Regjistrimi në një universitet prestigjioz mund të rrisë shanset për të siguruar një pozicion udhëheqëse, por ka rrugë alternative. Universitetet si Arizona State University janë gjithashtu pika të shkëlqyera nisjeje. Një analizë e fundit e kryer nga TIME dhe Statista thellohet në profilin arsimor të 2000 liderëve ekzekutiv në Shtetet e Bashkuara, duke filluar nga politikanët dhe CEO-të deri te laureatët e Nobelit dhe udhëheqësit e sindikatave.
Theksi mbi edukimin elitar nuk barazohet domosdoshmërisht me trajnimin më të mirë të lidershipit, lista e TIME dhe Statista e pohon këtë ide duke e renditur ASU-në në pozitën e 20-të, duke qenë një nga vetëm shtatë kolegjet publike në 25 më të mirat. Vendosja e ASU-së nënkupton ndikimin e saj në formësimin e liderëve duke qenë universiteti më inovativ në SHBA për nëntë vjet me radhë, duke kaluar kështu universitetet tjera presigjioze si MIT dhe Stanford. Edhe pse peizazhi i udhëheqjes evoluon, lista nënvizon rrugët e ndryshme arsimore që kontribuojnë në formimin e liderëve të ardhshëm të Amerikës. Pozicioni i 20-të i Universitetit Shtetëror të Arizonës në këtë listë konsolidon pozicionin e tij si një lojtar kyç në zhvillimin e liderëve në një spektër disiplinash.
UNI – Universum International College si partner strategjik i Universitetit Shtetëror i Arizonës, me qasjen ndaj ekselencës akademike, përfiton nga ekspertiza akademike dhe kërkimore e ASU-së, duke zgjeruar më tej ndikimin e kësaj të fundit në formësimin e trajektores së liderëve të ardhshëm edhe në Kosovë.
Stafi dhe ligjeruesit e UNI – Universum International College lidhet, bashkëpunojnë dhe ndajnë idetë e reja dhe praktikat më të mira me ASU dhe një rrjet global universitetesh, për të qëndruar në krye të trendeve globale dhe për të ofruar arsimin më të mirë.
Për më shumë informata rreth mundësive të studimit kontakto +38344144062,[email protected] ose ndiqni UNI në Facebook dhe Instagram./KultPlus.com
Revista amerikane “The Time” e ka renditur kancelarin gjerman, Olaf Scholz në mesin e 100 personave më me ndikim në vitin 2023.
Scholz, i cili renditet në kategorinë e liderëve më me ndikim, e shpalli pushtimin rus të Ukrainës një “pikë kthese epokale”, duke premtuar se Berlini do të përgjigjej në një situatë kritike.
“Brenda vitit të kaluar, Gjermania përmbysi pacifizmin e saj të pasluftës, duke rritur shpenzimet e saj ushtarake, duke u bërë kështu një nga furnizuesit më të mëdhenj të armëve në Ukrainë”, sipas artikullit.
Gjermania reduktoi gjithashtu varësinë e saj nga furnizimet e energjisë ruse, duke kaluar me nxitim tek burimet e rinovueshme, pavarësisht frikës se kjo do të ishte e shtrenjtë dhe problematike.
Të tjera hyrje të dukshme në listë përfshijnë Evan Gershkovich, gazetari i “The Wall Street Journal”, i cili u arrestua nga Moska pas akuzave për spiunazh.
Nëse shpallet fajtor, ai mund të përballet me 20 vjet burg.
“Ndërsa shumë gazetarë u tërhoqën nga Rusia pas pushtimit të plotë të Ukrainës nga Moska, Gershkovich qëndroi aty, pavarësisht nga rreziqet e raportimit për Rusinë”, sipas “The Time”. /atsh / KultPlus.com
Shtëpitë e vjetra prej guri, të rreshtuara në brigjet e lumit Osum në Berat po tërheqin gjithnjë e më shumë vëmendjen e vizitorëve me bukurinë e tyre historike, shkruan Naomi Tomky në një artikull të publikuar në “Time”.
