“Prishtinë 2002” me premierë edhe në Festivalin e Filmit në Londër

Pas premierës në festivalin e filmit të shkurtër Clermont-Ferrand në Francë, filmi kosovar i metrazhit të shkurtër “Prishtinë 2002” me regjisore Trëndelinë Halili dhe producent Ermal Gërdovci, do ta shfaq premierën britanike në edicionin e 20-të të festivalit të filmit të shkurtër në Londër – festival i kategorisë A për filma të shkurtër, përcjell KultPlus.

Përgjatë festivalit i planifikuar të mbahet në janar të vitit të ardhshëm, “Prishtinë 2002” do të shfaqet në kuadër të programit “Coming-of-age”, një program ndërkombëtar i filmave të shkurtër, dedikuar rrëfimeve të cilat trajtojnë rritjen e parakohshme të fëmijëve.

“Prishtinë 2002” flet për historinë e nje adoleshenteje, e cila priret të transformojë vetveten, për t’i bërë përshtypje shoqes së saj të ngushtë./ KultPlus.com

“Prishtinë 2002” me premierë në festivalin ‘Clermont-Ferrand’ në Francë

Filmi i metrazhit të shkurtër “Prishtinë 2002” me regjisore Trëndelinë Halili dhe producent Ermal Gërdovci, do të shfaq premierën në festivalin e filmit të shkurtër Clermont-Ferrand në Francë, njërin prej festivaleve më të mëdha ndërkombëtare të filmit të shkurtër në botë i kategorisë A, dhe i dyti në Francë pas festivalit të Kanës sa i përket audiencës.

“Prishtinë 2002” do të shfaqet në ekranet franceze në kuadër të edicionit të 45-të të festivalit, i cili do të mbahet përgjatë datave 27 janar – 4 shkurt 2023.

Filmi rrëfen historinë e nje adoleshenteje, e cila priret të transformojë vetveten, për t’i bërë përshtypje shoqes së saj të ngushtë. Ndërkohë që gjatë tërë këtij rrugëtimi, personazhi kryesor ndeshet me të papriturën.

Realizimi i filmit është mbështetur nga Qendra Kinematografike e Kosovës dhe Komuna e Prishtinës, dhe prodhuar nga shtëpia e filmit Kandërr. / KultPlus.com

fil