143 vjetori i lindjes së albanologut kroat, Milan Shuflaj, që mbronte tezën se shqiptarët janë pasardhësit e ilirëve

Posted on 9 Nëntor, 202210 Nëntor, 2022 by Kult Plus

Sot është përvjetori i 143 i lindjes së studiuesit kroat, Milan Shuflaj.

Një ndër themeluesit e Albanologjisë, Shuflaj, dha jetën duke mbrojtur tezën e tij që shqiptarët janë pasardhësit e Ilirëve. Ai u vra nga grupimi nacionalist “Jugosllavia e Re”.

Anëtarë të organizatës së regjimit, ‘Jugosllavia e re’, nën mbrojtje mbretërore, i bënë pritë atij në prag të derës në Zagreb dhe ia thyen kafkën me një çekan, duke e mbytur atë. Më pas ia thyen banesën dhe i morën dorëshkrimin e librit të tij të tretë, ‘Codex albanicus’. Kurrë nuk u zhvilluan hetime për kriminelët. Autoritetet mohuan të kenë pasur njohuri për dorasit dhe ndaluan aktivitetet rreth funeralit të tij.

Milan Shuflaj lindi në Lepogllavë të Kroacisë, më 9 nëntor 1879. Në moshën 24 vjeçare ai afirmohet si studiues i përmasave evropiane. Ka botuar librat “Kufijtë e Shqipërisë në Mesjetë”, “Shqipëria Mesjetare”, Biologjia e Fiseve të Popullit Shqiptar” etj.

Pas Luftës së Parë Botërore, Shuflaj arrestohet dhe burgoset me tre vjet e gjysmë, por serbët nuk i harruan lehtësisht argumentet e tij për lashtësinë e shqiptarëve. Ai ka shkruar gati 3 mijë tituj librash e artikujsh shkencorë. Ai vritet padrejtësisht në Zagreb, më 19 shkurt 1931, pasi kishte vizituar Shqipërinë.

Jehona e vdekjes së tij u pasqyrua në të gjitha mediat e rëndësishme botërore. Për këtë reagoi edhe Albert Einstein, Josef Bajcza, Karl Fritzer, Lumo Skëndo, Faik Konica etj. / KultPlus.com

141 vjetori i lindjes së albanologut kroat, Milan Shuflaj, që mbronte tezën se shqiptarët janë pasardhësit e ilirëve

Posted on 10 Nëntor, 202010 Nëntor, 2020 by Kult Plus

Sot është përvjetori i 141 i lindjes së studiuesit kroat, Milan Shuflaj.

Një ndër themeluesit e Albanologjisë, Shuflaj, dha jetën duke mbrojtur tezën e tij që shqiptarët janë pasardhësit e Ilirëve. Ai u vra nga grupimi nacionalist “Jugosllavia e Re”.

“Anëtarë të organizatës së regjimit, ‘Jugosllavia e re’, nën mbrojtje mbretërore, i bënë pritë atij në prag të derës në Zagreb dhe ia thyen kafkën me një çekan, duke e mbytur atë. Më pas ia thyen banesën dhe i morën dorëshkrimin e librit të tij të tretë, ‘Codex albanicus’. Kurrë nuk u zhvilluan hetime për kriminelët. Autoritetet mohuan të kenë pasur njohuri për dorasit dhe ndaluan aktivitetet rreth funeralit të tij”, shkruan në Wikipedia.

Pas Luftës së Dytë Botërore, Shuflaj arrestohet dhe burgoset me tre vjet e gjysmë, por serbët nuk i harruan lehtësisht argumentet e tij për lashtësinë e shqiptarëve. Ai ka shkruar gati 3 mijë tituj librash e artikujsh shkencorë. Ai vritet padrejtësisht në Zagreb, më 19 shkurt 1931, pasi kishte vizituar Shqipërinë.

Jehona e vdekjes së tij u pasqyrua në të gjitha mediat e rëndësishme botërore. Për këtë reagoi edhe Albert Einstein, Josef Bajcza, Karl Fritzer, Lumo Skëndo, Faik Konica etj. /Zëri / KultPlus.com

Përkujtohet në Tiranë albanologu Milan Shuflaj

Posted on 13 Dhjetor, 201813 Dhjetor, 2018 by KultPlus

Kroati dëshmor i albanologjisë, Milan Shuflaj u përkujtua në një event të quajtur ditët kroate, por që më shumë kishte për bazë ndërtimin e urave ndërmjet dy vendeve.

Deputetja shqiptare e kuvendit të Kroacisë Ermina Lekaj, si e ftuar speciale theksoi që Shqipëria duhet të sjellë në vëmendje këtë personalitet që u vra nga sllavët.

“Siç e dimë akademiku, albanologu Shuflaj ka dhënë një kontribut të madh për popullin shqiptar, duke shkruajtur historinë e tyre. Milan Shuflaj është i njohur edhe në Kroaci, sa i përket shqiptarëve që jetojnë në Kroaci, çdo vit ka manifestime përkujtimore për Milan Shuflaj, sepse ne e shohim atë si një baba të historisë së vërtetë për shqiptarët. Dhe mendojmë që shteti ynë i Shqipërisë, duhet të japë një kontribut ose një shenjë falënderimi për Milan Shuflajin”, tha Ermina Leka, deputete në Kuvendin e Kroacisë, raporton TCH.

Por çfarë do të ishte kjo shenjë falënderimi, kur në Tiranë një rrugë tashmë mban emrin e tij.

“Ky burrë do një shtatore. Dhe ne kemi sajuar fonde që të bëjmë një shtatore në mes të Tiranës, që të bëjmë një shesh në mes të Tiranës, por çuditërisht kryetari i bashkisë nuk e ka miratuar. Ne kemi shumicën e fondeve dhe i kërkojmë kryetarit të bashkisë që ta miratojë sheshin, e ka në sirtar kërkesën, ndërsa fondet i kemi gjetur ne shumicën. Dhe ministria e kulturës të na mbështesë”, tha Pal Trashaj, kryetar i Forumit Mbarëkombëtar të Trashëgimisë Kulturore.

Në mbështetje të kësaj është edhe ambasadorja e Kroacisë në vendin tonë, e cila flet për rëndësinë e albanalogut, studimet e të cilit dhe sot janë pothuajse të pazëvendësueshme.

“Ai është në veçanti i njohur për punën e tij lidhur më Shqipërinë. Ai ka ndërtuar një miqësi midis Kroacisë dhe Shqipërisë. Ai i përkushtoi jetën e tij albanologjisë. Mendoj që ne të gjithë e dimë që kemi rrënjë të përbashkëta. Rrënjë ilire, dhe ky është një tjetër avantazh”, u shpreh Sanja Bujas-Jurga, ambasadore e Kroacisë në Shqipëri./KultPlus.com