Nënshkruhet marrëveshja për promovimin e artistëve dhe kulturës shqiptare në botë

Ministrja e Kulturës, Elva Margariti nënshkroi sot, marrëveshje me ministrin e Shtetit për Diasporën, Pandeli Majko me qëllim promovimin e artistëve dhe kulturës shqiptare në botë.

KultPlus ju sjell njotimin e saj të plotë:

Artistët shqiptarë në diasporë janë ambasadorët tanë më të mirë, ndaj edhe duhet të krijojmë të gjitha hapësirat për promovimin e tyre në vendin amë. Me këtë qëllim, por edhe për të promovuar kulturën shqiptare, përtej kufijve lidhëm sot një marrëveshje me Ministrin e Shtetit për Diasporën, Z. Pandeli Majko.

Përmes kësaj marrëveshjeje synojmë të nxisim dhe zhvillojmë aktivitete të artit dhe kulturës të pjesëtarëve të diasporës, me synim ruajtjen dhe zhvillimin e identitetit dhe të trashëgimisë kulturore.

Po ashtu angazhohemi në ngritjen e Këshillit Koordinues të Artistëve në Diasporë, anëtarë të të cilit do të jenë artistë me kontribut të çmuar në promovimin dhe zhvillimin e artit shqiptar. / KultPlus.com

Në New York do të zhvillohet edicioni i 29-të i Festivalit Shqiptar

Ministri i Shtetit dhe Diasporës, Pandeli Majko, ka njoftuar se edhe këtë vit në SHBA do të zhvillohet edicioni i 29-të i Festivalit Shqiptar nën organizimin e Qendrës Kulturore “Nëna Terezë”, shkruan KulPlus.com


“Në New York, SHBA do të zhvillohet edicioni i 29-të i Festivalit Shqiptar, i organizuar nga Qendra Kulturore Nëna Terezë.
Ky është një festival i cili mbledh rreth tre mijë pjesëmarrës, qëllimi i të cilit është pasqyrimi i traditës dhe kulturë shqiptare”, ka shkruar Majko në Facebook.

Ekspozitë mbi komunitetin shqiptaro-amerikan në SHBA

Ministri i Shtetit dhe Diasporës në Shqipëri, Pandeli Majko, ka njoftuar se do të ketë një ekspozitë mbi komunitetin shqiptaro-amerikan të Worcesterit, SHBA, në kuadër të bashkëpunimit të Komitetit të Festivalit Shqiptar në këtë qytet me Muzeun Historik të Worcesterit.

“Një ekspozitë mbi komunitetin shqiptaro-amerikan të Worcesterit, SHBA do të jetë finalizimi i bashkëpunimit të Komitetit të Festivalit Shqiptar në këtë qytet me Muzeun Historik të Worcesterit. Kjo do të jetë një përpjekje disa vjeçare, ku muzeu do të punojë me Komunitetin, institucione dhe muze të tjerë për të mbledhur historinë e Komunitetit Shqiptar në Worcester, SHBA”.

“Ndaj për të realizuar këtë dokumentim të rëndësishëm ftohen të gjithë pjesëtarët e komunitetit shqiptar të kontribuojnë me foto, materiale filmike, e dokumente të tjera që dëshmojnë për praninë dhe aktivitetin e shqiptarëve në Worchester”, ka shkruar Majko në Facebook.

Një tjetër klasë e gjuhës shqipe nis në Greqi

Ministri i Shtetit dhe Diasporës në Shqipëri, Pandeli Majko, ka njoftuar se mësimi i gjuhës shqipe ka filluar edhe në Greqi. Kjo ngjarje është duke ndodhur në kuadër të një procesi të madh të inkuadrimit të gjuhës shqipe në sistemet arsimore të shteteve të ndryshme, shkruan KultPlus.

“Një tjetër klasë e mësimit të gjuhës nis në Greqi. Më 12 tetor në Fakultetin Pedagogjik të Universitetit “Aristoteli”, Selanik, Shoqata e Emigrantëve Shqiptarë “Nënë Tereza” fillon ciklin mësimor të gjuhës shqipe, për vitin akademik 2019-2020”, ka shkruar Majko në Facebook.

