HardhFest spektakolar në natën e parë me Trojën, sonte performojnë Kee Marcello dhe Eugent Bushpepa

HardhFest filloi të premtën mbrëma më 7 shtator me performancat e disa prej yjeve të muzikë vendore dhe ndërkombëtare. përcjellë KultPlus.

Në skenën e madhe të HardhFest u mblodhën mijëra adhurues për të përjetuar spektaklin që sjell çdo vit ky festival në vendin e rrushit dhe të verës.

Në natën e parë performuan Troja, ku rock grupi është rikthyer në skenën e HardhFest me paraqitje spektakolare dhe hitet e tyre të vjetra që u kënduan një zëri nga publiku.

NouveauBeats nga Holanda u përkujdes për muzikën më të mirë elektronike duke elektrizuar publikun deri në orët e hershme të mëngjesit.

Ndërkaq, skenën e pushtuan edhe rokerët suedezë, Madmans Choice, të cilët ishin një prej befasive ndërkombëtare të festivalit, ashtu sikurse Rahoveci All Stars, rock grupi i themeluar enkas për këtë festival.

Në natën e dytë (sonte) performojnë legjenda e grupit Europe, Kee Marcello me bend dhe Eugent Bushpepa i cili ekskluzivisht mban koncertin e parë pas suksesit në Eurovision.

HardhFest është ndër të vetmet festivale që kultivon muzikën rock me performanca live. /Telegrafi/

“Po janë këta njerëz që diellin ma kanë nal”

“Amaneti i Cloën-it”, nga grupi Troja është publikuar në shkurt të vitit 2015-të, shkruan KultPlus.

Kjo këngë me një tekst shumë aktual për gjendjen në vend, po vazhdon të dëgjohet shumë nga qytetarët.

Po ashtu kjo është kënga e cila po përcjellë protestat e përjavshme që po mbahen nga qytetarët për ngjarjet e fundit në vend.

Po sjellim të plotë tekstin:

Janë do vjet që kanë kalue neper mue
Mrena n’shpirt me forcë po më shtyn me thanë..
Kush janë këta njerz që s’janë shkollue
Nuk kan msu qe njeri nuk ban
Shpin e vet me vjedh
Janë do fjal që nuk po muj me i thanë

Janë kta njerz qe kan teprue
Shumë kanë kushtu rrenat e tyne
Janë tu m`qu atje ku veten nuk muj ma me gjet

Edhe sa vjet duhet me shkue
Me i duru kta njerz qe krejt forcen ma kan marr
Janë kta njerz që trunin ma kanë la
Janë kta njerz që vet nuk muj me i nal

AAAAHHH(scream)

Kisha dasht diqka me ndrrue
Te kta njerz qe diellin diellin ma kan nal
Sa shum vjet kam andrrue
Kam besue.. zotit ju kam lut dielli me dal
Po jan kta njerz qe diellin ma kan nal
Jan kto vjet qe kurr nuk muj me i marr

Këngëtarët që i qëndruan besnikë muzikës së tyre

Trendet dhe kërkesat e reja në skenën muzikore kanë bërë që shumë këngëtarë të dalin jashtë kornizave të tyre, duke iu përshtatur pikërisht asaj që kërkohet.

Ndryshimet e mëdha i shohim prej kohësh, dikush e ka gjetur vetën mirë e të tjerë vazhdojnë të jenë në kërkim të asaj që do t’i shndërronte në emra të kërkuar dhe mbi të gjitha të kishin përfitime nga ajo që bëjnë.

Megjithëkëtë, një pjesë e këngëtarëve të njohur kanë arritur t’i rezistojnë asaj që cilësohet komerciale, e cila në këtë fakt shumicës po i sjell shumë klikime, mbrëmje muzikore dhe si rrjedhojë shumë para. Një pjesë e atyre që kanë zgjedhur këtë drejtim nuk janë tërhequr nga skena por kanë vazhduar të jenë aktiv duke sjellë projekte muzikore në momente të caktuara, e veçmas duke marrë pjesë në festivale muzikore edhe pse nuk janë të shumta.

