“Bridgerton” dhe “Squid Game” kryesojnë me nominime në Rose d’Or

Hitet e Netflix, “Birdgerton” dhe “Squid Game”, janë ndër më të nominuarit në festivalin Rose d’Or të këtij viti.

Muajin e kaluar Sue Perkins u shpall si prezantuesja e re e ceremonisë, e cila do të zhvillohet virtualisht për herë të dytë në fund të këtij muaji.

Lista e ngushtë e kandidatëve u votua nga një juri prej 150 ekzekutivësh dhe producentësh kryesorë nga disa prej serialeve më të mëdha të 12 muajve të fundit.

“Bridgerton” është në garë për çmimin e dramës së bashku me “Squid Game”.

Ndërkohë, “Mare Of Easttown” i HBO, është nominuar në të njëjtën kategori së bashku me dramën “It’s A Sin” të Channel 4 Aids dhe serialin r Jimmy McGovern “Time”./KultPlus.com

Seriali ‘Bridgerton’ që theu rekordet e shikueshmërisë, publikon trilerin e sezonit të dytë (VIDEO)

‘Bridgerton’, një ndër serialet më të shikuar në platformën Netflix, publikoi trailerin e parë të sezonit të dytë. ‘Bridgerton’ bazohet në serinë e librave të Julia Quinn me po të njëjtin titull, transmeton KultPlus.

Sezoni i parë i serisë ‘Bridgerton’ u transmetua për herë të parë në platformën Netflix, gjatë Krishtlindjeve të kaluara. Seria arriti një sukses të menjëhershëm dhe u prit shumë mirë nga publiku.

Bazuar në romanet e Julia Quinn, ‘Bridgerton’ është një serial romantik i trilluar historik, që zhvillohet në Londrën e epokës ‘Regency’ në vitin 1813, ku paraqitet familja aristokratike ‘Bridgerton’, tetë fëmijë dhe nëna e tyre e ve.

Seria ‘Bridgerton’, në Netflix, u krijua nga Chris Van Dusen dhe prodhohet nga Shonda Rhimes.

Bridgerton’ është seriali më i shikuar në platformën Netflix, me një shikueshmëri prej 82 milion njerëzish. / KultPlus.com