Etiketë: Ticket to Paradise

‘Ticket to Paradise’, filmi që bashkoi pas 20 vitesh George Clooney dhe Julia Roberts

Posted on by Kult Plus

Pas afro 20 vitesh George Clooney dhe Julie Roberts do të shihen sërish bashkë në një komedi romantike që mban titullin “Ticket to Paradise’’.

Filmi është nën regjinë e Ol Parket dhe mezi po pritet nga fansat dhe adhuruesit e të dy aktorëve.

Aktorët do të interpretojnë një çift të divorcuar i cili udhëton për në Bali për të takuar vajzën e tyre.

Dy yjet hollivudian krijuan miqësi në vitin 2001, ku u shfaqën për herë parë në ‘’Ocean’s Eleven’.

“Ticket to Paradise” lansohet nëpër kinema më 21 tetor 2022. / KultPlus.com

Julia Roberts dhe George Clooney pjesë e një komedie të re romantike

Posted on by Kult Plus

Aktorët George Clooney dhe Julia Roberts po bëhen bashkë për një film të ri, të titulluar “Ticket To Paradise”.

Komedia romantike e cila vjen me regji të Ol Parkerit, i sjell aktorët e filmave “Ocean’s Eleven” duke e portretizuar një çift të shkurorëzuar i cili udhëton drejt Balit, për ta ndaluar vajzën e tyre të martohet.

Me skenar të shkruar nga Ol Parker dhe Daniel Pipski, filmi do të filloj së xhiruari në fund të këtij viti, transmeton KultPlus.

Clooney dhe Roberts kanë luajtur në tre filma “Oceann’s” si dhe janë shfaqur bashkë në ekran të madh me filmin “Money Monster”, regjinë e së cilit e pati bërë aktorja e njohur hollywoodiane, Jodie Foster.

Muajin e kaluar, Clooney nënshkroi marrëveshje bashkëpunimi me ekipin, i cili po e realizon një version të ri të serialit klasik fantastiko-shkencor, “Buck Rogers”.

Përveç se do ta ketë rolin e producentit, aktori i njohur hollywoodian besohet se edhe do të ketë rol në këtë projekt. / KultPlus.com