Shqiptari Marko Kepi në garë për Asamblenë e New York-ut

Ministri i Shtetit dhe Diasporës në Shqipëri, Pandeli Majko, ka njoftuar se Shqiptari Marko Kepi ka nisur fushatën për zgjedhje në Asamblenë e New-York-ut, shkruan KultPlus.com

I njejti shquhet për aktivitetet të ndryshme të kulturës shqiptare në SHBA.

“Foto e ditës / Shqiptari Marko Kepi nis zyrtarisht fushatën për zgjedhjet e asamblesë së Nju-Jorkut. Kepi është një aktivist i njohur shqiptar në SHBA dhe organizator i “Parada shqiptare”, një manifestim i përvitshëm i kulturës shqiptare në Nju-Jork”, ka shkruar Majko në Facebook.

Nga 5 tetori shqiptarët në Kroaci bëhen me Shtëpi Kulturore

Ministria e Diasporës në Shqipëri ka kohë që është angazhuar për diasporën në mënyrë intenzive përmes themelimit të institucioneve të ndryshme edukativo-kulturore. Në vazhdën e këtij angazhimi, nga 5 tetori shqiptarët në Kroaci do të bëhen me Shtëpi Kulturore, shkruan KultPlus.com

“Më 5 tetor në Karllovc, Kroaci nis punën Shtëpia Kulturore Shqiptare, misioni i së cilës është promovimi i kulturës kombëtare dhe mbështetja e shqiptarëve në shoqërinë kroate”.

“Aty do të realizohen aktivitete të ndryshme nga Bashkësia Shqiptare e Prefekturës së Karllovcit së bashku me Këshillin e pakicës kombëtare shqiptare në këtë qytet. Gjatë ceremonisë së hapjes do të diskutohet për pozitën e pakicës kombëtare shqiptare në këtë qytet”, ka shkruar në Facebook Ministri i Shtetit dhe Diasporës në Shqipëri, Pandeli Majko.

Fëmijët në Selanik vazhdojnë mësimin në shqip

“Mësojmë shqip në Selanik”, është slogani që Ministri i Shtetit dhe Diasporës në Shqipëri, Pandeli Majko, e ka përdorur për ta njoftuar publikun se edhe këtë vit fëmijët shqiptar në Selanik do të mësojnë në shqip, shkruan KultPlus.com

“Mësojmë shqip në Selanik”, për të tretin vit fëmijët e komunitetit shqiptar në Selanik vazhdojnë mësimin plotësues të gjuhës shqipe, i cili fillon më 13 tetor. Këtë vit fëmijëve do t’i dhurohen abetare dhe tekste të tjera mësimore falas, të cilat janë shpërndarë pak ditë më parë nga Qendra e Botimeve për Diasporën në bashkëpunim me Ministrinë e Punëve të Jashtme dhe Postën Shqiptare.

Edhe këtë vit në SHBA do të vazhdohet mësimi shqip

Ministri i Shtetit dhe Diasporës në Shqipëri, Pandeli Majko, ka njoftuar se në qendrën arsimore “AYC Greenwich” në SHBA edhe këtë vit do të zhvillohet mësimi në gjuhë shqipe, shkruan KultPlus.com

“Në “AYC Greenwich”, SHBA klasat e mësimit të gjuhës shqipe këtë vit nisin më 21 shtator. Kjo qendër arsimore është themeluar me qëllim krijimin e një hapësire ku fëmijët shqiptaro-amerikanë të moshës 5 deri 18 vjeç në zonat e lower Fairfield dhe Westchester të mësojnë gjuhen shqipe, historinë, kulturën dhe trashëgiminë shqiptare nëpërmjet studimeve sociale, historike, valleve tradicionale, prezantimeve nga të ftuar të shqiptarë si dhe aktiviteteve sportive”, ka shkruar Majko në Facebook.

Shoqata “Madre Teresa” në Itali edhe këtë vit do të ofrojë klasat e mësimit të gjuhës dhe kulturës shqipe

Ministri i Shtetit dhe për Diasporën në Shqipëri, Pandeli Majko, ka njoftuar se në Modena të Italisë do të vazhdojë të mësohet gjuha dhe kultura shqipe, shkruan KultPlus.com

“Shoqata “Madre Teresa” në Modena, Itali edhe këtë vit do të ofrojë klasat e mësimit të gjuhës dhe kulturës shqipe. Regjistrimi për fëmijët të cilët duan të ndjekin mësimin në këto klasa është hapur nga kjo javë”, ka shkruar Majko në Facebook.