Ky vit shënon 80-vjetorin e mbërritjes së forcave gjermane në Shqipëri gjatë Luftës së Dytë Botërore, dhe të popullit të Beratit që mbrojti shumë prej hebrenjve të vendit që kërkuan strehim, duke ilustruar parimin e kodit shqiptar të Besës, i cili thotë se shtëpia është para së gjithash e Zotit dhe e mikut.
Për të kuptuar më mirë historinë e 400 viteve të historisë hebreje të Beratit, duke përfshirë mënyrën sesi Shqipëria u bë i vetmi vend në Evropë, popullsia hebreje e të cilit u rrit gjatë Luftës së Dytë Botërore, nevojitet një vizitë në muzeun ”Solomon”.
Muzeu etnografik i vendsour në një shtëpi tradicionale përballë rrugës ofron një mjedis shqiptar, së bashku me kishat bizantine të shekullit XIII të Beratit, xhamitë e shekullit XIV dhe një kështjellë mijëravjeçare me pamje nga qyteti unik piktoresk.
Berati ka vazhduar traditën e mikpritjes së jashtëzakonshme në restorantet dhe hotelet e tij.
Përtej urës së Goricës, dhomat moderne në hotelin “Amalia Boutique” ofrojnë pamjen e ndërtesave të lashta prej guri, dhe ftojnë mysafirët të shijojnë rakinë shqiptare të njohur në të gjithë Ballkanin.
Rakia shërbehet gjithashtu në “Lili Home-Made Food”, që duket më shumë si një oborr i një shtëpie në lagjen ”Mangalem” sesa një restorant, pasi mikpritësi me të njëjtin emër argëton mysafirët duke u shpjeguar menunë me gjeste, ndërsa bashkëshortja e tij Mirela gatuan në kuzhinën e tyre familjare. / atsh / KultPlus.com
Baleti Kombëtar i Kosovës, ka filluar provat për premierën e parë për vitin 2023, përcjell KultPlus.
“Time” titullohet shfaqja e cila vjen me koroegrafi nga koroegrafi dhe kërcimtari i njohur shqiptar, Taulant Shehu.
Në fotot e publikuara nga faqja zyrtare e Baletit Kombëtar, shihen balerinët gjatë provave të shfaqjes “Time”, së bashku me asistenten e koroegrafit, Diletta Antolini.
Sipas njoftimit, premiera do të shfaqet më datë 19 mars. / KultPlus.com
Revista Time ka emëruar presidentin ukrainas Volodymyr Zelensky dhe “shpirtin e Ukrainës” si personin e vitit 2022, përcjell KultPlus.
Çmimi shkon për një ngjarje ose person që mendohet se ka pasur ndikimin më të madh në ngjarjet globale gjatë 12 muajve të fundit.
Finalistët e tjerë përfshinin protestues në Iran, udhëheqësin e Kinës Xi Jinping dhe Gjykatën e Lartë të SHBA, shkruan BBC.
Redaktori i revistës tha se vendimi ishte “më i prerë në kujtesë”.
“Në një botë që kishte ardhur duke u përcaktuar nga përçarja e saj, pati një bashkim rreth kësaj kauze, rreth këtij vendi,” shkroi Edward Felsenthal.
Ai shtoi se “fryma e Ukrainës” u referohej ukrainasve në mbarë botën, duke përfshirë shumë që “luftuan prapa skenave”. Kjo përfshin njerëz si Ievgen Klopotenko, një kuzhinier i cili u ofroi mijëra ushqime falas ukrainasve dhe mjekja Yuliia Payevska e cila u kap, e më pas u lirua pas tre muajsh në robëri ruse.
