Etiketë: Will Smith

Will Smith do të kthejë historinë e jetës së tij në film biografik

Posted on by Kult Plus

Will Smith është nominuar për aktorin më të mirë për rolin e tij në “King Richard” në “Bafta”– dhe së shpejti mund të rikthehet me një film të ri këtë herë biografik.

Aktori është në qendër të një lufte ofertash për të drejtat për ta kthyer historinë e jetës së tij në një film, pas publikimit të librit të kujtimeve të Will vitin e kaluar.

Disa shërbime transmetimi po luftojnë për të siguruar miratimin për të bërë filmin dhe ai po kërkon një shumë tetë shifrore për të drejtat.

“Disa kishin frikë se ndershmëria brutale e Will në librin e tij mund të dëmtonte reputacionin e tij. Por është bërë e kundërta dhe e ndihmoi atë të lidhej me audiencën e tij si kurrë më parë. Kur nënshkroi marrëveshjen e librit, ai e bëri këtë duke pasur parasysh një biografi shoqëruese”, tha një burim shkruan The Sun.

“Tani të gjitha shërbimet e transmetimit po kërkojnë të marrin të drejtat. Lufta e ofertave do të thotë se ai mund të përfitoj një shumë të madhe parash, kështu që ai po peshon opsionet e tij për të gjetur se cili do ta trajtojë historinë e tij të jetës me më shumë kujdes. Libri ishte me të vërtetë i suksesshëm sepse tregoi historinë e tij frymëzuese, por nganjëherë vërtet sfiduese”, shtoi ky burim.

“Duke pasur parasysh se do të jetë kaq personale, është një gjë e ndjeshme për Will. Ai dëshiron të sigurohet se është bërë në mënyrën e duhur dhe nuk është diçka që nxitohet, pavarësisht nga parave”, përfundoi burimi.

Libri i tij, i cili doli në nëntor, shënoi ngritjen e tij nga një fëmijë në perëndim të Philadelphia në një reper në krye të toplistave dhe një aktor i aftë i cili theu rekorde në arkën filmike.

Ai gjithashtu trajton trazirat e tij personale, duke përfshirë çështjet me gruan e tij Jada Pinkett Smith dhe fëmijët e tij.

Will nuk pritet të marrë pjesë në ceremoninë e nesërme (13 mars) në Royal Albert Hall të Londrës.

Ai është duke xhiruar serinë e dytë të shfaqjes së tij “Disney+ Welcome To Earth”, në Guatemalë.

Pavarësisht një karriere aktrimi që përfshin më shumë se 30 vjet, ky është nominimi i tij i parë për “Bafta”./ KultPlus.com

Will Smith shpalos detajet e autobiografisë së tij, ‘Will’

Posted on by Kult Plus

Superylli ka bërë disa postime gjatë fundjavës në rrjetin social Instagram, në lidhje me autobiografinë e tij të ardhshme, të titulluar “Vullneti”, ku përmes një filteri në fytyrë, të cilën ai e ka përdorur në stilin e karakterit të Disney, ka vënë në dukje se atij po i duket e çuditshme për të folur rreth librit të tij të parë, shkruan CNN, transmeton KultPlus.

“Ka qenë një punë e dashurisë. Unë kam qenë duke punuar në të për dy vitet e fundit dhe më në fund është gati. “, ka thënë Smith.

Ndërsa në një video tjetër, artisti Brandan Bmike Odums shfaqet duke krijuar kopertinën për librin.

“Të gjithë duhet të shohin se si @bmike2c bëri artin për librin tim – ka nivele. 5 shtresa, secila duke përsëritur një fazë të ndryshme të jetës sime … E bukur!”, lexon mbishkrimi.

Tutje, aktori është shprehur falënderues ndaj porosive paraprake që i kanë ardhur atij në fillim rreth librit të tij.

“Unë i shoh të gjitha porositë tuaja paraprake në fillim të librit tim, faleminderit!!”, ka shkruar ai në një titull të dy fotove që tregonin se ai mban librin e tij.

Libri është planifikuar të dalë në treg më 9 nëntor. / KultPlus.com

‘Bota është si një guaskë deti, të takon ty t’i gjesh perlat’

Posted on by Kult Plus

Ka kaluar më shumë se një dekadë nga dalja e filmit “Në kërkim të lumturisë” me aktorin e famshëm Will Smith, por sërish është një nga filmat e ngulitur fort në mendjen e njerëzve si një ndër më të bukurit dhe më motivuesit.

