Ermonela Jaho shkëlqen në Peralade, mediet spanjolle e krahasojnë me Maria Callas

9 Gusht, 2017 - 12:53 pm

Sopranoja e famshme Ermonela Jaho është ngjitur në skenën e Festivalit Peralade të Spanjës, ku në edicionin e 31-të, ka përfshirë artistët më me ndikim në vende të ndryshme të botës, shkruan KultPlus.

Ermonela Jaho ka mrekulluar audiencën spanjolle me rolin e saj në shfaqjen operistike “Madama Butterfly”, e cila tashmë ka bërë paraqitjen e parë, kurse po në këtë festival do të ngjitet edhe një herë me këtë shfaqje, pikërisht në mbrëmjen e sotme.

Dhe performanca e saj është vlerësuar aq lartë nga mediet spanjolle, ku sopranoja shqiptare është krahasuar me artisten e madhe Maria Callas, krahasim që padyshim i vë edhe një vulë të rëndësishme suksesit të Ermonelës, e cila viteve të fundit ka pushtuar skenat më prestigjioze të botës. /KultPlus.com

Të ngjajshme