Kopertina përmban një profil të Zelenskyy-t me xhupin e tij klasik të gjelbër ushtarak, i rrethuar nga figura individuale dhe turma protestuesish. Ato janë të ndërthurura me luledielli të verdha të ndezura dhe flamuj të Ukrainës blu-verdhë. /KultPlus.com
Teksa viti ikën është e vështirë të kujtohet gjithçka që kemi jetuar përgjatë tij, por janë pikërisht fotot ato që i thërrasin kujtesës.
Ndaj “Time” ka publikuar 10 fotot e 2020-ës, me një titull dhe një shpjegim përkrah.
“Një dritë në mes të errësirës”
Kjo foto është shkrepur gjatë pranverës në Brooklyn. Qëllimi ishte sensibilizimi i njerëzve dhe tregimi i së vërtetës, që virusi Covid-19 vret. Më 22 prill, Meridith Kohut fotografoi Kyle Edwards duke kontrolluar me fener nga brenda një prej frigoriferëve rimorkio që mbante kufomat e virusit. “Secila qese me një trup të pajetë përfaqësonte kaq shumë dhimbje dhe vuajtje, jetë të humbura dhe familje të shkatërruara”, thotë Kohut.
“Trishtimi dhe zemërimi i tyre ishte i vërtetë”
Në një xhami në Teheran, më 5 janar, gratë iraniane vajtojnë Kasem Soleimani pas vrasjes së tij në Bagdad. “Ato ndiheshin të lënduara dhe donin të hakmerreshin”, kujton fotografja Newsha Tavakolian. Brenda, atmosfera ishte e fortë. “Kam kërkuar gjatë se si mund ta kapja këtë moment dhe gjeta këtë skenë, një moment të qetë mes një vorbulle njerëzish. Gruaja duke ngritur grushtin ndërsa mban posterin, të tjerat në mendimet e tyre. Ato po endeshin përreth, vetëm me ndjenjat e tyre”.
“S’mund ta harroj fytyrën e saj”
Hoda Kinno, 11 vjeçe, po mbahej në krah nga xhaxhai i saj Mustafa pas një shpërthimi masiv në portin e Beirutit, më 4 gusht. “Kur arrita në vendndodhje, nuk mund të besoja atë që po shihja”, shkruan fotografi Hassan Ammar. “Po bëja fotografi të gjithçkaje kur pashë burra që mbanin dy vajza të plagosura në autostradën përballë portit. Unë ndoqa njërin derisa arritën në një automjet ushtarak që ishte duke u ngarkuar me njerëz të plagosur për t’u evakuuar në një spital.
Në ditët më pas, Ammar mbeti kureshtar se si kishte shkuar më tej gjendja e saj. U deshën rreth dy javë, por Ammar e gjeti familjen në jug të kryeqytetit. Shpërthimi i kishte shkatërruar ata. Associated Press raportoi se Hoda pësoi një thyerje të qafës dhe dëmtime të tjera, kurse motra e saj 15-vjeçare, Sedra, u vra. “Ajo ditë në Bejrut është një ditë që ndryshoi jetën tonë”, shton Ammar, “më ndryshoi mua si njeri dhe fotograf”.
“Ajo nuk donte ta lëshonte”
Më 24 maj, motra e fotografit Al Bello e telefonoi për t’i thënë se familjarët e saj do ta vizitonin në Wantagh, N.Y., dhe donin ta përqafonin të gjithë; një qese plastmasi e varur nga një litar rrobash do të shërbente si një barrierë mbrojtëse mes tyre. Kurioz, ai shkoi atje. Pasi Mary Grace takoi nipin e saj në “stacionin e përqafimit”, ajo filloi të qante. Takimet e tyre zgjatën për 45 minuta.
“M’u duk vërtet prekëse”
Ato po mbanin homazhe për gjyqtaren Ruth Bader Ginsburg në 26 shtator të këtij viti. Ishin mbështetëset konservatore të gjyqtares Amy Coney Barret duke u lutur në dyert e gjykatës.