Më poshtë do të lexoni disa nga thëniet e përdorura në të që padyshim do e bëjnë ditën tuaj më të bukur.

1. Mos lejo askënd të të thotë se ti nuk mund ta bësh diçka. As mua. Nëse ke një ëndërr, duhet ta mbrosh atë. Njerëzit që të thonë se ti s’mund ta bësh diçka, janë ata që s’mund ta bëjnë dot atë gjë vetë. Nëse do diçka, përpiqu dhe arrije.

2. Hidhi hapat dhe ec përpara. Mos fol shumë, por ec drejt suksesit. Ecja nuk ka pse të jetë me milje të tëra. Edhe hapat e vegjël si një fëmijë, e kanë rëndësinë e tyre.

3. Pasuria mund të jetë edhe ajo sjellja me mirënjohje, në të cilën ne i kujtojmë vetes sonë përditë për të llogaritur bekimet tona.

4. Bota është si një guaskë deti. Të takon ty t’i gjesh perlat.

5. Unë nuk jam ajo çfarë më ndodhi mua. Unë jam ai që zgjedh të bëhem.

6. Ishte dikur një burrë që po mbytej dhe aty kaloi një varkë. Burri në varkë e pyeti burrin që po mbytej : “A do ndihmë?”, por ai ia ktheu “Zoti do të më shpëtojë mua”. Një varkë tjetër erdhi dhe një burrë u përpoq ta ndihmonte, por ai ia ktheu :

“Zoti do të më shpëtojë mua”. Por ai u mbyt dhe shkoi në parajsë. Më pas, i tha Zotit : “Zot, pse nuk më shpëtove?”, ndërsa Zoti ia ktheu : “Unë të nisa ty dy varka”. Ndaj, shfrytëzojini gjithë mundësitë që ju jepen në kohën e duhur.

7. Ndoshta lumturia është diçka që ne vetëm e kërkojmë dhe pavarësisht gjithçkaje, nuk mund ta kemi.

8. E njoha babanë tim për herë të parë, kur isha 28 vjeç. Aty vendosa se kur të kisha fëmijë, fëmijët e mi do ta dinin se kush ishte babai i tyre…/ KultPlus.com

Jaden Smith do të hapë një restorant ku më të pasurit paguajnë për të pastrehët

Posted on by Kult Plus

Jaden Smith, djali i Will Smith dhe Jada Pinkett Smith, do të hapë një restorant për t’u dhënë vakte falas njerëzve të pastrehë.

Restoranti “I Love You”, do të sigurojë ushqim vegan falas për ata që kanë nevojë në zonën Skid Row të Los Angeles.

Jaden thotë se dëshiron që ata që kanë mundësi të paguajnë për vaktin e tyre, të shpenzojnë pak më shumë, si një mjet për të paguar dhe vaktin e personit të pastrehë.

“Nëse nuk jeni i pastrehë, jo vetëm që duhet të paguani, por mund të paguani më shumë sesa vlera e ushqimit në mënyrë që të mund të paguani për personin që keni mbrapa jush,” shpjegoi 22-vjeçari./ KultPlus.com

Publikohet data e rikthimit të princit të Bel-Air

Posted on by Kult Plus

Familja Banks do të rikthehet përsëri në ekran. Aktori i famshëm, Will Smith zbuloi se “Fresh Prince of Bel-Air” do të ketë premierën e madhe më 19 nëntor, në HBO Max.

Përveç Will Smith, pjesë e premierës do të jenë thuajse edhe të gjithë aktorët kryesorë të kastit si Karyn Parsons (Hilary Banks), Tatyana Ali (Ashley Banks), Joseph Marcell (Geoffrey), Daphne Maxwell Reid (Vivian Banks), Alfonso Ribeiro (Carlton Banks) dhe DJ Jazzy Jeff (Jazz).

