Saimir Pirgu dhe Ermonela Jahu, dy shqipe në Paris

Tenori Saimir Pirgu dhe sopranoja Ermonela Jaho përbëjnë dy figurat më të rëndësishme të artit shqiptarë që me zërin e performancën e tyre po mahnitin publikun e skenave më prestigjioze.

Ata së fundmi janë takuar në Paris duke përshëndetur kështu të gjithë shqiptarët. Në një fotografi të shkrepur në Theatre des Chams-Elysees, ata kanë përçuar mesazhin e unitetit të shqiptarëve.

“A ka ma bukur dy shqipe në Paris. Dy shokë të shpirtit në Paris”, ka shkruar Pirgu në fotografinë e publikuar, ku ka vendosur edhe flamurin kombëtar./ KultPlus.com

Saimir Pirgu sonte “Duka i Mantovas” në Teatrin “San Carlo” të Napolit

Tenori shqiptar Saimir Pirgu do të interpretojë sonte në veprën “Rigoletto” e Verdit.

Ai do të interpretojë më 14, 17 dhe 21 korrik  në Teatrin San Carlo të Napolit në orën  20.00.

Saimiri në rolin e Dukës së Mantovas do të ketë për partnere sopranon italiane Patrizia Ciofi në rolin e Xhildës. Po ashtu, ai do të shoqërohet nga baritoni rumun George Petean. 

Saimir Pirgu në ditët në vazhdim do të interpretojë në disa nga teatrot më të rëndësishëm në botë.

Përmendim këtu disa nga rolet e tij të ardhshme në Vjenë në muajin shtator, në Shamp Elize në tetor e për të vijuar vitin që vjen në mars në Teatrin e ri kombetar të Tokios./KultPlus.com

“Puthja e fundit” pjesa më e vështirë e Saimir Pirgut

Saimir Pirgu, tenori i njohur shqiptar, së fundi është ngjitur në skenën e “Gran Teatre del Liceu” të Barcelonës, i cili i mishëruar në rolin e Romeos ka shkëlqyer në partneritet me Xhulietën e kësaj shfaqje operistike, e cila është sjellë nga Aida Garifullina, njëherit, fitues e çmimit Operalia, përcjellë KultPlus.

Për këtë magji skenike kanë shkruar tashmë edhe mediet evropiane, ku kjo shfaqje operistike që është realizuar nga kompozitori francez Charles Gounod është dhënë pikërisht për 200 vjetorin e lindjes së këtij kompozitori.

Dhe kjo shfaqje, që i mungoi këtij teatri për 32 vjet me radhë, bëri bashkë Saimir Pirgun dhe Aida Garifullina, për të sjellë emocionet shekspiriane, në rolin e Romeos dhe Xhulietës. Saimir Pirgu për euronews ka thënë se Gounod është fokusuar në këtë shfaqje te të dashuruarit, sidomos te pika më e vështirë, skena te varrezat. “Ndonjëherë, kur këndoj këtë pjesë, emocionalisht është e vështirë për mua, sidomos kur them “Puthja e fundit”, ka thënë Pirgu.

Dhe në këtë shfaqje, dashuria e Romeos dhe Xhulietës triumfon me një përqafim për përjetësinë, skenë kjo që nuk është në veprën e Shekspirt, por që Pirgu thotë se kjo skenë në shfaqjen e Gounod, i jep një fuqi të pabesueshme.
Kjo shfaqje do të prezantohet sërish. Datat që janë rezervuar për këtë shfaqje janë më: 27 shkurt, 2 dhe 4 mars./KultPlus.com

Tenori shqiptar po shkëlqen në Zvicër

Një zë të ngrohtë që buron nga zemra, një vokal me ngjyrë, në lartësinë e personazhit. Ai është brilant në notat akute dhe këtë e arrin pa asnjë sforco, shkruan prestigjiozja zvicerane “Tages Anzeiger”

“Më në fund e kuptojmë fluturën” shkruan kritika zvicerane duke iu referuar operës ‘Madame Butterfly” dhe suksesit që kjo operë po korr në Cyrih, protagonist i së cilës është tenori shqiptar me famë botërore Saimir Pirgu.

Që prej 10 dhjetorit Pirgu ngjit në skenën e Opernahaus Zyrich rolin e oficerit të marinës amerikane në tragjedinë japoneze, operën me dy akte të Puçinit, e cila ka marrë vëmendjen e gazetave dhe revistave me të njohura në Zvicër, raporton “TCH”.

