Prezantohen artistët që do të marrin pjesë në edicionin e 7-të të ‘Onoffline’ nga Mural Fest Kosova

Mural Fest Kosova njofton se këtë vit do të mbahet edicioni i shtatë i “Onoffline”, ku edhe janë bërë të njohur artistët pjesëmarrës, shkruan KultPlus.

“Fryma moderne e inovative e edicionit të sivjetëm mishërohet me veprat e artistëv”, thuhet në njoftimin e tyre, ku edhe u prezantuan artistët e ri.

Pra, kjo listë është e përbërë nga emra ndërkombëtarë dhe vendor, duke përfshirë: “Doug Gillen, Zane Prater, Maximiliano Badnasco, Dridal, Theo Magma, Gabriel Pitcher, Mate Artist, Retroyone, En”.

ON/OFFLINE vjen me datat 7-14 Maj, në Ferizaj, Kosovë. Aty do të bëhet edhe prezantimi i shumë muraleve të reja që do punohen në Ferizaj. /KultPlus.com

Mbulimi i muralit ‘Kamarieri’ në Ferizaj, reagon MuralFest Kosova

MuralFest Kosova ka reaguar pas mbulimit të muralit ‘Kamarieri’ në Ferizaj për shkaqe komerciale, përcjell KultPlus.

Në reagimin e tyre në Facebook thuhet se ky mural, i vendosur në Hotel Lybetenin është pjesë thelbësore e identitetit të Ferizajt!

KultPlus ua sjell reagimin e plotë:

REAGIM

Murali i parë, Kamarieri, i vendosur në Hotel Lybetenin është pjesë thelbësore e identitetit të Ferizajt!

Mural Fest Kosova shprehë shqetësim të thellë kur sheh se si përgjatë viteve është mbuluar murali vazhdimisht për shkaqe komerciale, gjë që e shëmton dhe zbehë rëndësinë e tij.

Ndonëse struktura dhe pamja e qytetit të Ferizajt ka pësuar ndryshime të mëdha vitet e fundit, pikat referencë të qytetit që lidhen me identitetin e Ferizajt duhet të mbrohen nga institucionet kompetente në mënyrë që mos të lejohet dhe parandalohet tjetërsimi, shkatërrimi apo keqpërdorimi i tyre.

Ne kërkojmë reagim të menjëhershëm nga institucionet relevante për largimin e reklamës nga Murali Kamarieri dhe të merren masa për parandalimin që kjo të mos përsëritet në të ardhmen.

Stafi i MuralFest Kosova./ KulPlus.com

Lebibe Topalli zbulon detaje nga edicioni i shtatë i MuralFest: Do të sjellim risi dhe murale të reja

Uranik Emini

Edicionet tashmë të përvjetshme të MuralFest Kosova kanë ndikuar që qytete e vende të ndryshme të marrin një dukje të re, duke shtuar përmes artit gjallëri, freski dhe buzëqeshje, shkruan KultPlus.

Drejtoresha ekzekutive e MuralFest, Lebibe Topalli, në një intervistë për KultPlus tregoi se viti 2021 ishte shumë i suksesshëm dhe kjo gjë ka ndikuar që të përgatiten edhe më shumë për planet që po vijnë këtë vit.

“Ngjashëm si viteve të kaluara edhe këtë vit MF do vazhdojë të sjellë projekte në të mirën artistike dhe kulturore të shoqërisë”, thotë ajo.

Topalli njofton të gjithë lexuesit e KultPlus se vitin 2022 do ta fillojnë me një projekt të mbështetur nga Ambasada Amerikane në Prishtinë, i cili do shënohet me ardhjen e një artisteje amerikane për të punuar së bashku me të rinjtë e Kosovës vendas jo vetëm murale, por edhe në cilësi të mentores në punëtori të ndryshme artistike.

Ajo njofton se përgatitjet për edicionin e ri veçse kanë filluar, derisa muralet i cilësojnë si pjesë më të rëndësishme të punës sonë dhe vazhdojnë të jenë prioritet për organizatë tonën.

“Këto përgatitje janë nisur duke caktuar temën e këtij edicioni, lokacionet e edhe ftesat për artistët pjesëmarrës. Sa i përket kësaj të fundit, gjatë muajit Shkurt do bëhet publikimi zyrtar për qytetarët rreth këtij edicioni”, shton tutje ajo.

Tutje, Topalli zbulon edhe detaje nga edicioni i shtatë duke thënë se tema do të jetë shumë më ndryshe nga hera e kaluar, derisa e lë në “enigmë” pjesën e figurave të reja kombëtare, duke shtuar se do të ketë shumë punë e risi nga ana e tyre.

Muralet në Kosovë kanë qenë të pikturuara nga artistë të ndryshëm nga Evropa, e madje edhe nga Shtetet e Bashkuara të Amerikës, e kjo traditë do të vazhdojë edhe për edicionin e shtatë.

“Ajo që vlen të theksohet për vitin që lamë pas është se brenda 2021 kemi realizuar 20 murale të përmasave të mëdha me temën HOME, e prej tyre 10 me artistë vendas. Si progres tanë vlerësojmë me krenari muralet nga artistët tanë”, e thotë me modesti të plotë Topalli.

Vitin 2021, MuralFesti e filloi me portretin e Rita Orës, derisa e mbyllën me figurën e jashtëzakonshme të Nexhmije Pagarushës.

Misioni i Mural Fest është promovimi i artit dhe kulturës në vend, duke e përdorur artin si mjet për ndërgjegjësimin për kauza të ndryshme që shqetësojnë shoqërinë. /KultPlus.com

MuralFest në bashkëpunim me kampin ‘Bondsteel’ mbajnë aktivitet artistik me afganët e strehuar në Kosovë

Këtë vikend që lamë pas, ekipi i MuralFest Kosova në bashkëpunim me Kampin “Bondsteel” organizuam dhe mbajtëm një aktivitet artistik me fëmijë, gra e meshkuj afgan të strehuar në kampin e refugjatëve “Camp Liya”.

Organizimin e një aktiviteti të tillë ekipi e mori shumë për zemër, fillimisht duke u nisur nga e kaluara e tyre e cila i ngjan aq shumë të tashmes të po këtyre refugjatë afgan të cilët gjetën strehim në vendin e Kosovës.

“Stafi i MuralFest Kosova është shumë i kënaqur me rezultatet e këtij aktiviteti, dhe po aq të impresionuar nga talenti i zbuluar nga shumë pjesëmarrës. Si organizatë, ideja se aktiviteti ynë mund të ketë shënuar sado pak ndryshim pozitiv në rutinën e të strehuarve afgan në Camp Liya është tejet përmbushëse”, shkruhet mes tjerash në postimin e publikuar nga MuralFest.

Kosova ka pranuar të strehojë rreth 2000 qytetarë afganë. Sipas ligjeve të Kosovës dhe marrëveshjes me SHBA-së, afganëve do t’u ofrohet strehim i përkohshëm deri në një vit në vendin më të ri në Evropë. /KultPlus.com