiell liria rrugën ndrin.

I zgjata dorën dhimbjes me dashuri,
I fshiva ëmbël lotët,
Ti jepja më shumë shpresë,
Dhe me zërin tim,
Gjej forcë e ulërij,
I them kësaj bote
“E nesërmja është tani” …/KultPlus.com

“Sot një këngë do këndoj, veç për ty, o gjyshja ime” (VIDEO)

“Unë mund të them pa asnjë lëkundje se Vaçe Zela, si artiste e madhe, hapi një epokë të re në të kënduarin e këngës shqiptare dhe u bë nismëtare e një kulture moderne në këtë fushë”, thoshte Dritëro Agolli për Vaçe Zelën, artisten ikonë të skenës shqiptare, përcjellë KultPlus.

Vaçe Zela e filloi karrierën e saj në moshë të re dhe në vitin 1962 ishte e para që fitoi Festivalin e Këngës. Me këngën Fëmija i parë, ajo dëshmoi se një idhull i muzikës po lindte atë mbrëmje të 26 dhjetorit të vitit 1962. Repertori i saj është shumë i pasur; numërohen me dhjetëra këngë popullore, të lehta, kantata, balada, etj. Ajo ka një kontribut të rëndësishëm edhe në muzikën e filmit, ku ka interpretuar shumë këngë si pjesë e muzikës së filmave.

Fituese 12 herë e festivalit, Vaçja fitoi famë gjatë epokës komuniste dhe iu dha titulli ‘Artist i Merituar’ në vitin 1973 dhe ‘Artist i Popullit’ në vitin 1977. Vaçe Zela është larguar përfundimisht prej skenës në vitin 1992.

Për nder të këngëtares, viti 2009 u shpall nga Ministria e Turizmit, Kulturës, Rinisë dhe Sporteve si “Viti Vaçe Zela”. Së fundi, edhe një rrugë në Tiranë mban emrin e saj.

KultPlus, sot ju sjell në vëmendje një ndër këngët më të njohura të Vaçes, këngën dedikuar gjyshes, si njeriu më i dashur për fëmijët.

Kënga “Gjyshes” nga Vaçe Zela.

Sot një këngë do këndoj,
Veç për ty , o gjyshja ime.
E di mirë dhe s’e harroj
të shkaktova shumë trazime

Këngën time ta kushtoj
e të falur të dërgoj
për shumë faje e gabime ,
net pa gjumë edhe mundime.

Ti u zbardhe, gjyshja ime.
E çdo vit një rrudhë shton
sa kokëçarje shqetësime
sjellja ime të shkakton.

Por ti je gjithnjë e mirë
edhe fajin shpejt ma fal
T’ jem e urtë unë kam dëshirë,
por se vrullin dot s’e ndal.

Kur fëmijë kam qenë një herë
e pranë zjarrit me ty rrija.
Më tregoje ti atëherë
shumë gjëra që unë s’i dija.

Unë dëgjoja gjithë çudi ,
plot kureshtje, kënaqësi.
Dhe sa shumë nga ti mësoja.
Me sa vrull të përqafoja.

Shkuan vitet e tani
s’jam e vogël si atëherë.
Por gjyshe unë përsëri
ta prish qejfin nganjëherë.

Por se prapë edhe sot
për çdo gjë ti më del zot.
E shikimi yt i dlirë
më jep forcë të jem e mirë./ KultPlus.com

Artisti shqiptar, Skender Beck publikon këngën e parë në gjuhën shqipe (VIDEO)

Artisti shqiptar Skender Beck, i cili jeton në Los Anxhelos të Kalifornisë, ka publikuar këngën e tij të parë në gjuhën shqipe të titulluar “Sa Larg…”, shkruan KultPlus.

Kënga është e shkruar dhe komponuar nga Skenderi. Në daulle është Brian Petry, baterist zyrtar i GMS Drums. Në kitarë ekzekuton Andreë Timothy, muzikant nga Nashville, Tennessee. Inxhiner zëri është legjenda e miksit Chris Wonzer që punoj artin e zërimit për yjet botërore (Pink, Stone Temple Pilots, Phil Collins, Sting, R.E.M., Deep Purple). Kënga është incizuar në Melrose Studios, Los Anxheles.

Kënga vjen e shoqëruar me një videoklip ku Skender Beck shfaqet i shoqëruar me kitarën e tij si gjithmonë.