“Ai këndon në mënyrë të mrekullueshme”, shkruan “Tages Anzeiger”, një ndër penat më të mprehta të kritikës zvicerane, përcjell albinfo.ch.

Tenori shqiptar Siamir Pirgu, në rolin e Pinerktornit, ka gjithçka duhet për këtë figurë.

Një zë të ngrohtë që buron nga zemra, një vokal me ngjyrë, në lartësinë e personazhit. Ai është brilant në notat akute dhe këtë e arrin pa asnjë sforco, shkruan prestigjiozja zvicerane “Tages Anzeiger”.

Por ai nuk mundet të bëjë vetëm kaq. Ai di të mbyllë edhe butësisht një “Madame Buterfly” duke marrë vëmendjen maksimale duke sjellë në skenë kombinimin perfekt, ku në rolin e Butterfly shfaqet rusja Svetlana Aksenova.

Pirgu do të interpretojë në skenën zvicerane rolin e Pinkertonit deri më 10 janar, ndërsa jehona e tij do të vijojë të dëgjohet edhe të fillimin e vitit 2018, pasi tashmë Pirgu ka siguruar Coverin e një tjetër reviste të njohur kulturore në Zvicër, imazh i së cilës do të jetë tenori shqiptar./KultPlus.com

Pirgu e Myshketa pjesë e operës së Guiseppe Verdit në Napoli (FOTO)

Në Teatrin më të vjetër të Evropës ‘San Carlo’ në Napoli, tashmë po shfaqet me sukses opera monumentale e Giuseppe Verdit ‘Simon Boccanegra’.

Në këtë operë në rolet e dy prej protagonistëve figurojnë dy artistët shqiptarë me karrierë ndërkombëtare që janë tenori Saimir Pirgu dhe baritoni Gëzim Myshketa.

Një gjë të tillë e ka treguar për KultPlus, baritoni Myshketa i cili është shprehur tejet i kënaqur me debutimin e këtij roli në këtë tempull të lirikës italiane.

Opera me regji të Sylvano Bussottit që vjen nën dirigjimin e Stefano Ranzanit, ka dy kaste këngëtarësh të kalibrit internacional dhe po shfaqet nga data 7 deri më 14 tetor. Myshketa me pas do vijoj stinën lirike me turnetë në Toulouse, Vjenë, Rome, Oman Emiratet e Bashkuara, Laipcig e Shtuttgart./ KultPlus.com

Ermonela Jaho shpërthen në lot (VIDEO)

“La Traviata”, që është duke u dhënë në Buenos Aires tash e disa mbrëmje është duke mrekulluar audiencën argjentinase, të cilët po shijojnë performancën e dy artistëve shqiptarë: Ermonela Jaho e Saimir Pirgu, shkruan KultPlus.

Në reprizën e fundit që është dhënë në Shtëpinë Operistike të Buenos Aires, ngrohtësinë që i dha publiku i atjeshëm, bëri që Ermonela Jaho të shpërthejë në lot.Duartrokitjet e gjata, brohoritjet bënë që Jaho të emocionohet shumë, por në të njëjtën kohë të shprehet edhe falënderuese për këtë mikpritje./KultPlus.com

Kështu dukej sheshi i Buenos Aires, argjentinasit të magjepsur me dy artistët shqiptarë

Më 12 shtator u dha premiera e shfaqjes operistike ‘La Traviata’ në Buenos Aires në Argjentinë nga sopranoja shqiptare Ermonela Jaho dhe tenori shqiptar Saimir Pirgu, shkruan KultPlus.

Kjo premierë e cila u mirëprit nga audienca që ishin në një numër goxha të madh në Shtëpinë Operistike të Buenos Aires, doli edhe përtej mureve të saj. ‘La Traviata’ u dha edhe në sheshin Vatikan të Buenos Aires në dy reprizat e radhës që kishte më 15 dhe 17 shtator ku u transmetua direkt.

Ermonela Jaho dhe Saimir Prigu bënë publikun argjentinas që të ngriten në këmbë përmes zërave të tyre. Ndërsa sot sopranoja Jaho, përmes rrjetit social Facebook, ka publikuar një album me fotografi nga kjo ngjarje e madhe me protagonistë kryesorë dy emra të njohur tashmë në botë e që kanë prejardhje shqiptare.