“Ishte interesante sepse njerëzit po shëtisnin rreth saj dhe u kërkonin miqve të tyre të bënin fotografi sikur të mos e kishin vënë re atë grua që qante atje në Gjykatën e Lartë”, thotë Schaff. “Unë u ula atje për një kohë, duke parë, dhe pastaj këto katër gra u ngritën dhe ngritën duart lart. Unë pashë dorën e saj në fytyrë, përbërjen e saj dhe dualitetin e emocioneve që të gjitha ndjenin. Dukej vërtet prekëse për mua”.
“Askush nuk mund ta prekte atë”
Hector Retamal, një fotograf i AFP me seli në Shangai, arriti në Wuhan me tren më 23 janar, ndërkohë që qyteti po bllokohej. “Wuhani ishte bërë me të vërtetë një qytet fantazmë”, kujtoi ai në fillim të këtij viti. “Njerëzit në rrugë ishin të paktë: për të blerë ushqim, për të shkuar në një farmaci ose për në spital.”
Më 30 janar, Retamal dhe një koleg i tij po ecnin pranë një spitali kur panë një burrë në tokë, një bllok larg spitalit. “Ishin dy gra që shikonin burrin pa bërë asgjë. Kur na panë, na bërtitën. Më duket na thanë që të mos afroheshim më pranë se mund të infektoheshim”, kujton Retamal. Pas pak, mbërritën të tjerët me kostume mbrojtëse; ata iu afruan burrit, por nuk e prekën.
“Është e vështirë të zbulosh se çfarë dinte ai”
Fotografi Peter van Agtmael ka ndjekur Donald Trump dhe tubimet e tij që nga viti 2016. “Fillova të mësohesha disi me mënyrat e tij dhe shprehjet e tij, të cilat kishin një lloj qëndrueshmërie. Edhe brenda spontanitetit dhe lëvizjes së tij të lirë, kishte qëllim dhe kontroll”, thotë fotografi.
Më 4 nëntor, menjëherë pas mesnatës dhe me pritjen që vota që mbetej për t’u numëruar (fletëvotimet postare dhe votat e hershme) do të ndryshonin rezultatin, van Agtmael hyri në një dhomë të Shtëpisë së Bardhë shumë, shumë të heshtur. Trump u drejtohej votuesve amerikanë, por mes gamës standarde të shprehjeve të tij kishte tension. “Kishte gjithashtu një tension të qartë, stres dhe zemërim dhe për një moment, kur zv.presidenti Mike Pence po fliste, ai lloj kontrolli rigoroz i disa prej emocioneve të tij ra për vetëm disa sekonda”.
“Mbeti pas zjarrit”
Pas zjarrit në Australi kjo koala ishte tharë nga zjarri. Një vullnetar i hodhi ujë sipër për ta hidratuar. Në atë zjarr u dogjën mbi 3 miliardë kafshë. Foton e shkrepi Adam Ferguson.
“Ajo ditë formësoi gjithë vitin tim”
Kur George Floyd u vra nga policia në Minneapolis ishte e hënë. Deri të premten, Amerika ishte ndryshe. Malike Sidibe, 23 vjeç, u zhvendos për të marrë pjesë dhe fotografuar një protestë për herë të parë në jetën e tij. Në Brooklyn, më 29 maj, ai pa protestuesit që luftonin me policinë. Sidibe thotë sot: “Ajo protestë ndryshoi mënyrën se si unë e shikoj botën.”
