Dua Lipa, Nicole Kidman dhe Kim Kardashian, në sfilatën Balenciaga Couture (VIDEO)

Më 6 korrik, jo një, jo dy, por pesë të famshëm dolën në sfilatën e Balenciaga Haute Couture në Paris, transmeton KultPlus.

Fillimisht erdhi Kardashian, më pas Dua Lipa, e ndjekur nga Nicole Kidman dhe në fund, supermodelet Naomi Campbell dhe Bella Hadid.

Secila ishte veshur në një mënyrë të veçantë për këtë sfilatë, e cila solli në pah kostume nga më të ndryshmet.

Ndërkaq, Dua Lipa ka reaguar përmes një postimi në “Instagram”, duke e quajtur këtë sfilatë një nder dhe krenari të madhe.

Shfaqja e 51-të Balenciaga Haute Couture. Është nder dhe ëndërr të jem pjesë e spektaklit tuaj të bukur”, ka shkruar Dua Lipa. /KultPlus.com

BAFTA bën të ditur nominimet për shumë kategori, shumë shpejt votohet për raundin e dytë

Akademia Britanike e Arteve të Filmit dhe Televizionit (BAFTA) ka zbuluar listën e saj të gjatë të të nominuarve në 24 kategori për çmimet e saj të ardhshme të filmit, përcjell KultPlus.

“No Time to Die”, “Belfast” dhe “West Side Story” janë ndër filmat kryesorë të shpallur sot pas raundit të parë të votave.

Siç u raportua të hënën, në asnjë listë nuk është i përfshirë filmi shumë i sukesshëm “Spider-Man: No Way Home” pasi “dështoi të përmbushte kriteret e pranueshmërisë”, sipas BAFTA. Filmi fillimisht kishte kërkuar konsideratë për kategoritë e filmit më të mirë dhe efekteve speciale më të mira. Kompania Sony nuk pranoi të komentojë.

Në anën tjetër, BAFTA ka bërë të ditur nominimet për shumë kategori, siç është edhe ajo për aktoren më të mirë në rol kryesor.

Votimi i raundit të dytë, për të përcaktuar nominimet në kategoritë e votuara nga anëtarët, do të hapet midis 14-27 janar. Nominimet do të shpallen më 3 shkurt. Kjo do të pasohet nga votimi i raundit të tretë, për të përcaktuar fituesit, i cili do të hapet midis 9 shkurtit dhe 8 marsit.

15 performanca do të vazhdojnë në raundin e dytë të votimit dhe gjashtë të tilla do të nominohen. Për të përcaktuar këtë listë të gjatë, në raundin e parë u votua kapitulli i aktrimit; 12 më të mirat u futën automatikisht në listën e gjatë. Tre vendet e mbetura janë votuar nga juria Longlisting, e cila ka marrë në konsideratë 10 shfaqjet e ardhshme të vendosura nga votimi i kapitullit.

Raundi i dytë votohet nga një juri që do të marrë parasysh gjashtë nominimet. Në raundin e tretë, anëtarësia e përgjithshme e votimit do të zgjedhë fituesin në këtë kategori. 82 shfaqje u dorëzuan për shqyrtim.

Jessica Chastain – “The Eyes of Tammy Faye”
Olivia Colman – “The Lost Daughter”
Lady Gaga – “House of Gucci”
Alana Haim – “Licorice Pizza”
Jennifer Hudson – “Respect”
Emilia Jones – “CODA”
Nicole Kidman – “Being The Ricardos”
Jennifer Lawrence – “Don’t Look Up”
Frances McDormand – “The Tragedy of Macbeth”
Renate Reinsve – “The Worst Person in the World”
Claire Rushbrook – “Ali & Ava”
Joanna Scanlan – “After Love”
Kristen Stewart – “Spencer”
Tessa Thompson – “Passing”
Rachel Zegler – “West Side Story”

Njëri ndër mediumet amerikane, Variety, kishte përfshirë edhe aktoren nga Kosova, Yllka Gashi, në këtë nominim, megjithatë gara e ngushtë rezultoi që Gashi të mos nominohet.

Çmimet BAFTA do të mbahen në qendër të Londrës më 13 mars /KultPlus.com

Gashi dikur nikoqire e Kidman, sot rivale e saj

Nicole Kidman që sivjet po e synon çmimin e dytë Oscar në karrierë, e poashtu edhe atë BAFTA, e ka për konkurrente edhe aktoren nga Kosova, Yllka Gashin, e cila po vlerësohet lart për rolin në filmin “Zgjoi’.

E fitorja eventuale e kosovares karshi yllit të Hollywoodit, mund të konsiderohet një histori unike meqenëse, 16 vjetë më parë vajza nga Prishtina si ambasadore lokale e Vullnetit të Mirë e Kombeve te Bashkuara ishte angazhuar  si shoqëruese e aktores australiane, derisa kjo e fundit po e vizitonte Kosovën në cilësinë e Ambasadores së Vullnetit të Mirë të UNIFEM-it për mbrojtjen e të drejtave të grave, shkruan Klankosova.tv.