Shfaqja do të ketë sërish protagonist Will Smithin, ndërsa ngjarja do të bazohet në trailerin e Morgan Cooper, postuar në mars të vitit 2019./ a2news/ KultPlus.com

Rikthehet seriali i famshëm amerikan ‘The Fresh Prince of Bel Air’

Posted on by Kult Plus

Të gjithë e njohim serialin me situata tejet komike, The Fresh Prince of Bel Air, serial ky që edhe pas tre dekadave prej kur është lansuar për herë të pare, vazhdon të shikohet e rishikohet, shkruan KultPlus.

Kompania e produksionit të aktorit, Will Smith, i cili edhe është në rolin kryesor të serialit, ka njoftuar se do të sjellë prapë serialin The Fresh Prince of Bel-Air por nuk do të jetë e njejtë me komedinë e adoleshentëve që ishte në vitet e 90-ta.

Will Smith është bërë bashkë me regjisorin Morgan Cooper për të sjellë prap serialin, mirëpo kësaj radhe seriali do të përqëndrohet për të trajtuar më shumë tema serioze si krimet e bandave, varfëria, pabarazia dhe brutaliteti i policisë, raporton Mirror.

Ende nuk ka informata se kur do të shfaqet seriali, mirëpo është bërë e ditur që episodat do të zgjasin një orë dhe do të theksohet fakti që paragjykimet racore janë ende të pranishme në Amerikë.

Regjisori dhe bashkë skenaristi Morgan Cooper ka thënë: “Mendoj që ka hapësirë për të shëndrruar këtë serial nga një sitcom me tendencë komike në një format me trajtim më serioz,”

Ai poashtu ka rrëfyer që kishte qenë gjithmonë adhurues i këtij seriali. / KultPlus.com

Filmi Aladdin, rekord arkëtimesh në arkat filmike

Posted on by Kult Plus

Filmi më i ri i Walt Disney Aladdin i regjisorit Guy Ritchie, po shënon rekord në arkëtim, duke arritur shifrën 874 milion dollarë në të gjithë botën.

Llampa magjike e Will Smith në filmin Aladdin mesa duket ka qenë vërtetë e tillë. Nën regjinë e Guy Ritchie dhe me Will Smith-in në rolin e xhindit, ky projekt ka kaluar arkëtimet e “Independence Day”, i publikuar në 1996 duke u kthyer kështu në filmin më të suksesshëm në karrierën e 50-vjeçarit.

Menjëherë pas premierës botërore, në fundjavën e parë të shfaqjes Aladdin u rendit në krye të listës duke grumbulluar 86 milionë dollarë.

Në role kryesore veç Will Smith, Menna Massoud, Naomi Scott dhe Marwan Kenzari, filmi është bazuar në versionin origjinal të Disney të përrallës klasike “Një Mijë e Një Netë”./Klan/KultPlus.com

“Bota është si një guaskë deti, të takon ty t’i gjesh perlat”

Posted on by Kult Plus

Ka kaluar më shumë se një dekadë nga dalja e filmit “Në kërkim të lumturisë” me aktorin e famshëm Will Smith, por sërish është një nga filmat e ngulitur fort në mendjen e njerëzve si një ndër më të bukurit dhe më motivuesit.

Më poshtë do të lexoni disa nga thëniet e përdorura në të që padyshim do e bëjnë ditën tuaj më të bukur.

1. Mos lejo askënd të të thotë se ti nuk mund ta bësh diçka. As mua. Nëse ke një ëndërr, duhet ta mbrosh atë. Njerëzit që të thonë se ti s’mund ta bësh diçka, janë ata që s’mund ta bëjnë dot atë gjë vetë. Nëse do diçka, përpiqu dhe arrije.

2. Hidhi hapat dhe ec përpara. Mos fol shumë, por ec drejt suksesit. Ecja nuk ka pse të jetë me milje të tëra. Edhe hapat e vegjël si një fëmijë, e kanë rëndësinë e tyre.

3. Pasuria mund të jetë edhe ajo sjellja me mirënjohje, në të cilën ne i kujtojmë vetes sonë përditë për të llogaritur bekimet tona.