Aktivitetet kulturore për folklorin dhe kulturën shqiptare do të vazhdojnë edhe këtë vit në Greqi

Ministri i Shtetit dhe Diasporës, Pandeli Majko, ka bërë të ditur se edhe këtë vit do të vazhdojnë aktivitetet kulturore për promovimin e folklorit dhe kulturës shqiptare në Greqi, shkruan KultPlus.com


“Aktivitetet kulturore për të promovuar folklorin dhe kulturën shqiptare do të vazhdojnë edhe këtë vit në Greqi. Shoqata shqiptare “Emigranti”në Patra ka bërë të ditur se në datën 29 shtator organizon një event kulturor me pjesë të këngëve dhe valleve nga zona të ndryshme të Shqipërisë. Për vitin 2019-2020, kjo shoqatë ka planifikuar organizimin e disa aktiviteteve të tjera me qëllim ruajtjen e traditave tona jashtë trojeve shqiptare”, ka shkruar Majko në Facebook.

Shënohet “Dita Ndërkombëtare e Shkrimit dhe Leximit” në Athinë

Ministri i Shtetit dhe Diasporës në Shqipëri, Pandeli Majko, ka njoftuar se sot përmes aktiviteteve të ndryshme po shënohet “Dita Ndërkombëtare e Shkrimit dhe Leximit” në Greqi./KultPlus.com

“Foto e ditës/ Fëmijët shqiptarë në Greqi gjatë leximit të teksteve në gjuhën amtare në aktivitetin e organizuar për “Ditën Ndërkombëtare të Shkrimit dhe Leximit”, në parkun “Fëmija dhe Kultura”, Athinë. Ky aktivitet bashkoi të gjitha komunitetet në Greqi me qëllim promovimin e kulturës së librit dhe leximit në gjuhën e vendit të origjinës”, ka shkruar Majko në Facebook.


Ministria e Diasporës në Shqipëri vazhdon aktivitetet e saj në Francë

Ministri i Shtetit dhe Diasporës në Shqipëri, Pandeli Majko, ka njoftuar se përmes Gazmend Kapllanit, do të vazhdohet me ndihmën e Ministrisë së Diasporës për komunitetin shqiptar në Francë/KultPlus.com

“Anëtari i Këshillit Koordinues të Diasporës, Gazmend Kapllani do të zhvillojë një takim me komunitetin shqiptar në Francë ku përveç diskutimit për librin e tij të fundit “I keqi i vetes”, ai do të flas edhe për rolin e Diasporës shqiptare dhe rëndësinë që po i kushtohet promovimit të kulturës shqiptare në botë. Takimi do të zhvillohet në datë 16 shtator në librarinë “L’Arbre à Lettres”, Paris . Gjithashtu z. Kapllani do të marrë pjesë edhe në Festivalin Ndërkombëtar të Librit, i cili mbahet më 13-15 shtator në qytetin e Nancy” ka shkruar Majko në Facebook.

U mbajt koncerti “Diaspora Artistike dhe Shkencore – SHBA”

Me iniciativën dhe mbështetjen e Ministrit të Shtetit dhe Diasporës, Pandeli Majko, si dhe Akademisë së Shkencave të Shqipërisë po mbahet koncerti “Diaspora Artistike dhe Shkencore-SHBA”, shkruan KultPlus.com

“Po ndodh / Koncerti “Diaspora Artistike dhe Shkencore – SHBA”, aktivitet i organizuar nga Akademia e Shkencave të Shqipërisë dhe Ministri i Shtetit për Diasporën, me pjesëmarrjen e pianistit Redi Llupa dhe violonçelistit argjentinas Juan Sebastian Delgado”, ka shkruar Ministri Majko në Facebook.

Mbahen aktivitete për “Ditën e shqiptarëve” në Norvegji

Diaspora shqiptare ka kohë që tregohet shumë aktive në ditët e rëndësishme të tyre. Kështu ka vepruar edhe komuniteti shqiptar që jeton në Norvegji, shkruan KultPlus.com

Ata kanë festuar “Ditën e shqiptarëve” atje, ka njoftuar Ministri i Shtetit dhe Diasporës, Pandeli Majko.