Skender Beck përveçse këngëtarë është edhe një aktor me përvojë. Aktualisht jeton në Los Angelos, por dashuria e Beck për muzikën u kultivua në Kosovë. Që në fëmijëri është marr me muzikë dhe aktrim në Kosovë, duke njohur famën që në fëmijëri. U rrit duke dëgjuar muzikë rock dhe nisi të performonte muzikë me disa grupe muzikore. Skender Beck studioi teatër dhe ka marrë dy çmime nga Teatri Kombëtarë i Kosovës për aktrimin e tij.

Në vitin 1997, Beck migroi në New York City për të vazhduar shkollimin në Institutin e Teatrit Lee Strasberg, dhe që prej asaj kohe ka qëndruar në Shtetet e Bashkuara.

Këngët në album janë një kulm i karrierës së shqiptarit Beck, pas shumë viteve që këto këngë i kishte në mendje ai vendosi t’i bëj bashkë në një album.

Për disa nga këngët në album, Beck ka punuar me Marc DeSisto, nominuar nga Grammy, eksperiencat e të cilit përfshijnë punë me gjigandët klasikë të rokut si Pink Floyd dhe U2.

Përvojat e jetës, puna e madhe dhe përkushtimi i Beck janë faktorët kryesorë që krijuan albumin e shqiptarit Beck. / KultPlus.com

Këngët e pavdekshme të Freddie Mercury (VIDEO)

Suksesi i jashtëzakonshëm dhe i papritur i “Bohemian Rapsody”, filmi mbi historinë e grupit ”Queen”, që me një buxhet prej 52 milionë dollarësh ka arritur të fitojë një miliard dollarë duke fituar katër Oscar, përfshirë atë për aktorin më të mirë në rolin kryesor (Rami Malek), është demonstrimi më i bujshëm i asaj që grupi përfaqëson në historinë e rock-ut dhe deri tani në imagjinatën kolektive, transmeton KultPlus.

Mercury ndërroi jetë me 24 nëntor 1991, vetëm 45 vjeçar, dhe morri shumë sekrete me vete në varrin e tij. Dikur punoi si fotomodel, ishte shok i mirë i David Bowie, ndërsa këngën “Bohemian Rhapsody” nisi ta shkruante kur ishte student.

KultPlus iu sjellë disa prej këngëve të Mercuryt, të cilat konsiderohen si të pavdekshme:

“E urrej shiun kur bie, se njëherë ma fiku një zjarr, një zjarr dashurie” (VIDEO)

Elita 5 është pa asnjë dyshim grupi më emblematik i muzikës në Kosovë, veçmas rreth viteve 90-ta, shkruan KultPlus.

Elita 5 ka realizuar një mori këngësh, të cilat edhe sot e asaj dite vazhdojnë të mbesin shumë të kërkuara.

“E urrej shiun”, është një nga hitet e vitit 2014 që ky grup kishte lansuar në treg. Një këngë që flet për dashurinë e zjarrtë por të humbur, lotët e shiun si një element përkujtimi, e në një ditë të tillë me shi kënga përqafon kujtimet e publikut në strofullën e melodive dhe tingujve të veçantë.

KultPlus, këtu ju sjell tekstin dhe videon e kësaj kënge:

Në kitarë teli i këputur
Ndali këngën më të bukur
Por s’e ndali
Shiun në këtë qytet
Ku je buza e paputhur
Dashuria ime e humbur
Në mes të rrugës
Unë po lagem vetë

I harruar si një letër e djegur
Në këtë rrugë pa adresë kam mbetur

E urrej shiun kur bie
Se njëherë ma fiku një zjarr
Një zjarr dashurie
I urrej lotët e mi
Dhe pse ngjajnë me shiun
Që më ndau nga ti

Dashuria ish dikur
Mbet kornizë pa pikturë
Që askund nuk e shoh në mur

I harruar si një letër e djegur
Në këtë rrugë pa adresë kam mbetur

E urrej shiun kur bie
Se njëherë ma fiku një zjarr
Një zjarr dashurie
I urrej lotët e mi
Dhe pse ngjajnë me shiun
Që më ndau nga ti
E urrej shiun kur bie
Se njëherë ma fiku një zjarr
Një zjarr dashurie
I urrej lotët e mi
Dhe pse ngjajnë me shiun
Që më ndau nga ti

Ti ndoshta ishe një rrufe
Që erdhe shpejt (Shpejt)
Dhe kur shkove, nuk e dita, as e di
Por këngën edhe shpresën
I le të treten nëpër shi.

Teksti – Fatmir Muja / KultPlus.com

Shpat Deda dhe Edona Vatoci sjellin këngën “Terr” (VIDEO)

Dy prej zërave më të veçantë të skenës sonë muzikore janë bërë bashkë për të sjell këngën “Terr”, shkruan KultPlus.

