Fotoja e parë e aktorëve të Supermanit erdhi, dhe është nga tabela e lexuar e filmit!
Fotoja paraqet David Corenswet, i cili luan rolin e Supermanit, si dhe Rachel Brosnahan e cila luan si Lois Lane. Nicholas Hoult mund të shihet në sfondin e fotos me një kokë të rruar si Lex Luthor.
Gjithashtu në foton e re janë Nathan Fillon që luan Guy Gardnerin, Isabela Mercad në rolin e Hawkgirl, Edi Gathegi si Mister Terrific, Anthony Carrigan që e luan rolin e Metamorphos, Skyler Gisondo në rolin e Jimmy Olsen dhe shkrimtari-regjisori James Gunn, ndër të tjera./KultPlus.com
Në versionin e fundit të Superman, Jon Kent, djali i heroit legjendar, Clark Kent, paraqitet si biseksual.
DC Comics ka njoftuar se Supermani i ri do të ketë një marrëdhënie romantike me një personazh mashkull në një histori që do të lansohet muajin e ardhshëm, transmeton KultPlus.
Ashtu sikurse babai i tij, Jon Kent është një gazetar, i cili ka krijuar një miqësi ne një gazetar tjetër të quajtur Jay Nakamura.
Djali i Supermenit origjinal në imazhet e fundit e shpërndara nga DC Comics paraqitet duke puthur gazetarin.
Tom Taylor, skenaristi i serialit thotë se: “Simboli i Supermanit ka qenë gjithmonë për shpresën, të vërtetën dhe drejtësinë. Por sot ai simbol nënkupton diçka më shumë, ku më shumë njerëz mund ta shohin veten e tyre të pasqyruar në superheroin më të fuqishëm të librave vizatimorë amerikanë”.
“Reagimet kanë qenë jashtëzakonisht pozitive, gjë që nuk e prisja. Po, ka shumë kritika në internet, por nga ana tjetër ka kaq shumë njerëz që në shumë gjuhë të ndryshme tregojnë se çfarë do të thotë kjo gjë për ata. Disa thonë në “Twitter” se kanë shpërthyer në lot kur lexon lajmet pasi ata dëshironin që Superman të ishte ky version në fëmijërinë e tyre”, ka thënë më tej Taylor. / KultPlus.com
Një libër i rrallë komik, në të cili Superman-i ishte paraqitur për herë të parë si personazh, është shitur për një shumë rekorde prej 3.25 milionë dollarësh.
Kjo nënkupton që libri komik me titull “Action Comics”, që ishte shitur vetëm për dhjetë centë kur ishte publikuar më 1938, është libri më i çmueshëm komik në botë, shkruan BBC, transmeton Gazeta Express.
Në këtë libër përfshihet edhe rrëfimi për prejardhjen e Superman-it të famshëm dhe cilësohet si fillim i zhanrit të librave me superheronj. Besohet se në tërë botën ekzistojnë vetëm 100 kopje të këtij libri të vjetër.
Në libër shpjegohet se si Superman-i erdhi në Tokë nga një planet tjetër dhe u bë Clark Kent. “Vërtet është fillimi i zhanrit me superheronj”, tha Vincent Zurzolo, bashkëpronar i faqes së ankandeve “ComicConnect.com”.
Shitësi fitoi një milion dollarë pasi e kishte pasur në pronësi librin për vetëm tre vjet. Në deklaratën e faqes së ankandeve thuhet se blerësi anonim është relativisht i ri në fushën e investimeve në libra komikë.
Në vitin 2014, një kopje tjetër e këtij libri ishte shitur për 3.2 milionë dollarë në faqen eBay. / KultPlus.com