Madje, gjatë vizitës së zhvilluar më 2006, kishin bërë edhe shumë fotografi bashkë.

Në këtë listën për BAFTA, Gashin e futi mediumi amerikan “Variety” që bën parashikimet e nominimeve për çmimet më prestigjioze në botë. Dy aktoret po përmenden si favorite edhe për cmimin Oscar./KultPlus.com

Nicole Kidman do të nderohet me çmim special për arritje në karrierë

Organizatorët njoftuan në një deklaratë për shtyp se aktorja e njohur Nicole Kidman, do të marrë Çmimin e Arritjes në Karrierë për performancën e saj në “Being the Ricardos” në festivalin e filmit që do të mbahet në janar të vitit 2022.

Çmimet Ndërkombëtare të Filmit Palm Springs do të zhvillohen më 6 janar në Palm Springs Convention Center në Kaliforni, ndërkaq festivali pritet të zgjasë deri më 17 janar.

Kidman luan Lucille Ball në “Being the Ricardos”, i cili ndjek uljet dhe ngritjet në jetën personale dhe profesionale të Ball (Kidman) dhe burrit të saj, Desi Arnaz (Javier Bardem), gjatë një jave.

“Në televizionin amerikan ka pak yje klasie më të dashur se Lucille Ball. Duke u përballur me sfidën për të luajtur një talent të tillë ikonik, Nicole Kidman jep një performancë të vërtetë të drejtpërdrejtë në kapjen e kohës komike në kamera dhe guximin jashtë kamerës e bëri Lucy një forcë të pandalshme në vitet 1950 dhe 1960”, tha kryetari i festivalit Harold Matzner./KultPlus.com

Nicole Kidman surprizon në rolin e Lucille Bowl

Amazon Studios ka publikuar trailerin e dytë të filmit biografik të Aaron Sorkin “Being the Ricardos”, rreth komedianit legjendar Lucy Ball.

Në këtë trailer, fansat mund të shohin transformimin e aktores Nicole Kidman si Lucille Bowl. Filmi ndjek jetën e çiftit të famshëm, duke parë një javë që nga prodhimi i spektaklit “I Love Lucy” në të cilin ata luajtën. Bie në sy edhe sot seriali humoristik më i dashur në botë. Të dy përballen me sfida të ndryshme që kërcënojnë t’i japin fund karrierës dhe martesës.

Pjesa më e madhe zhvillohet gjatë provave, me disa skena që zhvillohen në shtëpinë e çiftit në Chatsworth, Kaliforni.

Në film luajnë gjithashtu Tony Hale, Alia Shawkat, Clark Gregg, Linda Lavin dhe Jake Lacy.

“Aaron Sorkin e ka kapur aq mirë atë periudhë të jetës së tyre”, tha vajza e çiftit të famshëm Lucy Arnaz, e cila gjithashtu vepron si producente në film. “Ajo mori thelbin e marrëdhënies së tyre, me Nicole Kidman që u bë shpirti i nënës sime. Ai e donte shumë këtë rol dhe kjo duket. Javier Bardem nuk i ngjan shumë babait tim. Por ka gjithçka që mamaja ime ka dashur. Shpirti i tij, sharmi i tij, gropëzat e tij, dashuria për muzikën, forca dhe këmbëngulja e tij”.

“Being the Ricardos” do të shfaqet premierë më 10 dhjetor në kinematë amerikane dhe më 21 dhjetor në Amazon Prime./KultPlus.com

Drama për abuzimin seksual bashkon Charlize Theron, Nicole Kidman dhe Margot Robbie

Ka mbërritur fragmenti i parë për biopikun e shumëpritur “Bombshell”, i cili e ka mbledhur treshen fantastike të aktoreve, Margot Robbie, Nicole Kidman dhe Charlize Theron si femrat që do të kenë konflikt me themeluesin e Fox News.

Vepra e re e regjisorit Jay Roach bën fjalë për rënien e Roger Ailes, themeluesit dhe drejtorit ekzekutiv të Fox News, i cili është akuzuar për abuzim seksual dhe keqtrajtim të punonjëseve.

Image

Aktoret e shkëlqyeshme do t’i luajnë rolet e tre gazetareve që kanë vendosur të përballen me shefin e tyre dhe me shovinizmin, shkruan KOHA Ditore. Kështu Kidmanin do ta shohim në rolin e Gretchen Carlson, Theron do ta luajë Megyn Kelly, ndërsa Margot Robbie do ta luajë Kayle Pospisil.

Ato do të paraqesin akuza për abuzim seksual në këmbim të një shume të madhe parash, duke i shndërruar rrëfimet e heshtura në një bombë të vërtetë, gjë që shihet edhe në fragmentin e parë për këtë dramë biografike.

T’ju rikujtojmë, Aiiles dha dorëheqje në vitin 2016 pasi që e mbajti postin e drejtorit në FOX për pothuajse 20 vjet.

Premiera e “Bombshell” është planifikuar për 20 dhjetor në SHBA, ndërsa filmi më pas fillon me distribucion kinematografik në të gjithë botën.

