Etiketë: The Summit Fest

Sonte nis “The Summit Fest”, edicioni i katërt i festivalit të muzikës elektronike

Posted on by Kult Plus

The Summit Fest fillon sonte me edicionin e katërt në parkun e Gërmisë në Prishtinë, më saktësisht në hapësirën e njohur si ‘Te koshat’, bëhet e ditur përmes një komunikate për media.

Për dy net, më 3 dhe 4 gusht, pjesëmarrësit do të kenë mundësinë t’i kalojnë orët e mbrëmjes me muzikë elektronike, e cila nuk do të ndalet deri në mëngjesin e ditës së nesërme.

Leart Zeqa, organizator i këtij festivali nga kompania Modus tha, “këtë vit ‘The Summit Fest’ ka filluar të punohet shumë muaj më parë në mënyrë që gjithçka të jetë ashtu siç kemi planifikuar dhe në mënyrën më të mirë të mundshme. Kemi një lineup shumë të gjerë dhe shumë të mirë me të cilin jemi marrë qe një kohë të gjatë që t’i kemi në data e festivalit”.

Më tutje thuhet se do të ketë DJ shume të njohur të muzikës techno siç është: Thomas P. Heckmann (headliner), i njohur si Drax që është legjenda i technos viteve 90, pastaj Mattia Tranni (Analog Live) nga Italia, Joron Luka nga Holanda, Keikari (Modular Live) nga Franca, dhe Eliss (Hybrid Live) nga Kosova.

Kurse më 4 gusht (të shtunën) do të performojnë: Noneoftheabove (Hybrid Live) (headliner) nga Gjermania, Deformation Boolennee d_b (Live) nga Franca, Hodone & Ostflux (Live Act) nga Franca e Kosova si dhe Sting Stang dhe Stratos nga Kosova.

“E veçantë në këtë edicion është fakti se për efektet vizuele do të kujdesen artistët nga Gjermania Sebastian Kökoë dhe Kevin Paschold nga kompania 29 Nov. Films lider në këtë fushë, që do të sjellin koncepte artistike vizuele në skenën e madhe të “The Summit Fest”, diçka që nuk kemi pas rast të shohim më parë në Kosovë”, thuhet në komunikatë.

The SUMMIT Fest, mbështetet nga Drejtoria për Kulturë e Komunës së Prishtinës, Ambasada holandeze në Kosove dhe ICK.

Biletat mund të blihen në hyrje të festivalit duke filluar nga ora 20:00./ KultPlus.com

Festivali i muzikës elektronike ‘The Summit Fest’, vjen me edicionin e tretë

Posted on by KultPlus

Festivali i muzikës elektronike “The Summit” i cili këtë vit vjen me edicionin e tretë me radhë, ka menduar për dy mbrëmje të mbushura me muzikë për ju, me plot 15 DJ, shkruan KultPlus.

Në datat 1 dhe 2 shtator, në parkun e Gërmisë në Prishtinë, më saktësisht në hapësirën e njohur si ‘Te koshat’, pjesëmarrësit do të kenë mundësinë t’i kalojnë orët e mbrëmjes me muzikë elektronike të mirëfilltë e cila nuk do të ndalet deri në mëngjesin e ditës së nesërme.

Ekrem Tahiri, nga kompania MODUS që është krijues dhe organizatorë i këtij festivali tha: “The Summit Fest tashmë e ka krijuar imazhin e vet si një festival shumë seriozë që kultivon muzikë të mirëfilltë elektronike me efekte vizuele speciale. Sivjet do të dominojë Tekno nga Franca por edhe disa DJ shumë të mirë nga vende të tjera të Evropës dhe nga Kosova. Në bashkëpunim me Raë Agency dhe Circle, do të sjellim 15 DJ që do të performojnë për dy netë me radhë”, përfundoi Tahiri.

Line Up sivjet do të përbëhet me DJ që vijnë nga vende të ndryshme të Evropës dhe Kosovës. Nga Franca do të jenë Dolby D, Process404, Airod B2B Mayeul dhe I Hate Models; nga Italia Warind, nga Gjermania Jasmine Azarian, nga Austria Jeanne si dhe nga Kosova Megan, NaniKilla, Mindbend, Ersanndhe Buda.
Jazmine Azarian që vjen nga Gjermania në faqen e saj të Facebook ka postuar se është ” Shumë e lumtur që do të performojë në TheSummit Fest 2017 në Kosovë, me disa nga favoritet e saj si: I Hate Models, WarinD, Airod dhe Procesi 404.”

‘The Sammit Fest’ do të fillojë me 1 dhe 2 shtator nga ora 19:00 dhe biletat tashmë janë në shitje në Modus dhe RaveTravel.

Për detajet rreth festivalit vizitoni faqen e ‘The Summit Fest’ në facebook, ku mund të merrni më shumë të dhëna për festival. Festivali mbështetet nga Komuna e Prishtinës. / KultPlus.com