Etiketë: mikel temo

‘Fytyra e një kohe të pasigurt’, ekspozita personale e piktorit Mikel Temo

Posted on by Kult Plus

Piktori Mikel Temo vjen me ekspozitën personale “Faces of Uncertain Times” , fytyra të një kohe të pasigurt.

Nëpërmjet tre autoportreteve ai na rrëfen gjendjen e tij shpirtërore në gjendje të ndryshme. Por një piktor i trazuar mbizotëron në to, pasi punimet janë realizuar më së shumti gjatë periudhës së pandemisë.

Pedagogu i arteve dhe piktori i veçantë na mirëpret me një portret të mrekullueshëm të një zadrimoreje, ku qëllimi nuk është kostumi por portreti i saj I qeshur, si një maskë që çdokush nga ne e vesh çdo ditë.

Portretet e tij mund të lexohen si një metaforë për të dalë nga izolimi, nga makthi i vetmisë, nga kriza, nga të gjitha krisjet që merr njeriu modern.

Pas udhëtimeve eksploruese në muzetë e arteve në Itali dhe Francë puna e Mikel Temos u bë më abstrakte me gjurmë nga realiteti. Punët e artistit pamor Mikel Temo janë pjesë e fondit të përhershëm të Galerisë Kombëtare të Arteve të Shqipërisë./Top Channel/KultPlus.com

Hapet pavijoni i artit me vepra të ndryshme artistike të skulptorit Mikel Temo dhe artistes Anjeza Kolevica

Posted on by Kult Plus

Në Tiranë është çelur pavijoni i artit me vepra të ndryshme artistike të skulptorit Mikel Temo dhe artistes Anjeza Kolevica.

Ministrja e Kulturës Elva Margariti, gjatë vizitës u shpreh se “pavijoni i artit pranë Ministrisë së Kulturës u mbush me format e gravitetit shpirtëror të artistes Anjeza Kolevica”.“Një ekspozitë e kuruar nga skulptori Mikel Temo mbi bukurinë e krijimit dhe elementeve që përbëjnë qenien tonë: tokë edhe qiell, zjarr edhe ujë”, e cilësoi ekspozitën Margariti,  teksa bëri të ditur se “pavijoni i artit është i hapur, në pritje të zbulimit të një universi”.

Tokë – Zjarr – Ujë – Baltë janë pikërisht materialet bazë në krijimin e këtyre formave planetare, humane e sidomos femërore, forma të buta tërheqëse sensuale që presin të ngjizen deri në rilindje, në krijimin e një forme të re, një realiteti të ri, një dimensioni tjetër. Forma të një Spiritualiteti Gavitacional/Tërheqës.

Artistja Anjesa Kolevica, vjen nga një familje artistësh korçarë të njohur në fushën e qeramikës. Ajo ka mbaruar studimet e larta në Institutin e Arteve “Francesco Antonio Grue”, Itali, ku është diplomuar me titullin “Maestro d’Arte”, e specializuar në teknologjinë e qeramikës dhe të glazurave. E katërta në brez që trashëgon profesionin e familjes, artin e qeramikës. / KultPlus.com