Kuvendi i Kosovës mban një minutë heshtje për Ismet Bogujevcin

Sot me fillim të seancës që po mbahet në Kuvendin e Kosovës, u mbajtë një minutë heshtje në nder të artistit Ismet Bogujevci, i cili ndërroi jetë katër ditë më parë, përcjell KultPlus.

Lajmin për vdekjen e Bogujevcit e kishte bërë të ditur djali i tij.

Bogujevci ka interpretuar një mori këngësh të famshme e ka pasur edhe shumë bashkëpunime. “Një lulishte”, “Kënga e Jemenit”, “Sillma erën e malit”, janë vetëm disa prej projekteve të tij të njohura. / KultPlus.com