“Foto e ditës / Gjatë aktivitetit kulturor të organizuar për “Ditën e shqiptarëve” në Oslo, Norvegji” ka shkruar Majko në Facebook.

Starton aplikacioni i parë informues “Diaspora Shqiptare”


Ministri i Shtetit dhe Diasporës në Shqipëri, Pandeli Majko, ka njoftuar se ka filluar në përdorim aplikacioni i parë informues “Diaspora Shqiptare”.

“Prej ditës së sotme të gjithë shqiptarët kudo gjenden kanë mundësi të njihen në kohë reale me gjithçka ndodh në Diasporën Shqiptare. Kjo, falë aplikacionit më të ri “Diaspora Shqiptare”, i cili prej ditës së sotme gjendet falas në dyqanet virtuale”, ka shkruar Majko në Facebook. / KultPlus.com

Shkollë shqipe edhe në Bronx, SHBA


“Shkolla shqipe “Alba Life” së shpejti me një shkollë tjetër shqipe në Bronx, SHBA”, tha sot ministri i Shtetit për Disporën, Pandeli Majko.

Shkolla Shqipe “Alba Life” në 11 vitet e shkuara e ka ushtruar aktivitetin e saj në Staten Island, Brooklyn, Manhatan e Queens dhe këtë vit parashikon të fillojë aktivitetin edhe në Bronx, në New York.

Misioni i shkollës shqipe “Alba Life” e themeluar nga Qemal Zylo është zhvillimi dhe ruajtja e identitetit kombëtar përmes mësimit të gjuhës, kulturës së origjinës si dhe njohja me trashëgiminë dhe thesarin kulturor, natyror dhe historik kombëtar.

Programet e shkollës janë mbështetur në programet e përgatitura nga Ministria e Arsimit të Shqipërisë dhe Ministria e Arsimit të Kosovës. / atsh / KultPlus.com

Kostumografia popullore shqiptare në telajon e piktorit të diasporës

Ministri i Shtetit për Diasporën Pandeli Majko, solli sot në vëmendje talentin e piktorit të diasporës Dastid Miluka e cili vjen me ekspozitë nga kostumografia popullore shqiptare.

“Dastid Miluka është një piktor i talentuar shqiptar që jeton prej kohësh në Belgjikë, i cili vjen para publikut me një stil të veçantë e goditës”, shprehet Majko.

Po ashtu Majko vë theksin te thelbi i ekspozitës që është vendi i origjinës, Shqipëria.

“Me ekspozita këndej e andej kufijve, Miluka kësaj radhe i është përkushtuar një projekti ku punimet e tij do të jenë të frymëzuara nga ‘rrënjët’:  vendi i origjinës, njerëzit e sidomos nga kostumografia popullore shqiptare”, shprehet ai. / atsh / KultPlus.com

Ngritja e kampeve për refugjatët sirianë në Shqipëri alarmon Pandeli Majkon: Refugjatët sirianë po i përdorin si “bombë njerëzore”

Lajmet se në Shqipëri do të hapen kampe për 600 mijë refugjatë sirianë janë përtej cdo gadishmërie e imagjinate për një prej kombeve më të vjetër të Europës sic janë shqiptarët. Mediat mund të japin lajme por jo të nxisin panik në një popull që është një shembull në atë cfarë ofron për të huajt.

Nëse dikush, nuk di të merret me diktatorin e Sirisë, padyshim që nuk kupton se ky individ dhe aleatët e tij, Rusia dhe Irani, po përdorin refugjatët sirianë si “bombë njerëzore”. Qëllimi është për të shkatërruar strukturën europiane si ngrehinën kryesore ndërkombëtare e cila mbart vlerat që ata nuk i kanë. Eshtë një krim cinik dhe antinjerëzor që si teknologji ka filluar me Luftën e Jugosllavisë. Arma synon panikun. Qëllimi është që të ngjalli pasionin e ADN-së për “ruajtjen e territorit” i cili nuk është njerëzor. Krijimi i “antinjeriut” vjen si ftesë nga kjo aleancë e pashpallur lindore e cila po troket në Europën me politikanë që masin cdo gjë me vota…

Shtëpia e shqiptarit është e zotit dhe e mikut. Kështu shkruhet në rregullat e lashta të trajtimit të të huajve që trokasin në derën e shtëpisë së shqiptarit. Shqiptarët janë populli më miqësor me të huajt dhe që i mbron ata me vullnet e pa kërkesë nga të tjerët.