4. Bota është si një guaskë deti. Të takon ty t’i gjesh perlat.

5. Unë nuk jam ajo çfarë më ndodhi mua. Unë jam ai që zgjedh të bëhem.

6. Ishte dikur një burrë që po mbytej dhe aty kaloi një varkë. Burri në varkë e pyeti burrin që po mbytej : “A do ndihmë?”, por ai ia ktheu “Zoti do të më shpëtojë mua”. Një varkë tjetër erdhi dhe një burrë u përpoq ta ndihmonte, por ai ia ktheu :

“Zoti do të më shpëtojë mua”. Por ai u mbyt dhe shkoi në parajsë. Më pas, i tha Zotit : “Zot, pse nuk më shpëtove?”, ndërsa Zoti ia ktheu : “Unë të nisa ty dy varka”. Ndaj, shfrytëzojini gjithë mundësitë që ju jepen në kohën e duhur.

7. Ndoshta lumturia është diçka që ne vetëm e kërkojmë dhe pavarësisht gjithçkaje, nuk mund ta kemi.

8. E njoha babanë tim për herë të parë, kur isha 28 vjeç. Aty vendosa se kur të kisha fëmijë, fëmijët e mi do ta dinin se kush ishte babai i tyre…/ KultPlus.com

“Bad Boys for Life”, bënë bashk Lawrence e Smith

Posted on by KultPlus

Aktori Martin Lawrence ka konfirmuar se po i bashkohet Will Smithit për xhirimet e filmit Bad Boys 3.

Realisht aktorët janë bashkuar për të xhiruar vazhdimin e radhës të filmit e që thuhet se titullin do ta ketë Bad Boys for Life derisa vet Martin ka postuar një fotografi të dy aktorëve bashkë. Ai madje në përshkrim të fotografisë vet e përmendi titullin Bad Boys for Life.

Tashmë ka disa vjet që është duke u punuar në vazhdimin e tretë të filmit derisa kompania Sony po përpiqet të ringjallë franshizës e famshme. Regjisorët Adil El Arbi dhe Bilall Fallah kanë zëvendësuar Joe Carnahan në këtë projekt e në të cilin Martin kthehet si Marcus Burnett dhe Smith si Mike Lowrey, 15 vjet pasi për herë të parë ndanë ekranin./KultPlus.com

3 librat që kanë çuar Will Smith drejt suksesit

Posted on by KultPlus

Will Smith është ylli televiziv, të cilin së fundi e kemi parë teksa performonte përkrah shqiptares Era Istrefi dhe Nicky Jam në Kupën e Botës.

Nga instalimi i frigoriferëve në një supermarket për t’u bërë një nga aktorët më të njohur të kohës sonë, është e sigurtë të thuhet se Smith e di se çfarë duhet për të arritur ëndrrat. Në fakt, ai deklaroi gjatë një fjalimi në ndarjen e çmimeve se dy çelësat e suksesit janë “vrapi dhe leximi”.

Ne do të anashkalojmë pjesën e parë, e ndërsa për leximin ju sjellim 3 librat që Will Smith beson fuqimisht se kanë ndryshuar jetën e tij. Ndoshta ata do të bëjnë të njëjtën gjë edhe për ju.

Alkimisti nga Paulo Coelho

Pak libra mund ta ndryshojnë përgjithmonë jetën tuaj, por ky libër është provuar të jetë një prej tyre. Alkimisti është një fabul e këndshme që ndjek udhëtimin aventuresk të një bariu duke luajtur me nocionin se kur doni diçka në jetë, universi do të komplotojë për t’ju ndihmuar ta arrini atë.

Kjo histori frymëzuese kishte një ndikim të thellë tek Will Smith, i cili e ka cilësuar vazhdimisht atë si librin e tij të preferuar të të gjitha kohërave. Në një intervistë për Tavis Smiley Show, Smith arriti në përfundimin se si libri magjik ndryshoi pikëpamjen e tij mbi jetën.

“Unë besoj se mund të krijoj çdo gjë që dua të krijoj. Ndihem shumë mirë që ne jemi pikërisht ata që zgjedhim të jemi.”

Outliers: Historia e suksesit nga Malcolm Gladwell

Ky është lloji i librit që ndryshon mënyrën se si ju e shihni veten dhe të tjerët. “Outliers: Historia e suksesit” është një enë e shkrirjes së fakteve, anekdotave dhe një histori simpatike ku autori gërmon thellë në arsyet e vërteta pse njerëzit më të suksesshëm (outliers) janë aq të ndryshëm.

