Kori i Fakultetit të Arteve “Haxhi Zeka” prezantohet para publikut gjerman

Kori i Fakultetit të Arteve nga dega e muzikës së Universitetit “Haxhi Zeka” të Pejës, i kryesuar nga dekani i këtij fakulteti, Hysen Nimani, është duke qëndruar në Gjermani, atje ku po realizojnë suksesshëm rrugëtimin artistik me tri koncerte, shkruan KultPlus.

Gjatë kësaj vizite ky kor i është bashkuar korit të Universitetit të Essenit dhe anëtarëve të korit kamertal të Meckenheimit nga Gjermania të fëmijëve dhe të rinjve St. Remigius Dusseldorf, ku së bashku me orkestrën simfonike “Heinrich Heine Symphoniker” janë paraqitur para publikut gjerman në sallën koncertale “Mendelson” të Tonhalle të Duseldorfit.

Në koncertet e Korit të Fakultetit të Arteve nga Universiteti “Haxhi Zeka” luhet edhe vepra shumëe njohur e Carl Orffit e quajtur “Carmina Burana”.
Kjo vepër e luajtur për të parën herë në vitin 1937 në teatrin e operës së Frankfurtit është përmbledhje e disa këngëve “Carmina Burana” që edhe sot është shumë e dashur dhe e popullarizuar të publiku artdashës.

Kori i Fakultetit të Arteve nga dega e muzikës së Universitetit “Haxhi Zeka” të Pejës kishte filluar përgatitjet që nga fundi i gushtit dhe ka vazhduar deri këto ditë në drejtimin e profesorit dhe dekanit të këtij fakulteti, Hysen Nimani.

Dekani Nimani i ka kushtuar rëndësi të veçantë këtij projekti dhe ka punuar më shumë përkushtim këtë vepër, si dhe përkushtimi i studentëve në prova ka qenë i jashtëzakonshëm, shkruan rtk.

Ftesa për bashkëpunim me ansamblet nga Gjermania ishte iniciuar nga dirigjenti dhe pianisti, Desar Sulejman, i cili ka dëshmuar vetën para publikut gjerman dhe atij evropian.

Sulejmani ishte aprovuar prej udhëheqjes së orkestrës “Heinrich Heine Symphoniker” të Dusseldorfit me rastin e festimit të 25-vjetorit të themelimit të kësaj orkestre.

Këto dy koncerte do të dirigjohen nga Desar Sulejmani. Vetëm në këtë muaj Desari do jetë me tri orkestra të ndryshme para publikut në Gjermani dhe në Maqedoni me shtatë koncerte.

Dekani Hysen Nimani ka falënderuar Desar Sulejmanin për mundësinë e dhënë që kori nga Fakulteti i Artëve në Pejë të përformojë para publikut gjermanë.

Nimani ka theksuar se vepra “Carmina Burana” është vepër që kërkon masivitet dhe kërkon përgatitje të mirë nga artistët në skenë.

Kjo vepër në tërësi ende nuk ka mundur të realizohet nga artistët kosovarë para publikut. “Urojmë që studentë tanë të kenë suksesin e dëshiruar para publikut gjerman”, ka thënë ai.

Krejt në fund, Nimani ka falënderuar firmën “Kelmendi GmbH” nga Kosova dhe Gjermania që ka paguar qëndrimin në hotel për studentë e Fakultetit të Artëve./ KultPlus.com

Kori i Pejës në stinën koncertore në Gjermani

Me ftesë të orkestrës simfonike ‘Henric Heine’ dhe dirigjentit Desar Sulejmani nga Düsseldorf në Gjermani, në kuadër të stinës koncertore, 40 koristë studentë të Korit të Fakultetit të Arteve të Universitetit “Haxhi Zeka” të Pejës, bashkë me dirigjentin dhe profesorin e muzikës pranë këtij Universiteti, Hysen Nimani, do të marrin pjesë në shfaqjen e dy veprave të “Carmina Burana” të autorit Carl Orff në Gjermani.

Koristët nga Peja do të marrin pjesë për periudhën 14 deri 19 tetor.

Qëllimi i ftesës dhe performimit është bashkëpunimi artistik në mes dy vendeve dhe gjithashtu prezantimi i nivelit artistik dhe pedagogjik të Shtetit të Kosovës në këtë koncert, i cili bëhet së bashku me orkestrën simfonike Henric Heine në festimin jubilar për 25 vjetorin e kësaj ngjarje.

Kori do të performojë në tre qytete, në Xanten (më 16 tetor), në Obrehause (17) dhe në Düsseldorf (me 18 tetor). Derisa më datat 16 dhe 18 tetor, Kori do të interpretojnë me orkestrën Simfonike Heinrich Heine në Düsseldorf në të cilin do të interpretohet vepra “Carmina Burana” e Carl Orff nën udhëheqjen e dirigjentit Desar Sulejmani, ndërsa më datë 17 do të jetë në koncertin Capela me interpretimin e veprave shqiptare dhe gjermane nën udhëheqjen e dirigjentit Hysen Nimani.

Udhëtimi i Korit të Fakultetit të Arteve në Universitetin “Haxhi Zeka” të Pejës mbështetet nga vet Universiteti, Komuna e Pejës, Kelmendi GMBH dhe Agjensioni për Financim në Kosovë – AFK. /KultPlus.com

Koncertet e Korit të Pejës në Gjermani

Kori i Universitetit Haxhi Zeka të Pejës në Kosovë po përgatitet për një koncert në Gjermani i moderuar nga dirigjenti Desar Sulejmani.

Përpara nisejes dirigjenti i këtij kori dhe njëkohësisht dekan i Fakultetit të Muzikës, Hysen Nimani ka dhënë një intervistë, në të cilën ka theksuar vlerën e këtij aktiviteti dhe punën që bëhet me këtë ansambël në Fakultetin e Pejës.

Së fundi ky kor ka dhënë dy koncerte në Kjustendill dhe Sofie të Bullgarisë.

Koncertet në Gjermani do të përmbajnë vepra nga Karl Orf (Carmina Burana) me orkestrën Heinrich Heine Symphoniker në Düsseldorf të Gjermanisë, me datat 16 dhe 18 tetor 2018. Në këtë koncert do të marrin pjesë 40 korristë nga ky Fakultet si pjesë e korrit të përgjithshëm prej rreth 120 këngëtarësh. Dirigjent do të jetë Desar Sulejmani. Koncertet do të mbahen më 16 tetor 2018 në Katedralen e qytetit Xanten dhe me datë 18 tetor 2018 në Tonhalle Düsseldorf, sallën kryesore të koncerteve në kryeqytetin e shtetit federal të Rinit Verior dhe Vestfalisë (Teatri Oberhausen).

Gjithashtu Korri i Fakultetit të Pejës do të mbajë edhe një koncert tjetër “a capella” në Esen të Gjermanisë. Programi do të përmbajë vepra korale nga autorë Shqiptarë e Kosovarë si dhe nga autorë të huaj.

Duke përshëndetur aktivitetet artistike të Korit të Pejës, ashtu dhe të gjithë trupave artistike të Kosovës, të cilat po tregohen shumë aktive në paraqitjet jashtë vendit të tyre, na vjen keq për apatinë dhe paaftësinë e trupave tona artistike në Shqipëri të cilat jo vetëm që kanë pak kontakte profesionale me botën, por dhe pothuajse nuk kanë asnjë axhendë koncertale në drejtim të Evropës./opusalb