Kantautori Shpat Deda dhe Edona Vatoci me zërin e tyre rrëqethës kanë punuar këtë projekt me shumë përkushtim duke sjell kështu një përfundim të shkëlqyer.

Kënga vjen e shoqëruar me një videoklip mjaft të veçantë prodhuar nga Ravencity Production & Machina Production dhe realizuar kryesisht në ambientet e Bibliotekës Kombëtare të Kosovës. / KultPlus.com

‘’Mbaje atë qafore sikur përmendore, për një dashuri të parë shkollore’’

Armend Rexhepagiqi është këngëtari dhe kompozitori, teksti dhe melodia e të cilit nuk del asnjëherë nga moda, shkruan KultPlus.

Shtjellimi i tematikave me vargje të thella dhe tonaliteti i mrekullueshëm muzikor e bëjnë të dëgjohet nga gjenerata dhe kohëra të ndryshme.

Dihet se melankolia përherë ka qenë shkak i vargjeve më të thella, këngëve më të bukura, pikturave më rrëqethëse. E tillë është edhe “Qaforja” e Armend Rexhepagiqit, e cila është një shprehje artistike mes pajtueshmërisë së fatit dhe lakmisë të asaj që tanimë është e humbur.

KultPlus ju sjell tekstin dhe këngën “Qaforja”:

E bukur je, floktë gështenjë

I shkurtove prej se ne u ndamë         

E bukur je

s’të lashë shenjë që prap u pamë

E bukur je dhe ende mban nën këmishën

Tënde të bardhë atë qafore

E unë të shoh aq rrallë e përmallë

Mirë jam, po jetohet

Mirë jam, po durohet

Mirë jam le të grimcohet

Krejt çka kam, por mirë jam

Kjo qafore duket madhështore

Sikur krenaria mashkullore

Njëri ta dhuroi tjetri e shijoi

Do t’çahej shkëmbi i fortë

Po të më shihte sot

Mbaje atë qafore sikur përmendore

Për një dashuri të parë shkollore

Ja do të përulem, e po të përkulem

Pas teje t’gjitha panë se kopje të zbehta janë

Mirë jam, po jetohet

Mirë jam, po durohet

Mirë jam le të grimcohet

Krejt çka kam, se mirë jam

Kjo qafore duket madhështore

Sikur krenaria mashkullore

Njëri ta dhuroi tjetri e shijoi

Do t’çahej shkëmbi i fortë

Po të më shihte sot

Mbaje atë qafore sikur përmendore

Për një dashuri të parë shkollore

Ja do të përulem, e po të përkulem

Pas teje t’gjitha panë se kopje të zbehta janë

Mbaje atë qafore, mbaje si fitore

Gjoksin tënd e pata strehimore

Ja po të rrëfehem

Pas teje t’gjitha panë

se kopje t’zbehta janë… /KultPlus.com

Mick Jagger e Dave Grohl lansojnë këngë dedikuar pandemisë së COVID-19 (VIDEO)

Derisa Mick Jagger bashkë me bendin Rolling Stones ishin duke punuar në albumin ri dedikuar shpresës për një pjesë më të mirë të dekadës, anëtari i bendit Foo Fighters, Dave Grohl preferoi të punojë paksa më shpejtë.

Ai ndikoi në Jagger-in që të realizojë këngë të re. Dhe befasia është kjo, realizuan këngë dedikuar pandemisë së COVID-19. Kënga e tyre titullohet “Eazy Sleazy”, përcjell KultPlus.

Këngën e intepretojnë vetëm ata të dy, Jagger si vokalisti kryesor dhe me kitarë, e Grohl thuajse kudo, me vokal e instrumente të tjera muzikore./ KultPlus.com

Genc Prelvukaj sjell këngën “Hajde ti kthejmë”, shpalos një histori dashurie (VIDEO)

“Gentvs II” është albumi që këngëtari Genc Prelvukaj po e shpalos kohëve të fundit, shkruan KultPlus.

Vetëm një javë pas publikimit të këngës “Ditë e natë”, Prelvukaj sot ka sjell këngën “Hajde ti kthejmë” duke i shpalosur kështu publikut një histori dashurie.

Me tekst dhe muzikë të Prelvukajt, kënga vjen e shoqëruar me video ku na shfaqen pamje të një çifti në kohë të mira.

Për të dëgjuar këtë projekt të radhës të këngëtarit, po ju sjellim videon më poshtë. Përveç në YouTube, këngën e gjeni edhe në çdo platformë tjetër online. / KultPlus.com