Muaji i festave hapet me duon e shumënjohur maqedonëse DadoK & Mamli.
Kjo duo u krijua nga miqësia në vitin 2017.
Ata janë të njihur me setet e tyre melodike:progressive house, afro dhe melodic techno sound.
Në dy vitet e fundit ata ndanë skenën me dj dhe producenta të njohur si Adriatique, Magdalena, Marko Nastic, Space Motion, Andrew Meller, Kristijan Molnar dhe shumë të tjerë.
Duo perfekte ka përgaditur një set më ndryshe se herave tjera, e krejt çka duheni me bo ju është të na ndiqni këtë të dielë në faqen zyrtare në facebook.
Rri n’shpi e degjo muzikë të mirë që Rave çdo të diel sjell për ju!/ KultPlus.com
Edhe këtë të diel na ndiqni me Pumio Space(playdrum) vjen për ju një performancë live me një pamje mahnitëse nga villa Kalaja-Jezerc, Ferizaj.
Një pasion i përjetshëm për muzikën, stili i tij unik dhe frymëzues karakterizon artistin Pumio Space i cili ka qenë aktiv në skenën e muzikës elektronike për gati një dekadë, si producent dhe DJ i mirëfilltë. Për një artist të përkushtuar si Pumio Space, është jashtëzakonisht e rëndësishme muzika që ai luan në ngjarje të ndryshme qofshin ato klube, festivale apo formate të tjera, rëndësia e një artisti të tillë është të transmetojë tinguj të veçantë e fituar nga kultura e muzikës underground. Si një DJ i pasionuar dhe një koleksionist i vinylit, ai është gjithmonë në kërkim të rekordeve muzikore që e karakterizojnë atë si një artist karizmatik me një stil të veçantë.
Gjatë vitit të ardhshëm, do të presim albume dhe prodhime muzikore nga Pumio Space në formatin vinil në shumë labelë evropianë, si dhe në rekord labelin Playdrum. Krijimtaria e Pumio si producent është shumë unike pasi qëllimi i tij është për të bërë njerëzit të lumtur dhe për të lënë gjurmë në botën e muzikës elektronike.
E diel, ora 21:00 ndiqni performancën live në Facebook./KultPlus.com
Tash Rave njihet për perfomancat e veçanta në ambient të hapur duke promovuar në të njejtën kohë dhe vendet e bukura që Kosova ofron.
Ksaj here kemi të ftuar Liburn(playdrum) në një prej villave më të bukura, në villën Kalaja-Jezerc, Ferizaj.
Liburni u lind e u rrit në Kosovë, por më vonë i kaloi shtatë vjet të jetës në Gjermani, para se të kthehej në vendlindje. Ato vite që i kaloi në shtetin gjerman ishin jetike për karierën e tij në muzikën elektronike. Skena e pasur e muzikës elektronike në Gjermani u rrënjos brenda artistit të ri siç ka ndodhur me shumë tjerë.
Si adoleshent, Liburni e zbuloi dashurinë e tij për muzikën elektronike kur filloi t’i dëgjonte ikonat e këtij zhanri si John Digweed dhe Trentemoller. Nga fillet modeste me performanca në Coco Bar ne qytetin e tij të lindjes në Ferizaj, Liburni është zhvilluar në një artist të vërtetë, duke performuar në shtete të ndryshme anembanë botës, nga Kosova dhe Shqipëria e deri te Zvicra dhe Australia.
Në performancat e tij, personaliteti i qetë dhe i matur i Liburnit kaplohet nga emocionet e shumta, dhe publiku ndezet nga tingujt unik të tij, që kapin një diapazon të gjërë nga minimal e deri te house music.
Së fundmi Liburni e bashkëthemeloi Playdrum (kolektiv i DJ-ëve dhe record label) me 5 DJ tjerë nga Kosova. E ardhmja duket e ndritur për këtë muzikant të përkushtuar.
