Etiketë: Martin Luther King

50 vite nga vrasja e Martin Luther King Jr

Posted on by Kult Plus

Sot bëhen 50 vite qëkur u vra Martin Luther King Jr në Memphis, Tennessee, shkruan KultPlus.

Data 4 prill 1968 shënoi fillimin e një periudhe pikëllimi e zemërimi në Amerikë. Bota e kujton si një nga figurat më të zëshme në histori, Marthin Luther King Jr, i cili kërkoi të drejtat bazike për njerëzit me ngjyrë në SHBA.

“I have a dream” apo në shqip “Unë kam një ëndërr” është titulli i fuqishëm i fjalimit madhështor të King, përmes të cilit la një thirrje e mesazh frymëzues i cili kujtohet edhe sot.
Më 1963 në marshin protestues në Washington ai i kërkonte SHBA-së që t’i jepte fund diskriminimit racor. Ai ishte zëri i 250 mijë protestuesve të cilët qëndronin në heshtje duke ndjerë çdo fjalë të këtij fjalimi, ndërsa brohoritnin fort pas çdo fjalie. / KultPlus.com

Vajza e Martin Luther King: Ne kemi shumë nevojë për zërin e babait tim (VIDEO)

Posted on by Kult Plus

Vajza e Martin Luther King Jr, Bernice King, dje mbajti fjalim në nderim të datëlindjes së babait të saj, ndërsa tha se zëri i tij ishte i nevojshëm në dritën e gjendjes aktuale në SHBA, shkruan CNN, përcjellë KultPlus.

“Ne nuk mund t’i lejojmë kombet e botës t’i marrin fjalët që vijnë nga Presidenti ynë si një pasqyrim i shpirtit të vërtetë të Amerikës,” i tha ajo publikut në Ebenezer Baptist Church në Atlanta.

“Ne jemi një popull. Ne jemi një komb. Ne jemi një njerëzim. Një gjak. Një fat dhe siç është thënë tashmë i gjithë qytetërimi dhe humaniteti e kanë origjinën nga tokat e Afrikës”, ka thënë tutje Bernice King në fjalimin e saj.

Ajo tutje vazhdoi duke thënë se: “Tani unë mendoj se ju do të pajtoheni që në gjendjen aktuale, në këtë komb dhe në këtë botë, ne kemi nevojë për zërin e atit tim, mësimet e tij dhe dashurinë e tij për njerëzimin”, ka thënë vajza e Martin Luther King dje gjatë ceremonisë./ KultPlus.com