Sonte premiera e filmit “Përtej Territ”, rrëfen historitë e grave që i mbijetuan abuzimeve të dhunës

Filmi “Përtej Territ” nën regjinë e Donjeta Mejtanit, vjen premierë sonte në Kino Armata, përcjell KultPlus.

Në film flitet për tri gra të guximshme kosovare që rrëfejnë historitë e jetës së tyre se si i mbijetuan abuzimeve e dhunës, mirëpo rastet e tyre mbesin të neglizhuara ndër vite dhe të pazgjidhura si duhet nga institucionet e shtetit të Kosovës. Ndërkohë që akoma presin ndihmën që u takon, ato japin detaje të luftës së tyre për shpëtim dhe kërkojnë që drejtësia të vihet në vend.

Megjithatë, për të ngritur zërin hapurazi rreth sfidave nëpër të cilat kaluan, u kërkua guxim, dhe ato shpresojnë se guximi i tyre për të dalë prej territ në dritë do të ketë jehonë në shoqërinë dhe institucionet kosovare.

Prodhuar nga Katarzë Film, filmi vjen premierë sonte, më 29 nëntor, nga ora 19:00 në Kino Armata.

Pas shfaqjes së filmit do të ketë panel diskutimi. / KultPlus.com