Në USA Today, Will Smith vuri në dukje një fjali të këtij libri, “Po lexoja Outliers të Malcolm Gladwell dhe ai flet për konceptin prej 10,000 orësh. Pra ju nuk shkoni në asnjë nivel mjeshtërie pa bërë 10,000 orë.”

Shikimi i Will Smith në ekran për disa minuta është provë e mjaftueshme se ai e ka arritur këtë nivel mjeshtërie. Po ju a i keni përfunduar 10.000 orët duke bërë atë që doni? Nëse jo, çfarë po ju ndalon?


“Baba i pasur, Baba i varfër” nga Robert T. Kiyosaki

Ky është libri që do të largojë mentalitetin tuaj dhe do të ndryshojë mënyrën se si i shihni paratë dhe investimin.

Autori Kiyosaki detajon përvojën e tij personale me babanë e tij të vërtetë (i cili ishte i varfër) dhe babi i mikut të tij më të mirë (i cili ishte i pasur). Të dy burrat ndihmuan në formimin e perspektivës së tij mbi financat dhe e bënë atë të bëhet autori më i mirë dhe trajneri financiar që ai është sot.

Lexoni: Ne jemi çfarë mendojmë

Në një intervistë me Oprah, Smith pranoi se ai nuk ndalet duke menduar si një “njeri i varfër” dhe ende shqetësohet për të ardhmen e tij financiare. Ndërsa djemtë e tij, të cilët janë duke jetuar një jetë luksoze, duhet të përjetojnë një “mendim të klasës së mesme”. Për t’u dhënë atyre një perspektivë të ndryshme, ai i kërkoi bijve të tij të lexonin “Baba i pasur, Baba i varfër” që të përfitonin një kuptim më të mirë mbi paratë.

Cila është marrëdhënia juaj me paratë? A jeni një skllav i punës dhe pagesave, apo po i bëni paratë që të funksionojnë për ju?

Pse duhet t’i lexoni edhe ju këto libra?

Këto tre libra lanë një shenjë të përhershme tek Will Smith për një arsye.

Alkimisti mund t’ju mësojë rëndësinë që kurrë të mos hiqni dorë nga ëndrrat tuaja. Outliers mund t’ju tregojë një botë krejt të re ku suksesi është brenda mundësive tuaja. Babai i pasur, Baba i varfër mund të fusë një ndërgjegje financiare që udhëzon investimet tuaja në të ardhmen.

Këto tre gjëra ndoshta nuk janë çdo gjë që ju nevojiten për të arritur sukses, por ato janë një fillim solid. Ju nuk do ta dini nëse nuk e provoni.

“Madhështia ekziston tek të gjithë ne.” – Will Smith. / KultPlus.com

“Nëse nuk luftoni për atë që doni, mos qani kur ta humbisni”, 17 thënie nga Will Smith

Posted on by Kult Plus

Will Smith ka një histori suksesi. Ai është një nga të paktët artistë që ka patur një sukses të madh në tri fusha të ndryshme argëtuese: TV, muzikë dhe filma.

Në vitet ‘80, ai filloi si një reper nën emrin “Princi i freskët” me një sukses modest, por fama e tij u rrit shpejt pasi mori rolin kryesor në serinë televizive The Fresh Prince of Bel-Air. Kur seritë përfunduan, Will Smith u zhvendos në filma të tjerë me role kryesore.

Smith ka luajtur në disa nga filmat më të suksesshëm të Hollywood-it si Men In Black, iRobot, The Pursuit of Happyness, Ali, Bad Boys, etj. Ai është i vetmi aktor me 8 filma të njëpasnjëshëm, ku ka fituar më shumë se 100 milion dollarë vetëm nga biletat e shitura.

Përmes filmave, dashurisë për jetën dhe fjalimeve të tij, ai është bërë një frymëzim për miliona njerëz në mbarë botën.

Këto janë disa nga thëniet më frymëzuese të Will Smith që do t’iu inkurajojnë të vini në punë të gjithë potencialin tuaj.

Thëniet:

1- Hapi i parë është të thoni, se ju mundeni.

2- Shumë njerëz shpenzojnë para të cilat nuk i kanë fituar vetë, për të blerë gjëra që nuk i duan, për t’i bërë përshtypje njerëzve të cilët ata nuk i pëlqejnë.