Askush, dhe për asnjë arsye nuk mund të fyejë kombin shqiptar duke luajtur me këtë ndjenjë kaq pozitive karshi të huajve. Shqipëria është një rast i rrallë në një botë refuzuese për të huajt. Cdo familje shqiptare ka migrantë jashtë vendit, në Perëndim, dhe kjo është një arsye më shumë për të qenë dashamirës me ata që janë larguar nga vendi i tyre për arsye të mbijetesës.

Si njohës modest i krizave të tilla humanitare e vlerësoj të pavend përhapjen e lajmeve të tilla të cilat mund të shkaktojnë panik në vendin më miqësor me të huajt sic është Shqipëria. Ajo nuk është një “epruvetë” ku interesat politike dhe paaftësitë menaxhuese të të tjerëve të gjejnë justifikim me “eksperimente” të tilla.

Grumbullimimet e refugjatëve në sasi sfiduese për vendasit do të krijojë situatë shpërthyese për të cilën duhet të bëhen mirë llogaritë.

Shqipëria ka gatishmëri për të huajt por askush nuk mund të bëjë “humor” nisur nga nevojat e saj. Nëse ka ndonjë politikan europian i cili diskuton “ftesën” për të hapur negociatat e integrimit europian për Shqipërinë me pranimin e ndërtimit të kampeve të refugjatëve atëherë kjo “ftesë” më mirë të mos vijë… Pasi ajo nuk do të ishte ftesë, e aq më pak ftesë europiane.

Jam i bindur, që Brukseli nuk mund ti kërkojë një vendi dhe populli, ndryshimin e strukturës së vet sociale duke vënë në diskutim sigurinë e tij kombëtare dhe më gjerë.
Të huajt që të vinë në derën e shtëpisë për ndihmë, janë miq! Ata që ti sjellin… janë miq të refuzuar të dikujt tjetër. Ky është përkthimi që shqiptarët do ti bëjnë një ftese për kampe refugjatësh në Shqipëri.

Shqipëria do të ishte e gatëshme të ndajë peshën e cdo krize me familjen e vet europiane por shqiptarët nuk janë njerëz naivë. Ata dyshimin e tyre do ta fillonin me pyetje të thjeshta… “Pse dicka që nuk është e mirë për Europën është e mirë për Shqipërinë?” Dhe më ironikja vjen më pas “Nëse na kërkoni dicka që nuk e bëni vet, a na bën kjo më europianë apo e kundërta?”… Janë 600 mijë pyetje për një të vërtetë. Natyrisht!/KultPlus.com

Pandeli Majko: Shqipëria dhe Kosova janë krenarë për arbëreshët, treguan edhe pas 600 vjetësh se shqiptarët mbeten shqiptarë

Ministri i Shtetit për Diasporën, Pandeli Majko dhe homologu i tij në Kosovë, Dardan Gashi, zhvilluan një bashkëbisedim me përfaqësues të komunitetit shqiptar në komunën Piana degli Albanesi si edhe autoritetet lokale italiane.

Kryetari i Bashkisë, Ing. Rosario Petta u shpreh komunitetet arbëreshe në këtë provincë, por edhe më gjerë, janë të njohur për vlerat e tyre të spikatura si edhe ruajtjen e traditave shqiptare. Ai njoftoi pjesëmarrësit se autoritetet vendore kanë përgatitur dy dokumete për qeverinë e Shqiperisë dhe të Kosovës, në të cilën parashtrojnë një program konkret bashkëpunimi midis autorieteve rajonale me të dy qeveritë. Letra propozon krijimin e një agjencie arbëreshe për koordinimin e bashkëpunimit të komuniteteve arbëreshe dhe autoriteteve rajonale siciliane me qeverinë e Shqipërisë dhe Kosovës.

