Rita Ora konfirmon datën e lansimit të këngës së re

Rita Ora siç duket do të lansojë së paku edhe një këngë gjatë këtij viti.

Ajo për MTV ka konfirmuar se do ta lansojë edhe një këngë para se të udhëheqë edicionin e sivjetmë të “Europe Music Awards”, që mbahet në Londër më 12 nëntor.

Këngëtarja shqiptare ka konfirmuar se kënga quhet “Anywhere”, dhe do të lansohet më 20 tetor.

“Jam shumë e emocionuar, e dini se nuk më pritet. Nuk kam qenë asnjëherë kaq krenare. Kjo këngë përfaqëson dëshirën e vërtetë për t’u çliruar nga çdo gjë, që mendoj se është shumë e rëndësishme për shkak të asaj që kemi kaluar këtë vit si qytet dhe vend”, është shprehur Ora.

Rita Ora kohëve të fundit ka lansuar dy këngë të suksesshme, “Your Song”, si dhe bashkëpunimin me Aviciin “Lonely Together”. / KultPlus.com

Mimoza H sjellë këngën “Well of Melodies” (VIDEO)

Një tjetër emër shqiptarë që po ngritet në skenën ndërkombëtare të muzikës është edhe kantautorja Mimoza H e cila jeton dhe vepron në Kanada, shkruan KultPlus.

Mimoza H, sapo ka lansuar edhe këngën e saj më të re të titulluar “Well of Melodies”, tekstin e së cilës e ka shkruar vetë.

Kjo këngë vjen bashkë me një videoklip shumë interesant. Pritet të shihet suksesi i kësaj këngë në ditët në vazhdim.

Kujtojmë që këngëtarja shqiptare Mimoza H gjatë muajit gusht ka kënduar në një emision në radion e njohur kanadeze CIBIL, këngën e njohur shqipe “Dada do ta shes”. / KultPlus.com