Kryeministri suedez, Ulf Kristersson emëroi sot 26-vjeçaren Romina Pourmokhtari ministre për Klimën dhe Mjedisin.
Pourmokhtari është ministrja më e re e Suedisë dhe një nga pesë ministrat e Partisë Liberale në kabinetin 23 anëtarësh.
Ajo është me origjinë iraniane dhe kryetare e Liberalëve të Rinj, post nga i cili do të japë dorëheqjen në nëntor.
Partia konservatore e Moderuar e Kristersson do të vendosë 12 anëtarë të kabinetit të ri dhe gjashtë të mbeturit janë nga kristian-demokratët.
Ministri i ri i Jashtëm është politikani konservator me përvojë Tobias Billstrom.
Ebba Busch, kreu i kristian-demokratëve do të jetë ministre e Energjisë dhe Ekonomisë si edhe zëvendëskryeministre.
Johan Pehrson, kreu i Partisë Liberale, do të shërbejë si ministër i Punës dhe Integrimit.
Në deklaratën e tij në parlament, Kristersson parashikoi kohë të vështira përpara, përballë krizave të shumta.
”Është një situatë serioze që ende mund të përkeqësohet”, tha ai.
Qeveria e re pas zgjedhjeve të 11 shtatorit do të betohet sot pasdite përpara mbretit, Carl XVI Gustaf./ atsh / KultPlus.com