Piana degli Albanesi, si komune perfaqësuese e komunitetit Arbëresh në Sicili, do të bëhet promotori i nxitjes së shkembimeve kulturore, arsimore dhe shkëmbimeve të tjera midis arbëreshëve, institucioneve rajonale e lokale dhe qeverive shqiptare e kosovare. Kjo do të ndihmonte jo vetëm zgjidhjen e problematikave të komuniteteve arbëreshe në institucionet rajonale në Itali, por edhe perfaqësimin e tyre në institucionet shqiptare e kosovare. Kjo do të ndihmonte edhe projektet e qeverisë së Shqipërisë për të mundësuar votimin dhe përfaqësimin e emigrantëve në vendet pritëse.

Ministri Dardan Gashi nënvizoi se në tetor Kosova dhe Shqiperia presin në Prishtine kryetarët e komunave të Arbëreshëve në Sicili për të nënshkruar një marreveshjeje bashkëpunimi. Ministri Gashi kërkoi gjithashtu që kultura arbëreshe të jetë e ruajtur si pasuri e UNESCO-s.

Ministri Majko u shpreh se si ministri pare i Diasporës në historinë e Shqiperisë, e konsideron një përparësi bashkëpunimin me arbëreshët. “Miq të huaj më pyesin si merreni vesh me arbëreshët. U them që flasim shqip dhe kur ndjehemi në vështirësi, vazhdojme në italisht. Marrëdhëniet e shkelyqera italo-shqiptare kalojnë nga arbëreshët”. Ministri Majko u shpreh se qeveria shqiptare i konsideron shumë të rëndësishme marrëdheniet e vecanta me Italinë. Shqipëria dhe Kosova janë duke iu afrur Bashkimit Europian dhe arbëreshët janë një përshpejtues i proceseve integruese. Por edhe arbëreshët kanë mbështetjen e vëllezërve të tyre binjak, Shqipërisë dhe Kosovës. Ministri u shpreh se “Jemi pak vonë në këtë bashkëpunim, por sic themi ne shqiptarët, më mirë vonë se kurrë”. Shqipëria dhe Kosova janë krenare për arberëshet, të cilët kanë treguar se edhe pas 600 vjetesh shqiptarët mbeten shqiptarë. Propozimet e kryetarit të bashkisë, përfundoi Ministri Majko, i pranojmë me kenaqësi dhe i konsiderojmë hapin e parë te rëndësishëm të bashkëpunimit tonë./KultPlus.com

Majko me shqiptarët e Londrës: Flisni shqip në familjet tuaja

Ministri i Shtetit për Diasporën, Pandeli Majko vizitoi shkollën plotësuese shqipe në Kilburn të Londrës.

Shkolla, e themeluar me iniciativë të organizatave shqiptare që veprojnë atje, ofron kurse të gjuhës shqipe gjatë së shtunës. Fëmijët, disa prej të cilëve të veshur me kostume tradicionale, i uruan mirëseardhjen Pandeli Majko me këngë e recitime.

Ndërsa u përcolli falënderimet e tij mësuesve dhe prindërve për punën e jashtëzakonshme, siç u shpreh, Majko e vuri theksin tek rëndësia e të folurit shqip ne familje.

Sipas tij, nëna ka rolin kryesor në transmetimin e gjuhës tek fëmijët dhe shmangien e asimilimit të brezave të rinj. Ministri informoi mësuesit, prindërit dhe përfaqësuesit e shoqatës “Ardhmëria” mbi planin e përbashkët të veprimit me qeverinë e Kosovës, sa i përket arsimit shqip në diasporë.

Marrëveshjet e arritura mes dy qeverive, tha Ministri, do të ndihmojnë për t’u mundësuar të gjithë shqiptarëve jashtë vendit qasje më të lehtë ndaj librave dhe arsimit shqip. Majko foli për hapat e ndërmarrë për realizimin e kurikulave dhe ngritjen e grupit të punës që do të hartojë librat e standardizuar të gjuhës. Ministri vlerësoi qasjen miqësore të Britanisë ndaj komunitetit shqiptar dhe u shpreh i përkushtuar për forcimin e bashkëpunimit sa i përket diasporës atje.