“Me të vërtetë dukej si një shfaqje e forcës”
Më 13 mars, disa javë pasi Shtetet e Bashkuara dhe Talibanët nënshkruan një marrëveshje paqeje, fotografi me qendër në Kabul, Jim Huylebroek dhe kolegët e tij shfrytëzuan qetësinë e luftimeve për të vizituar kryengritësit në provincën lindore Laghman. Gjatë rrugës, automjeti i tyre u ndalua nga një Njësi Talibane. “Ata na trajtuan në një mënyrë miqësore, por gjithsesi tensioni ndihej,” thotë Jim. Ndërsa gazetarët përgatiteshin të vazhdonin rrugën, dy fëmijë ecën rrugës dhe kaluan mes luftëtarëve. “Për mua,” thotë Huylebroek, “kjo tregon realitetin e ashpër në të cilin rriten fëmijët.” / KultPlus.com
E përjavshmja amerikane “Time” i ka vënë kryqin vitit që po mbyllet 2020, nga makthi i pandemisë.
Në artikullin e revistë theksohet se 2020 do të mbahet mend edhe për “përsëritjen e katastrofave natyrore.
Një kopertinë me sfond të bardhë, me të zeza e shkruar shifra 2020 dhe sipër saj një kryq i madh i kuq.
E gjitha kjo, e shoqëruar me shkrimin: “Viti më i keq që kemi përjetuar ndonjëherë”.
Ka gjithashtu referenca për vdekjen e figurave të tilla si Ruth Bader Ginsburg, John Lewis, Kobe Bryant, Chadwick Boseman dhe George Floyd.
“Ky është një vit që nuk do të doja ta përjetoja kurrë më. Ka pasur vite të këqija në historinë e Amerikës dhe sigurisht që ka pasur vite të këqija në historinë e botës, por shumica prej nesh nuk ka parë kurrë diçka të ngjashme. Duhet të jesh më shumë se 100 vjeç për të kujtuar shkatërrimin e shkaktuar nga Lufta e Parë Botërore dhe pandemia e vitit 1918; duhet të jesh rreth 90 vjeç për të kujtuar Depresionin e Madh; duhet të jesh 80 për të kujtuar Luftën e Dytë Botërore”, shkruan Stephanie Zacharek në artikullin hapës./ KultPlus.com
Kopertina e revistës “Time” mirëpret zakonisht njerëzit e suksesshëm, e që këtë vit Gitanjali Rao është fytyra e kësaj kopertine, shkruan KultPlus.
Kopertina e revistës “Time” ka evoluar, duke nisur në vitin 1927 ku fillimisht vendoseshin “meshkujtë e vitit”, më pas “personat e vitit” pa dallim gjinor dhe tashmë edhe të rinjtë e vitit.
Gitanjali Rao u bë e para e cila fitoi këtë kategori, si një vajzë 15 vjeçare me origjindë inidiane që jeton në Denver të Shteteve të Bashkuara të Amerikës.
Në mesin e 5000 konkurrentëve, Rao arriti këtë sukses duke u gjykuar nga paneli i kryesuar prej moderatorit Trevor Noah.
Vajza sipas stafit të ”Time” ka merituar kopertinën sepse është një studiuese shkencore e mirëfilltë, dhe ka shpikur një seri aplikacionesh si atë për identifikimin e nivelit të ndotjes në ujin e pijshëm dhe një tjetër për të ndihmuar kundër bullizmit online.
“Nuk jam shkencëtari tipik”, pohon vajza në një intervistë me Angelina Jolie, “zakonisht ato përfytyrohen si meshkuj të bardhë të njëfarë moshe, unë jam ndryshe. Objektivi im nuk është vetëm të shpikë diçka të dobishme për njerëzimin, por edhe të jem shembull për të tjerët, në qoftë se ia arrita unë, mund t’ia arrijnë edhe të tjerët”, u shpreh studiuesja e re.
Në vitin e kaluar, Greta Thunbeg aktivistja suedeze për mjedis arriti të jetë fytytra e “Time” si “Personi i vitit. / KultPlus.com
Lizzo është shpallur si Argëtuesja e vitit e revistës “Time” për vitin 2019.