Eliza Hoxha është një prej këngëtareve, e cila nuk ka bërë kompromise me muzikën e saj. Ka sjellë këngë e videoklipe, ka marrë pjesë nëpër festivale, mirëpo gjithmonë duke ardhur me këngë të jashtëzakonshme, të cilat megjithëse jokomerciale, janë mirëpritur, dëgjuar e shumë prej tyre janë shndërruar në hite të mëdha. Këngëtarja e njohur nuk ka lënë anash as projekte videomuzikore, përmes të cilave ka prekur tema sociale dhe kauza të rëndësishme për shoqërinë tonë, siç ishte ai me titull “Për ata që s’janë”.

Këngët dhe klipet e saj janë të rralla sepse edhe Rosela Gjylbegu ka zgjedhur këtë rrugë. E nisi tek “Ethet e së premtes mbrëma”, ashtu siç kanë bërë shumë kolegë të saj, por gjithmonë i qëndroi besnike muzikës së saj. Rosela njihet sidomos për pjesëmarrjet nëpër festivale.

Ani pse kohëve të fundit nuk janë aktivë, në Kosovën e pasluftës grupet “Jericho” dhe “Troja” i kanë dhënë shumë rok-muzikës shqiptare. Pikërisht, janë këto dy grupe që i kanë rezistuar tregut të vrazhdë dhe asaj që vazhdimisht është kërkuar.

Kësaj liste nuk i mungon Rona Nishliu. Madje, këngëtarja tregoi më së miri se si me një këngë me vlera, me një mesazh dhe me një interpretim nga shpirti mund të shkëlqesh dhe të fitosh vëmendje edhe në një skenë siç është ajo e Festivalit Evropian “Eurovizion”, aty ku më shumë se kudo tjetër kërkohen këngët komerciale.


“Shtyje”, “Krejt andrrën” e “Këtu” janë disa nga këngët e kantautorit Genc Salihu, i cili gjithashtu ka arritur ta ruajë shumë mirë atë që ka kultivuar qysh herët.

Hashani, Shpat Deda e Mariza Ikonomi janë disa emra të tjerë, të cilët i kemi parë të mos eksperimentojnë shumë, por të vijnë në ujërat e tyre e që gjithsesi risitë nuk kanë munguar.

Këta ishin vetëm disa nga emrat që arritën t’iu rezistojnë ndryshimeve të mëdha, t’i qëndrojnë besnik stilit të tyre dhe të kultivojnë muzikën që e duan, edhe pse dikush më shumë e dikush më pak aktiv./KultPlus.com

“O sen s’kem pasë, po jemi dashtë” (VIDEO)

Albumi “One” që erdhi para tri viteve nga grupi “Troja”, u mirëprit nga publiku që s’kishte reshtur së dëgjuari “Trojë”-n përmes këngëve të albumit “Amaneti i Clown”-it, shkruan KultPlus.

Me një dinamikë të tingujve e zërit të thellë të Bujar Berishës, këngët e tij ishin bërë si një jehonë në përforcimin e zërave revoltues, që derisa dëgjojnë këngët e këtij grupi, i përcjellin në çdo fjalë.

Si pjesë e albumit “One”, kënga “A e man men” është veçuar nga shumë dëgjues të këtij grupi. Si një thirrje në të kaluarën, në kërkim të solidaritetit e dashurisë, kjo këngë u bë një rikujtim për historinë e dhimbjen e këtij vendi, e reflektim ndaj të sotmes.

KultPlus e sjellë këtë këngë së bashku me tekst, nga rok-grupi i përbërë nga vokalisti Bujar Berisha, Florent Bajrami në gitarë, Violand Shabani në trambor dhe Agron Ejupi në bas.