Ndërkaq, në takimin me përfaqësues te komunitetit shqiptar në Londër, përfshirë edhe studentë, Majko tha se diaspora nuk është një çështje politike por ajo kërkon konsensus politik që të mundësohet ecja në një hap e diasporës me shtetin e vet. Ndërsa e konsideroi një sfidë çështjen e diasporës, Majko tha se ishin ndërmarrë hapa të rëndësishëm për krijimin e strukturave që do të mundësojnë forcimin e marrëdhënies së shqiptarëve jashtë vendit me shtetin e tyre.

Ministri informoi të pranishmit në sallë lidhur me ligjin për Agjencinë Kombëtare të Diasporës e gjithashtu për projektligjin ‘ombrellë’ , i cili siç tha, do të strukturojë të gjitha institucionet që do të mbulojnë marrëdhëniet e shtetit shqiptar me diasporën.

‘Duam të krijojmë një marrëdhënie të qëndrueshme dhe afatgjatë me diasporën, e cila nuk do të zbehet me ndërrimin e qeverive. Po përpiqemi ta institucionalizojmë atë, në mënyrë që të mos mbetet thjesht një dialog në distancë.

Shteti shqiptar duhet të jetë në një linjë me diasporën e vet”, u shpreh Ministri. Majko vlerësoi arritjet dhe sukseset e shqiptarëve në Britaninë e Madhe por e vuri theksin tek nevoja e një organizimi më të madh në nivele të ndryshme. Duke përmendur aftësitë e brezit të ri, Ministri kërkoi më shumë angazhim për ruajtjen e gjuhës dhe identitetit shqiptar.

Majko foli edhe për përpjekjet që po bëhen për të krijuar kushte të favorshme për orientimin e biznesmenëve shqiptarë drejt vendit të tyre të origjinës. Gjatë vizitës së punës në Londër, Ministri i Shtetit për Diasporën vizitoi bustin e heroit tonë kombëtar, Gjergj Kastrioti Skënderbeu.

I shoqëruar nga Ambasadori i Shqipërisë në Mbretërinë e Bashkuar Qirjako Qirko dhe përfaqësues të komunitetit shqiptar, Majko vendosi një tufë me lule në monumentin e ngritur me rastin e 100 vjetorit të pavarësisë së Shqipërisë. Homazhet përkojnë me kremtimet për 550 vjetorin e vdekjes së Skënderbeut.

Ministri vizitoi edhe organizatën ‘Total Family Coaching’, e cila punon me fëmijët, të rinjtë dhe familjet, duke u ofruar ndihmë psikologjike dhe psikoterapeutike për tejkalimin e traumave apo problemeve të mëdha. Drejtuesja e organizatës është një shqiptare nga Prishtina, znj. Adelina Badivuku e ka gjithashtu punonjës të tjerë shqiptarë.

Majko takon shqiptarët e Amerikës: Libra dhe regjistrim për fëmijët e lindur jashtë vendit

Ministri i Shtetit për Diasporën, Pandeli Majko, nisi të shtunën një vizitë disa ditore në Shtetet e Bashkuara të Amerikës. Ndalesën e parë e bëri në Miçigan, ku edhe jeton një numër i madh shtetasish shqiptarë.

Majko, i shoqëruar nga Ambasadorja e Shqipërisë në SHBA, Floreta Faber, dhe përfaqësues të tjerë të diasporës atje, vizitoi qendrat fetare të komunitetit shqiptar në Rochester Hills. Ministri pa nga afër Kishën Katolike të Shën Palit e cila në çdo cep të saj kishte gjurmë shqiptare. Ndërsa famulltari i Kishës Dom Fred Kalaj e njohu me ambientet e mbushura me simbole e figura shqiptare, si Nënë Tereza dhe Skënderbeu. Ministri Majko tha se bëhej fjalë për një lidhje shumë të bukur mes besimit dhe ndjenjës kombëtare.

Në Kishën e Zojës Pajtore të Shqiptarëve, Kisha e dyte Katolike e shqiptarëve në Rochester Hills, Ministri i Shtetit për Diasporën dhe delegacioni që e shoqëronte u prit nga famulltari Dom Ndue Gjergji. Ndërsa vlerësoi marrëdhëniet e forta të komunitetit, Majko tha se ishte shumë e rëndësishme që një komunitet të gjente pikat e lidhjes. Përfaqësuesit e Kishës e ftuan Ministrin të merrte pjesë në aktivitetin që zhvillohet në datat 15-16 qershor, kur mijëra shqiptarë mblidhen në Miçigan.