3- Unë zgjohem çdo mëngjes duke besuar, se sot do të jetë më mirë se dje.

4- Jeta nuk matet nga çastet kur merr frymë, por nga momentet që të lënë pa frymë.

5- Frika nuk është e vërtetë.

6- I vetmi vend ku mund të ekzistojë frika është në mendimet tona për të ardhmen.

7- Është një produkt i imagjinatës tonë, duke na frikësuar për gjëra që nuk janë të pranishme dhe që nuk ekzistojnë. Mos më keqkuptoni rreziku është i vërtetë, por frika është një zgjedhje.

8- Paratë dhe suksesi nuk i ndryshojnë njerëzit; ato thjesht plotësojnë diçka që ka qenë gjithmonë aty.

9- Nuk ju nevojitet një plan B, sepse ai ju shpërqendron nga plani A.

10- Nëse ju nuk luftoni për atë që doni, atëherë mos qani për ato që do të humbisni.

11- Të jesh realist është rruga më e thjesht që të çon drejt mediokritetit.

12- Nëse ti nuk je i pranishëm gjatë vështirësive të mia mos prit që të jesh aty gjatë suksesit tim.

13- Nëse ju nuk jeni duke e bërë jetën e dikujt tjetër më të mirë, atëherë ju po humbisni kohën tuaj. Jeta juaj përmirësohet kur e bëni jetën e njerëzve të tjerë më të mirë.

14- Mos i ndiq njerëzit. Ji vetvetja, bëj gjërat e tua dhe puno shumë.

Njerëzit e vërtetë – ata që përkasin në jetën tuaj – do të vijnë vet tek ty. Dhe do të qëndrojnë përgjithmonë.

15- Ndarja e talentit dhe aftësisë është një nga konceptet më të keqkuptuara për njerëzit të cilët janë duke u përpjekur të shkëlqejnë, të cilët kanë ëndrra dhe duan të arrijnë shumë.

Talenti është i natyrshëm. Aftësia zhvillohet vetëm me orë dhe orë dhe orë për të përmirësuar zanatin tuaj..

16– Unë asnjëherë nuk e kam parë veten si një talent të veçantë. Aty ku unë shkëlqejë etika e punës është qesharake, e neveritshme. Duhet të dini se, kur të tjerët flenë, unë jam duke punuar.

17– Unë nuk e di cili është misioni im, por dua të jem këtu për një arsye të madhe. Unë përpiqem të jem si njerëzit më të mrekullueshëm që kanë jetuar në këtë botë.

Will Smith publikon pamje para performancës së madhe: 3 miliardë njerëz do na ndjekin (VIDEO)

Posted on by Kult Plus

Kanë mbetur edhe pak minuta deri në performancën e madhe të Kampionatit Botëror, ku këngëtarja nga Kosova, Era Istrefi së bashku me Will Smith e Nicky Jam do të interpretojnë himnin e këtij kampionati në stadiumin Luzhinki në Moskë, shkruan KultPlus.

Artisti i njohur, Will Smith ka publikuar disa pamje duke treguar aktivitetin e emocionet e tyre pak para performancës.

“3 miliardë njerëz do të ndjekin performancën tonë sonte, kjo është pak para saj”, ka shkruar Smith në një video të postuar minuta më parë. / KultPlus.com

Will Smith: Paraja, fama dhe marrëdhëniet seksuale nuk ma përmbushën jetën

Posted on by Kult Plus

Will Smith ditë më parë festoi përvjetorin e njëzet të martesës me Jada Pinkett-Smith.

Aktori amerikan ka folur për mediat amerikane duke u treguar i sinqertë sa i përket jetës personale dhe karrierës hollivudiane.

Ylli 49-vjeçar ka dhënë një intervistë për “Rap Radar” teksa ka treguar haptas se paraja, fama dhe marrëdhëniet seksuale nuk e kanë përmbushur në jetë.

“Kam pasur para pafund, kam bërë seks me kë kam dashur, kam pasur admirimin e mijëra personave”, tha Smith duke shtuar se “kam qenë në krye të botës materiale dhe kuptova se kurrë nuk isha i lumtur me këto gjëra. E vetmja gjë që më emocionin është të jem i dobishëm për njerëzit e tjerë”.

/