Krijuesja e hitit “Truth Hurts” e ka pranuar mirënjohjen nga redaktorët e revistës si argëtuesja më ikonike e vitit. Dhe në një artikull të publikuar të mërkurën, ajo u vlerësua për qëndrimin pozitiv për trupin dhe mesazhin e “vetë-fuqizimit”.
Duke folur me “Time” në një intervistë pas mirënjohjes, një nga disa çmimet e dhëna në vit, duke përfshirë çmimin Personi i Vitit, Lizzo, emri i vërtetë i së cilës është Melissa Viviane Jefferson, tha se fama e popit kishte ardhur pas viteve të të qenit e pavërejtur.
“Kam bërë muzikë pozitive për një kohë shumë të gjatë”, shpjegoi ajo. “Pastaj kultura ndryshoi, shkruan KOHA Ditore. Kishte shumë gjëra që nuk ishin të popullarizuara, por që ekzistonin, si pozitiviteti i trupit, i cili në fillim ishte një formë proteste për trupat e trashë dhe femrat e zeza dhe tani është bërë një trend i komercializuar i modës”.
“Truth Hurts” fillimisht u publikua në vitin 2017, por u rrit në popullaritet këtë vit përpara daljes në treg të albumit të saj “Cuz I Love You”, i cili e ka ndihmuar yllin 31-vjeçar t’i merrte tetë nominime për “Grammy”, më së shumti se cilido artist.
Duke shprehur befasi për ngritjen e saj të papritur, Lizzo shtoi: “Tani e shoh që ka arritur nivelin mainstream. Papritur unë jam mainstream! Si mund të kishim supozuar se diçka e këtillë do të ndodhte kur nuk kemi parë kurrë diçka të tillë më parë?”
Çmimi Personi i Vitit i shkoi pranueses më të re ndonjëherë, aktivistes 16-vjeçare për klimën, Greta Thunberg, e cila ashtu si Lizzo u bë e njohur sivjet. Greta u shfaq në titujt kryesorë në të gjithë botën me ‘grevën e saj shkollore’, duke protestuar ndaj ndryshimit klimatik dhe e mori mbështetjen e yjeve duke përfshirë Leonardo DiCaprio dhe Kim Kardashian. / KultPlus.com
Personi i vitit 2017 sipas Time është përkufizuar në një emër “The Silence Breakers” që revista i referohet si “individët që nisën një vlerësim kombëtar mbi mbizotërimin e ngacmimeve seksuale”, përcjellë KultPlus.
Revista i quan ato “The Silence Breakers” si zëra që nisën një lëvizje kundër ngacmimeve seksuale. Fotografia që shoqëron tregimin përmban aktoren: Ashley Judd, Taylor Swift dhe ish-inxhinierin e Uber, Susan Fowler, të cilët kanë ngritur zërin kundër formave të ndryshme të sjelljeve të pahijshme seksuale. Tregimi i tyre thekson praninë e ngacmimeve seksuale edhe midis njerëzve që nuk kanë një audiencë të madhe duke shfaqur Isabel Pascual, një grua nga Meksika që punon në mbledhjen e luleshtrydheve dhe Adama Iwu, një lobist korporatash në Sacramento.
Kjo kauzë mori një vrull të madh pasi “The New York Times”ekspozoi disa gra që publikisht akuzuan manjatin e Hollivudit, Harvey Weinstein për ngacmime dhe sulme seksuale. Kjo ndikoi që edhe shumë gra dhe burra të tjerë të ndihen të fuqizuar për të transmetuar publikisht akuzat e tyre kundër njerëzve të fuqishëm në një shumëllojshmëri të industrive, duke përdorur slloganin #MeToo. Kjo kampanjë ka ndikuar në rrëzimin e drejtuesve të lartë, gazetarëve, aktorëve, prodhuesve dhe politikanëve. Lista e Times “The Silence Breakers” përfshin emra të mëdhenj si Rose McGowan dhe Terry Crews së bashku me emrat që publiku ka gjasa të mos ketë dëgjuar kurrë./KultPlus.com