A e man n’men
A e man n’men a e manë?
Udhën deri ktu qysh kemi ardhë!

A e man n’men a e manë?
A e man n’men kush jemi kanë?
A e man n’men a e manë ti, venin tënd?
A e man n’men a e man, a e man n’men çfarë jete kemi ba?
A e man n’men a e man:
O send s’kem pasë…
Po jena dashtë.

A e man n’men a e manë?
Vajin e fëmijëve, n’men a e man?
A e man n’men, kur kemi thanë:
“A ka një Zot, Zot që na del krahë?”
A e man n’men a e man?
A e man n’men atë kohë vendin tënd?
A e man n’men a e man?
Kur u hap qielli engjëjt me i pa!

E kush kish thanë, kush kish thanë…?
E kush kish thanë, kush kish thanë…
Që n’kët ditë kemi me ardhë?

“Qysh thirret sistemi ku kriminelët e udhëheqin një shoqni?” (VIDEO)

Po sjellim sot këngën e rok grupit Troja “Demokraci”.

Demokraci! Demokraci! Demokraci! Demokraci! …

Qysh thirret sistemi ku njerzt s’guxojnë me thanë atë që po menojnë?
-Demokraci! Demokraci!
Qysh thirret sistemi ku gazetartë s’guxojnë me kallxu ç’ka po ndodhë?
-Demokraci! Demokraci!
Qysh thirret sistemi ku ligji vlen veç për ty?
-Demokraci! Demokraci!
Qysh thirret sistemi ku nuk ka hiq Demokraci?

Qysh thirret sistemi ku kriminelet e udhëheqin një shoqni?
-Demokraci! Demokraci!
Qysh thirret sistemi ku n’modë janë xhipat me xhama t’zi?
-Demokraci! Demokraci!
Qysh thirret sistemi ku ta vjedhin votën e s’tlanë me kajtë?
-Demokraci! Demokraci!
Qysh thirret sistemi ku Demokracinë e kanë qu “te dajtë”?

REF.
O na shkoj jeta tu u ankue.
E shumë larg janë andrrat që jem tu i pa.
O na ka hase keq “Sharra ne Gozhde”.
E ketë here fajin kujt me ia lanë?

-Demokraci thirret sistemi ku njerëzit guxojnë me fole.
-Demokraci thirret sistemi ku ligji vlen për krejt njësoj.
-Demokraci thirret sistemi ku votën kërkush s’ ta vjedh.
-Demokraci thirret sistemi ku njerëzit ma k’si kangë nuk knojnë.

REF.
O na shkoj jeta tu u ankue.
E shumë larg janë andrrat që jem tu i pa.
O na ka hasë keq “Sharra në Gozhdë”.
E këtë herë fajin kujt me ia lanë?

Këngën “Demokraci” nga Troja, Demi e shndërron në “PANokraci” (VIDEO)

Kolumnisti Agron Demi, duke parë zhvillimet e fundit në Kuvendin e Kosovës ka bërë një riformulim të tekstit të këngës “Troja”, “Demokraci”, por tashmë duke ia dedikuar koalicionit të madh “PAN”, ku “Demokraci”, është shndërruar në “PANOkraci”, shkruan KultPlus.

Më poshtë mund të lexoni komplet tekstin e Agron Demit.

“Refreni i ri i Troja:
‘Qysh quhet sistemi ku e drejta i takon atij qe nuk e ka shumicen?’
– PANokraci, PANokraci
‘Qysh quhet sistemi ku ligji vlen veç për ty?’
– PANokraci, PANokraci
‘Qysh thirret sistemi që nuk ka hiq demokraci?’
– PANokraci, PANokraci.
‘Qysh thirret sistemi ku kriminelt e udhëheqin me një shoqëri?’
– PANokraci, PANokraci
‘Qysh thirret sistemi ku në modë janë xhipat me xhama të zi?’
– PANokraci, PANokraci…”/KultPlus.com