Nicole Kidman me fjalim emocional për aktoret mbi të 40-at

Aktorja Nicole Kidman, 50 vjeçare, mbajti një fjalim emocional për epokën e Hollywoodit, në SAG Awards, ku edhe mori çmimin si aktorja femër më e mirë në filmin Big Little Lies.

Kidman ndër të tjera theksoi se industria më e madhe e filmit në botë, më në fund tregoi se gratë mbi të 40-at janë shumë të fuqishme.

“Reese Witherspoon, Laura Dern, ju të dashurat e mia të para dhe më të rëndësishmet në jetën time. Shoqet e mia të para dhe të talentuara, këtë çmim sot po e ndaj me ju”, tha Kidman duke iu drejtuar yjeve tjera të Big Little Lies, e më pas përfshiu edhe aktoret tjera që janë mbi 40 vjeçe, Susan Sarandon, Jessica Lange dhe Meryl Streep, transmeton Koha.net.

“Ju falënderoj të gjithave për shfaqjet tuaja që keni dhënë gjatë karrierës tuaj dhe sa të mrekullueshme vazhdoni të mbesni edhe pse jeni përtej të 40-ve”, vazhdoi tutje Kidman me lot në sy.

“20 vjet më parë, ne ishim goxha në formë në fazat tona të para në Hollywood. Kemi dëshmuar, ndërsa ju po dëshmoni edhe më tepër se sa të fuqishme jeni dhe të qëndrueshme t’ia dilni mbanë edhe tani”, tha ajo.

“Unë vetëm do të lutem që kjo industri të mbetet pas nesh, sepse tregimet tona më në fund u thanë. Jam krenare që jam pjesë e një komuniteti që po nxit ndryshim, por i përgëzoj regjisorët, drejtorët, studiot e ndryshme e financierët që vënë pasion në historitë tona. Kemi dëshmuar se ne mund ta bëjmë këtë dhe do të vazhdojmë ta bëjmë me mbështetjen e të gjithëve”, ka përfunduar Kidman.

Ndërkohë kujtojmë se ajo tani është duke xhiruar sekuenca për filmin e radhës nga regjisori Karyn Kusama “Destroyer”./ KultPlus.com

Yjet botërore që vizituan Kosovën (FOTO)

Kosova është një prej vendeve, që ndonëse i vogël ka arritur që emri t’i dëgjohet larg. Artistë të shumtë botërorë e kanë vizituar atë në kohë të ndryshme edhe atëherë kur Kosova njihej më pak kur e krahasojmë me sot, pasi tashmë emri i këtij vendi të vogël është bërë shumë më i përditshëm në botë kjo falë artistëve tanë që po na përfaqësojnë denjësisht dhe emrin e vendit të tyre po e përmendin në skena të mëdha e televizione të njohura botërore, shkruan KultPlus.

Një ndër figurat e njohura botërore që e vizitoi Kosovën e sapo dalë nga lufta e vitit 1999, ishte edhe aktorja e famshme Angelina Jolie. Ajo njihet për humanizmin e saj nëpër botë, por asnjëherë askujt nuk do t’i kishte shkuar mendja që Jolie mund ta vizitonte edhe Kosovën.

Nickole Kidman, është një tjetër aktore shumë e njohur e cila Kosovën e vizitoi gjithashtu pas mbarimit të luftës së vitit 1999. Ardhja e saj në Kosovë bëri bujë të madhe asokohe dhe fotografitë e saj gjatë kësaj vizite qarkullojnë edhe sot nëpër media.

Kosovën e kanë vizituar edhe yjet e muzikës, si James Blunt dhe Mariah Carrey. Blunt ishte pjesë e forcave ushtarake në Kosovë – KFOR-it, ndërsa Mariah ka performuar vetëm për forcat ushtarake të stacionuara në Kosovë në kuadër të KFOR-it.


Kthehemi të yjet e muzikës të cilët erdhën në Kosovë për të mahnitur publikun kosovar me performancat e tyre madhështore.

Reperi 50 Cent, ishte artisti i parë botërorë që mbërtheu një prej skenave kosovare, duke e bërë publikun të fascinohet me performancën e tij që deri në atë kohë kishin pasur rast ta shohin vetëm në television.

Snoop Dogg, ishte reperi i radhës që performoi në stadiumin e Prishtinës duke mbledhur në këtë vend një numër tejet të madh të shikuesve.

Pas 50 Centit dhe Snoop Lionit, në Prishtinë ateroi edhe reperi “The Game” i cili gjithashtu mbajti një ndër performncat më të bukura që kishin ndodhur në kryeqytet.

Prishtinën e vizitoi edhe reperi tjetër xZibit dhe DMX të cilët mbahen mend për atmosferën e mrekullueshme që kanë krijuar në kryeqytetin e Kosovës.

Nga fusha e sportit, ishte vizita e futbollistit brazilian me famë botërore, Ronaldo i vjetër i cili në Kosovë ka fansa të panumërt.

Edhe pse me prejardhje shqiptare, në këtë listë padyshim që mund të hynë edhe artistet Rita Ora dhe Dua Lipa të cilat karrierën e tyre e zhvillojnë në botë dhe tashmë janë tejet të njohura atje. /KultPlus.com