“Disa foto nga dy shfaqjet e fundit dhe transmetimi direkt…. nje kenaqesi e vecante te krijojme nje energji kaq frytedhenese me gjithe koleget dhe vecanerisht bashkeatdhetarin tim artist Saimir Pirgu”, ka shkruar Jaho.


Kjo shfaqje operistike do të ketë edhe një reprizë nesër më 19 shtator në Buenos Aires në Argjentinë./ KultPlus.com



Të dielën, sheshi i Buenos Aires do të kumbojë me zërin e Ermonela Jahos e Saimir Pirgut

Ermonela Jaho e Saimir Pirgu kanë shijuar ngohtësinë e publikut të Buenos Aires në Argjentinë, me rastin e prezantimit të premierës së shfaqjes operistike “La Traviata”, premierë që është dhënë më 12 shtator, por artistët shqiptarë nëpërmjet performancës së tyre artistike, emocionet e kësaj shfaqjeje do ti përcjellin përtej Shtëpisë Operistike të Buenos Aires, shkruan KultPlus.

Të dielën, atëherë kur edhe shënohet 160 vjetori i themelimit të Teatrit Colon, kjo shfaqje me protagonistë shqiptarë do të transmetohet direkt edhe në sheshin Vatikan të Buneso Aires.

Ndërkohë, pas dhënies së kësaj shfaqjeje direkt edhe në sheshin e Buenos Aires më 17 shtator do të ketë edhe një reprizë të radhës, atë të 19 shtatorit, shfaqje kjo që është duke u mirëpritë mjaftë shumë nga audienca argjentinase. /KultPlus.com

Fuqia e interpretimit të Jahos dhe Pirgut në operën ‘La Traviata’ përmes fotografive (FOTO)

Dy artist të mëdhenj shqiptarë, mbrëmë kanë arritur të mrekullojnë publikun në Buenos Aires. Ermonela Jaho e Saimir Pirgu kanë sjellë një interpretim të shkëlqyer para publikut atje gjatë prezantimit të shfaqjes operistike “La Traviata”, shkruan KultPlus.

Duke sjellë në skenë dy rolet kryesore, me një lojë të mrekullueshme, duke kaluar nga skena në skenë, artistët shqiptarë kanë mahnitur të pranishmit.

Violeta, e sjellë nga Ermonela Jaho dhe Alfredo sjellë nga Saimir Pirgu, janë mëshiruar për mrekulli nga këta dy artistë të cilët u duartrokitën nga publiku i cili qëndroi në këmbë hiq më pak se pesë minuta.

Përmes disa fotografive të publikuara nga Ermonela Jaho, ju mund ta ndjeni fuqinë e interpretimit të këtyre dy artistëve dhe shpirtin artistik që është derdhur në një skenë të madhe siç është ajo në Argjentinë.

Sa duket një interpretim i egër me plot shpirt e emocione, aq edhe një fuqi e madhe që shkrinë një histori, ky interpretim do të mbahet gjatë në mendje nga publiku që e ka ndjekur nga afër. Por, këto emocione e këtë fuqi, mund ta ndjejmë edhe në përmes këtyre fotografive/ KultPlus.com


Publiku i Buenos Aires mrekullohet me paraqitjen e Ermonela Jahos e Saimir Pirgut, pesë minuta duartrokitje (VIDEO)

Mbrëmë është prezantuar shfaqja operistike “La Traviata”, ku rolet kryesore të kësaj shfaqjeje i janë besuar dy artistëve të mëdhenj shqiptarë: Ermonela Jahos e Saimir Pirgut, shkruan KultPlus.

Ermonela Jaho është shndërruar në rolin e Violetës në këtë shfaqje që është dhënë për publikun e Buenos Aires të Argjentinës, kurse Saimir Pirgu në atë të Alfredos, ku interpretimi i tyre ka bërë që publiku i Argjentinës të duartrokasë për pesë minuta në këmbë, për këta dy artistë shqiptarë dhe për pjesën tjetër të artistëve që kanë qenë pjesë e kësaj shfaqje.

Me një përkulje të thellë ka përshëndetur publikun Ermonela Jaho, dhe me emocione të njëjta është përshëndetë edhe Saimir Pirgu, të cilët emocionuan me këtë shfaqje që do të ketë reprizat e radhës më 15, 17 dhe 19 shtator.

