Ansambli ‘Shota’ nderohet me dy çmime në Festivalit Ndërkombëtar të Trabzonit në Turqi

18 Korrik, 2017 - 2:19 pm

Ansambli Kombëtar i Këngëve dhe Valleve “Shota” jo rrallë kanë përfaqësuar kulturën shqiptare në festivale të ndryshme ndërkombëtare ku nuk kanë munguar edhe çmimet për ta.

Kësaj radhe përgjatë datave 6 deri më 14 korrik, Ansambli “Shota” ishte pjesë e Festivalit Ndërkombëtar të Trabzonit në Turqi.
Në këtë festival Ansambli ‘Shota’ u nderua me çmimin e dytë në kategorinë e performancës së përgjithshme dhe çmimin e parë muzikor të festivalit, përcjellë KultPlus.

Për një gjë të tilla ka njoftuar drejtori artistik i këtij ansambli, Ylber Asllanaj i cili është shprehur se kjo është një dëshmi që arti është përfaqësuesi më i denjë i shtetit tonë para botës.

“Edicioni i I-rë i “Kemençe ve Horon”-fest, në Trabzon-Turkey, ku AKKV “SHOTA”, u nderua me çmimin e II-të, në kategorinë e performancës së përgjithshme dhe çmimin e I-rë muzikor të festivalit,edhe një dëshmi kjo, që arti,sporti dhe kultura janë përfaqësuesit më të denjë të shtetit tonë para botës. Edhe një JU LUMTË e madhe për T. A. të ansamblit,për punën dhe suksesin, dhe një apel për kompetentët e shtetit për më shumë kujdes dhe përkushtim ndaj këtij aseti kombëtar”, ka shkruar Asllanaj në Facebook. / KultPlus.com

Të fundit

Të ngjajshme