Më pas, Ministri i Shtetit për Diasporën vizitoi Teqen e Baba Rexhepit, e para Teqe Bektashiane e hapur në SHBA. Në Teqen ku gjithashtu, simbolet fetare ndërthureshin me ato kombëtare z. Majko u prit nga përfaqësues të komunitetit Bektashian dhe Dervishi Eliton Pashaj. Në fokus të diskutimeve ishte ruajtja e gjuhës shqipe tek brezat e rinj. Z. Majko shprehu gatishmërinë për t’u angazhuar për sigurimin e librave të gjuhës shqipe për shqiptarët atje dhe regjistrimin e fëmijëve të lindur jashtë vendit.

Vizitat në qendrat fetare të shqiptarëve në Miçigan, Ministri Majko i mbylli në Qendrën Islamike Shqiptare ku u takua me përfaqësues të këtij komuniteti dhe Imamin Shuaip Gerguri. Gjatë takimit z. Majko informoi të pranishmit lidhur me hapat që po ndërmerr bashkë me qeverinë për krijimin e lehtësirave për shqiptarët e diasporës. / KultPlus.com

Majko takon shqiptarët e Ukrainës: “Gjaku nuk bëhet ujë”

Ministri i Shtetit për Diasporën Pandeli Majko zhvilloi një vizitë në fshatin Karakurt, në rajonin e Odesës ku jetojnë më shumë se gjysma e shqiptarëve të Ukrainës.

Gjatë vizitës Majko përcolli dhe një mesazh për shqiptarët që jetonin atje. “Pas 300 vitesh duhet të vini në Shqipëri, për ta parë nga afër vendin tuaj të origjinës, i cili është kthyer në një destinacion mjaft të preferuar turistik”– tha Majko

“Gjaku nuk bëhet ujë”, tha më tej Ministri i Shtetit, në këtë vizitë zyrtare ku u prit nga autoritetet rajonale e gjithashtu përfaqësuesit e diasporës shqiptare. Majko premtoi se do të ketë gjithmonë një sy e një vesh për diasporën në Ukrainë.

Implementimi i projekteve të përbashkëta në arsim dhe kulturë ishte në qendër të një tryeze të rrumbullakët të mbajtur me autoritetet rajonale dhe përfaqësues të diasporës. Ministri Majko, i shoqëruar edhe nga ambasadorja e Shqipërisë Shpresa Kureta, në Ukrainë, vizitoi shkollën ku mësohet gjuha shqipe e gjithashtu Shtëpinë e Kulturës ku performuan një sërë grupesh artistike të diasporës.

Me iniciativë të Pandeli Majkos, emetohen pullat e postës kushtuar migracionit shqiptar (FOTO)

Pullat e postës kushtuar migracionit shqiptar janë emetuar në kuadër Ditës Ndërkombëtare të Migracionit.

Kjo ka ardhur si iniciativë e Ministrit të Shtetit për Diasporën Pandeli Majko, në bashkëpunim me Postën Shqiptare.

Gjatë gjithë historisë njerëzore migrimi ka qenë një shprehje e guximshme e vullnetit të individit për të kapërcyer vështirësitë dhe për të jetuar një jetë më të mirë. Kjo ka nxitur në masë të madhe njerëzit me dëshirë dhe kapacitet për të lëvizur në vende të tjera.

Duke marrë parasysh numrin e madh dhe në rritje të emigrantëve në botë, më 4 dhjetor 2000 Asambleja e Përgjithshme e Kombeve të Bashkuara caktoi 18 Dhjetorin si Ditën Ndërkombëtare të Emigracionit. Më 18 dhjetor 1990 Asambleja e Përgjithshme miratoi konventën ndërkombëtare “Për mbrojtjen e të drejtave të punëtorëve migrantë dhe anëtarëve të familjeve të tyre”.

Krahasuar me popullsinë në vendin e origjinës, migracioni shqiptar mund të krahasohet si ndër më të mëdhenjtë në botë. Sot diaspora shqiptare është e pranishme në shtetet Europiane, Kanada, Australi, Azi dhe Afrikë. Në shumicën e vendeve mikpritëse shqiptarët kanë themeluar organizatat e tyre. /atsh