Për më shumë emocionet mund tu ndiqni në videon më poshtë, video e cila është postuar nga Por Siempre Coloneros./KultPlus.com

Argjentina sonte merr frymë shqip me Ermonela Jahon dhe Saimir Pirgun

Sonte Argjentina do të frymojë më shqip se asnjëherë.

Ermonela Jaho dhe Saimir Pirgu do të ngjiten në skenë për shfaqjen “La Traviata”.

Kjo shfaqje operistike e Verdit që do të prezantohet në Shtëpinë Operistike në Buenos Aires sonte, vjen me rolet kryesore pikërisht nëpërmjet artistëve shqiptarë, ku Ermonela Jaho do të paraqitet në rolin e Violetës, kurse Saimir Pirgu në atë të Alfredos. Kjo shfaqje më pas do të ketë edhe reprizat më 15, 17 dhe 19 shtator.

Artistëve do tu bashkohet në skenë edhe Fabian Veloz në rolin e Germontit. Biletat për shfaqje shiten duke filluar nga 140 dollarë.

Koncerti i datës 17 shtator do të transmetohet edhe drejtpërdrejt në www.teatrocolon.org.ar / KultPlus.com

Dy artistë shqiptarë do të tundin Argjentinën

Janë duke u realizuar provat e fundit të shfaqjes “La Traviata” në Buenos Aires, shfaqje kjo që në të njëjtën skenë do të prezantojë dy ndër artistët më të fuqishëm në skenat prestigjioze ndërkombëtare, Ermonela Jaho e Saimir Pirgu, shkruan KultPlus.

Kjo shfaqje operistike e Verdit që do të prezantohet në Shtëpinë Operistike në Buenos Aires më 12 shtator, do të vijë me rolet kryesore pikërisht nëpërmjet artistëve shqiptarë, ku Ermonela Jaho do të paraqitet në rolin e Violetës, kurse Saimir Pirgu në atë të Alfredos. Kjo shfaqje më pas do të ketë edhe reprizat më 15, 17 dhe 19 shtator.

Ermonela Jaho dhe Saimir Pirgu janë dy nga artistët shqiptarë, të cilët janë prezantuar në skena të mëdha prestigjioze të botës./KultPlus.com

Saimir Pirgu në koncertin Gala të Veronës

Tenori Saimir Pirgu rikthehet në Arenën e Veronës me koncertin Gala, Simfonia e 9-të e Bethovenit.
Nën drejtimin e mjeshtrit Daniel Oren, intepretimin e sopranos Erika Grimaldi dhe tenorit Saimir Pirgu, koncerti gala pritet të jetë një shpërthim vokalesh mbrëmjën e 15 Gushtit.

Pirgu është ngjitur në Arena di Verona edhe më parë me operan Don Giovanni. Në një intervistë për Opera Magazinë ai shprehet: “Simfonia e 9-të është një mrekulli kompozicioni dhe për ta përballuar kuarteti vokal duhet të shprehë maksimumin”. Quarteti vokal do të plotësohet edhe nga sopranoja kontralto Daniela Barcellona dhe baritoni Ugo Guagliardo, shkkruan atsh .

Sipas Opera Magazine, Saimir Pirgu është një nga yjet më të shndritshëm të panoramës lirike ndërkombëtare. Ai ka koleksionuar triumfe në teatrot dhe festivalet më të rëndësishme të botës.

Tenori shprehet se «Arena ështe një vend magjik me një atmosferë speciale, një teatër kaq i veçantë që nuk ka të dytë. Të këndosh në një hapsirë kaq të madhe dhe në qiell të hapur derisa zëri të arrijë tek publiku i qartë dhe i kthjellët kërkon energji për ti dhënë tingullit cilësi. Të këndosh nën yje në mbrëmjet verore rrethuar nga një publik shumë i madh në numer dhe pak hapa larg shtëpisë time është një përvojë unike që më bën krenar pse kam zgjedhur Veronën si qytetin ku jetoj” thotë këngëtari shqiptar.
Saimir Pirgu zoteron çmimin prestigjioz “Pavarotti D’Oro” marrë në vitin 2013, ndërsa në 2016 i është dorëzuar çmimi “Verona Lirica”./KultPlus.com